Owi kpe dati 2:14 - WE NU GALE 1995

¹⁴ Nɛ nwa zɔa ní, nɛ zã a nɔ̃lã dɛ tɛ wa obe Israɛlɛ. Nɛ a ia wa dɛ kɔ̃ owi 'danga mɔ na, wa 'danga mɛnɔ 'da wa. Nɛ owi sɛnɛ wa wa hɔa, nɛ wa linggi wa, nɛ wa bi wa. Nɛ nde obe Israɛlɛ wa wè zi tɛ yolo dati wa gɔ.

Owi kpe dati 2:14 Iomraidhean Croise

2 SAMUƐLƐ 24:1

Mbe ngba soe kpo, nɛ zã NWA nɔ̃lɔ̃ 'bɔ mbé nɛ dɛ tɛ obe Israɛlɛ. Nɛ a dɛa na, nwa Davidi dɛ mɔ kɛ ma fa ngamɔ dɛ tɛ wa ni. Nɛ a e dɛ kɔ sila a na, a nɛ, kɔ a tɔlɔ Oisraɛlɛ do Oyuda vɛ̃.

2 SAMUƐLƐ 7:11

'da fala mi ia zi Owele ngɔ wa na, wa kpe dati wa ni gɔ. Mi amba sɛ zu mɔ ti kɔ̃ Owi sɛnɛ mɔ vɛ̃. Do Sɔkpɔ nɛ, mi tɔ̃ 'bɔ hã mɔ na, mi NWA, mi hã sɛ odɔa be hã mɔ, nɛ nu tɔa 'da mɔ ma 'bɔ.

2 Onwanɔ 13:3

Nɛ sila NWA nɔ̃lɔ̃ dɛ tɛ Oisraɛlɛ, nɛ a ba wala hã Hazaɛlɛ, nwa ngɔ nù Siri, do be 'da a Bɛnɛ-Hadadɛ na, wa bi Oisraɛlɛ, nɛ wa e wa ti mbula 'da wa 'do nɛ nyɛlɛ.

2 Onwanɔ 17:20

Gulu nɛ a NWA da kɔ̃ ɛ tɛ obe Israɛlɛ vɛ̃, nɛ a e wa dɛ kɔ̃ ogele winɔ na, wa 'danga mɛnɔ 'da wa, nɛ wa hã sape hã wa. Do ndɔti nɛ, nɛ a ndaka wa ngɔ li a, nɛ a a wa ndũu nyɛlɛ do a.

2 Sakonɔ 15:5

Do ngba soe ni, wele wè zi tɛ kulu ngɔ we nɛ gɛnɛ gele fala, nɛ a kpolo tɛ̃ a do lɔa tɛ̃ a iko gɔ. Mba gɔ, do ngba soe ni owinɔ nù gɛ vɛ̃ wa hã zi ngamɔ hã ngba wa wena.

2 Sakonɔ 28:5

Na mɛ ni, nɛ NWA Gale 'da a ia a dɛ kɔ̃ nwa ngɔ nù Siri, nɛ osoda Siri wa bi a, nɛ wa nɛ ngɔ a. Nɛ wa kala mbe owinɔ 'da a dɛlɛ wena, nɛ wa si do wa dɛ Damasi i. Nɛ NWA Gale ia 'bɔ Ahazɛ dɛ kɔ̃ Peka, be 'da Rɛmalia, kɛ a a nwa ngɔ Oisraɛlɛ ni, nɛ a bi a, nɛ a nɛ ngɔ a 'danga wena.

2 Sakonɔ 36:16

Nɛ nde Oisraɛlɛ wa zɔ zi owi tonɔ ni li wa yala, nɛ wa fi gbɛlɛgbɛsɛ zu owi gba olo nu Gale, nɛ wa bɛ̃ gɛnɛ wenɔ 'da Gale. Na mɛ ni, nɛ zã Gale nɔ̃lɔ̃ zi dɛ tɛ wa do kɛ na, wa wè zi we yu ma gɔ ni.

NEHEMIE 9:27

Ma kɛ mɔ 'dɔlɔ zi wa hã Owi sɛnɛ wa, nɛ wa hã zi ngamɔ hã wa. Nɛ kɔ ngamɛ 'da wa, wa hia dɛ 'da mɔ, nɛ yolo li nza ngɔ i, mɔ zila wala gɛlɛ wa. Nɛ we duzu kɔ̃a zã 'da mɔ kɛ ma gã la li ni, mɔ tumba owi kpe dati wa we fo wa kɔ ngbá 'da owi sɛnɛ wa do'do.

