Owi kpe dati 2:16 - WE NU GALE 1995

¹⁶ NWA zɔa ni gbaa, nɛ a tombo owi kpe dati obe Israɛlɛ, takɔ wa kpasa wa ti kɔ Owi 'danga mɛnɔ ni.

Owi kpe dati 2:16 Iomraidhean Croise

2 SAMUƐLƐ 7:11

'da fala mi ia zi Owele ngɔ wa na, wa kpe dati wa ni gɔ. Mi amba sɛ zu mɔ ti kɔ̃ Owi sɛnɛ mɔ vɛ̃. Do Sɔkpɔ nɛ, mi tɔ̃ 'bɔ hã mɔ na, mi NWA, mi hã sɛ odɔa be hã mɔ, nɛ nu tɔa 'da mɔ ma 'bɔ.

NEHEMIE 9:27

Ma kɛ mɔ 'dɔlɔ zi wa hã Owi sɛnɛ wa, nɛ wa hã zi ngamɔ hã wa. Nɛ kɔ ngamɛ 'da wa, wa hia dɛ 'da mɔ, nɛ yolo li nza ngɔ i, mɔ zila wala gɛlɛ wa. Nɛ we duzu kɔ̃a zã 'da mɔ kɛ ma gã la li ni, mɔ tumba owi kpe dati wa we fo wa kɔ ngbá 'da owi sɛnɛ wa do'do.

Owi Nɛ Tonɔ 13:20

Nɛ wa ɔa dɛ di ni gbaa sabɛlɛ kama nalɛ do 'bu nɛ mɔlɔ. “'Do nɛ, nɛ Gale saka Owele we kpe dati wa, gbaa we hɔ 'da fala kɛ a tumba do Samuɛlɛ, wi gba olo nu a ni.

Owi kpe dati 10:1

Do 'do kɛ Abimelɛkɛ fia ni, nɛ Tola, be 'da Puva, kɛ li yaa a zi a Dodo ni, a kpasa obe Israɛlɛ ti kɔ̃ owi sɛnɛ wa. Tola a wi kɔ nu kpala Isakarɛ, nɛ a ɔ kɔ le Samirɛ, kɛ ma ngɔ kalanɔ tɛ Efraimɛ.

Owi kpe dati 11:32

Nɛ Yɛfte kũ lì do owinɔ 'da a we bi Oamoni, nɛ nwa 'dɔlɔ wa hã a.

Owi kpe dati 3:15

Obe Israɛlɛ wa zɔa ni, nɛ wa ala nu wa hã NWA Gale na, a gala lo. Nɛ a tumba wele kpo, li a a Ehudɛ na, a fo wa ti kɔ̃ nwa Egloni. Ehudɛ zi a be 'da Gera, wi nu kpala Bɛnzamɛ. A dɛ zi to do gale kɔ̃ a. Nɛ obe Israɛlɛ wa tumba Ehudɛ do dia mɔ we dɔnggɔ do Egloni, nwa ngɔ nù Moabɛ.

Owi kpe dati 3:31

Dɛ 'do nɛ, nɛ Samgarɛ, be 'da Anatɛ, dungu olo Ehudɛ. A gbɛa zi Ofilisti kama gazɛlɛ do 'bɛ̃lɛ̃ nu te kɛ wa kã do ongɔmbɔnɔ ni. Na mɛ ni, a kpasa zi 'bɔ obe Israɛlɛ ti kɔ̃ Owi sɛnɛ wa.

Owi kpe dati 4:5

A 'bili zi we ti mbe 'bete kpo tɛ ngbala le Rama do Betɛlɛ, tɛ ngɔ kalanɔ tɛ Efraimɛ. Nɛ obe Israɛlɛ wa nɛ zi we aka a do wenɔ dɛ di ni. Nɛ wa sa zi li 'bete fala ni na: “'Bete 'da Debora.”

Owi kpe dati 6:14

Nɛ NWA Gale gese na: “Mɔ kúlú ngɔ do nganda mɔ do ma gɛ, hã mɔ nɛ we fo obe Israɛlɛ ti kɔ Omadianɛ. Wi a mi hã mi tumba mɔ.”

RUTI 1:1

Zɛ́ do 'da fala kɛ Owi kpe dati obe Israɛlɛ, wa zɔ zi mɔ tɛ wa ni, nɛ gba wɔ tia zi ngɔ nùi ni. Nɛ mbe wele kpo kɔ le Bɛtleɛmɛ, tɛ ngɔ nu Yuda, a zɔa ní, nɛ a kulu ngɔ do wuke 'da a, do bulu benɔ 'da a bɔa, nɛ wa la dɛ ngɔ nù Moabɛ, we kɛ dia nù mi do kpalɛ i mɔ boe.

1 SAMUƐLƐ 12:11

Nɛ Gale tumba Zedeoni, nɛ 'do nɛ nyɛla, nɛ a tombo Bedanɛ. 'Do a nɛ a tumba Yɛfte, nɛ Sɔkpɔ nɛ vɛ̃, a tumba mi Samuɛlɛ. A tumba lɛ na, lɛ kpasa nɛ ti kɔ̃ owi sɛnɛ nɛ, nɛ nɛ kpa dia dungu ngɔ nùi 'da nɛ

1 SAMUƐLƐ 14:48

A bi zi Oamalɛkɛ do sɔ̃a gbãlã tɛ, nɛ a nɛ ngɔ wa, nɛ a kpasa zi obe Israɛlɛ ti kɔ owinɔ vɛ̃ kɛ wa bi zi wa ni.