Zumanɔ 44:11

Mɔ la lɛ, nɛ Owi sɛnɛ lɛ wa ndaka lɛ, nɛ lɛ yu dati wa, nɛ wa kala mɛnɔ 'da lɛ.

Zumanɔ 44:12

Mɔ bia gole lɛ hã wa, ɔ nɛ kɛ wa be gole sa'de ni, nɛ mɔ pɛsa lɛ dɛ ngɔ ogele nùnɔ.

Ezai 42:24

Wi kɛ a 'dɔlɔ zi lɛ, obe Israɛlɛ, hã Owi sɛnɛ lɛ na, wa kala mɛnɔ 'da lɛ ni, wi a wio nde? Wi zi a NWA, kɛ lɛ dɛa zi 'dã mɛ dɛ 'da a ni. Gale bia zi wala hã lɛ obe Israɛlɛ, nɛ nde lɛ bà do li wala ni gɔ. A bia mbula hã lɛ, nɛ lɛ dɛ̃ ma gɔ.

Ezai 50:1

“Aa nɛ, owinɔ 'da mi, nɛ lengge na, mi bɛ̃a gɛnɛ nɛ, ɔ nɛ kɛ wi wili bɛ̃ do kɛnɛ ɛ ni nde? Nɛ mbɛti bɛ̃ ngba wi, kɛ mi dɛa hã nɛ ni, ma a ni do nde? Nɛ lengge wá na, mi bia gole nɛ na, nɛ hɔ ngbá, ɔ nɛ kɛ wele be do gole benɔ 'da a we gese do ku'da zu a ni nde? Ma ni gɔ! Wa kala nɛ, nɛ wa 'dɔlɔ nɛ, we duzu 'dã mɛnɔ 'da nɛ.

Yeremi 37:10

Nɛ lengge na, nɛ we sɛ tɛ nɛ ngɔ owinɔ vɛ̃ kɛ wa tɛ bi nɛ gɛ nde? Gɛnɛ kɔ nɛ nɛ sɔ ngɔ wa, hã nɛ gbɛ sɔ sodanɔ 'da wa vɛ̃, hã nɛ la tati a owinɔ wa kpa dani ni iko, nɛ wanɔ ni wa kulu sɔ ngɔ kɔ tandenɔ 'da wa, nɛ wa tɛ we fi we tɛ le 'da nɛ, we dɔ ma vɛ̃.”

Levitɛnɔ 26:17

Mi e sɛ li mi ngɔ nɛ, nɛ nɛ te sɛ li bolo, nɛ owinɔ kɛ wa sɛnɛ nɛ ni, wa dungu sɛ ngɔ nɛ. Nɛ kili ma ba sɛ nɛ wena, do tɛlɛ tɛ kɛ na, nɛ yu iko, nɛ nde wele ndàkà 'do nɛ gɔ.

Levitɛnɔ 26:28

nɛ zã mi ma nɔ̃lɔ̃ sɛ nganda wena, nɛ mi dɛ sɛ tɛ mɛ 'bɔ nga zu hã nɛ, nɛ mi gã sɛ 'bɔ 'da etumbu olo 'dã mɛnɔ 'da nɛ fala sambo.

Levitɛnɔ 26:37

Wa yu sɛ, nɛ wa lo li wa do ngba wa, ɔ nɛ kɛ wa yu dati wi sɛnɛ wa ni.

Tɔlɔ Mɔ 32:13

Nɛ Mɔizɛ tɔ̃ 'bɔ hã wa na: “Zã NWA nɔ̃lɔ̃ zi dɛ tɛ lɛ obe Israɛlɛ, nɛ a dɛa na, lɛ ɔ 'bɔ li gba zɔ̃ 'do 'bu sabɛlɛ nalɛ, takɔ owinɔ vɛ̃ kɛ dɛa to tɛ wa ma dè li a gɔɛ ni, wa fe do'do sɛ nɛ de.

Tɔlɔ Mɔ 32:14

Kɔ nɛ, nu kpala owi dɛ 'dã mɛnɔ gɛ! Nɛ kɔ̃a we ba wala zi olo oyaa nɛ ni na, zã nwa nɔ̃lɔ̃ 'bɔ mbé nɛ dɛ tɛ lɛ obe Israɛlɛ nde?

Mbulanɔ 28:20

“Fala kɛ nɛ dɛ 'dã mɔ, kɔ nɛ bɛ̃ gɛnɛ NWA, nɛ a tombo sɛ fɔmba dɛ ngɔ nɛ. A dɛ sɛ na, gã kili ba nɛ. Nɛ zu nɛ ma vĩ sɛ kɔ mɛnɔ kɛ nɛ kɔ̃a we dɛ ma ni, nɛ nɛ kpa sɛ 'bako. A dɛ sɛ do nɛ ní gbaa na, nɛ kumu vɛ̃.

Mbulanɔ 28:25

“NWA a dɛ sɛ na, owi sɛnɛ nɛ wa nɛ ngɔ nɛ li bolo. Nɛ fala kɛ nɛ nɛ we bi wa si 'biti fala kpo, nɛ wa ndaka sɛ nɛ, nɛ nɛ pɛsɛ dati wa do li walanɔ vɛ̃. Nɛ onu kɔnggɔ winɔ ngɔ nu gɛ, wa zɔ mɛ kɛ ma hɔa hã nɛ ni, nɛ wa dɛ sɛ kili wena.

Mbulanɔ 28:58

“Nɛ dɛ́ zĩ na, nɛ dɛ mbulanɔ 'da NWA vɛ̃ kɛ wa kɔmɔ ma kɔ 'buki gɛ do wala olo nɛ ngboo. Nɛ nɛ dɔ́nggɔ́ NWA Gale 'da nɛ, kɛ a do dɔ̃lɔ̃ li, nɛ ngawi 'da a nɛa ngɔ mɔ vɛ̃ ni.

Mbulanɔ 32:30

Gulu kɛ wele zu a kpo iko, nɛ a nɛ ngɔ obe Israɛlɛ kama kpo ni we ge nde? Nɛ gulu kɛ Owele bɔa, nɛ wa nɛ ngɔ obe Israɛlɛ koto kpo ni we ge nde? Mɛ a we duzu kɛ Gale 'da wa, kɛ a do nganda vɛ̃ ni, a la wa do'do.

Yozue 23:16

NWA Gale 'da lɛ gba tɔkɔ do lɛ, nɛ a kɔ̃a na, nɛ dɛ mbula gba tɔkɛ ni. Kɔ fala nɛ dɛ̃ ma gɔ, kɔ nɛ dɔnggɔ ogele galenɔ, nɛ zã a ma nɔ̃lɔ̃ sɛ dɛ tɛ nɛ, nɛ a hã sɛ etumbu hã nɛ. Nɛ a dɛ sɛ na, nɛ kumu ngɔ dia nùi kɛ a ba hã nɛ gɛ do'do.”

Owi kpe dati 1:19

NWA zi fala nɛ kpo do wa, nɛ wa kala lenɔ ngɔ kala i ni. Nɛ nde wa wè zi tɛ ndaka winɔ kɛ lenɔ 'da wa ma ngɔ mbɛ nùi ni gɔ, we duzu kɛ winɔ ni wa zi do ongilingili bi bolo, kɛ wa dɛa do mɔ bolo ni.

Owi kpe dati 1:34

Oamori wa bi nu kpala Danɛ, nɛ wa ndaka wa dɛ ngɔ kala i, nɛ wa hã̀ zi wala hã wa we zĩlĩ dɛ ngɔ mbɛ nù nga gɔ.

Owi kpe dati 10:7

Nɛ zã NWA nɔ̃lɔ̃ dɛ tɛ wa, nɛ a 'dɔlɔ wa hã Ofilisti do Oamoni.

Owi kpe dati 2:20

Ma kɛ sila NWA nɔ̃lã dɛ tɛ wa, nɛ a tɔ̃ na: “Mi ba zi nu mi hã oyaa nɛ na, wa dɔnggɔ gba tɔkɛ kɛ mi gba zi do wa ni. Nɛ nde nɛ, obe zã wa, nɛ 'danga gba tɔkɛ ni do'do, we duzu kɛ nɛ zèlè we nu mi gɔ.

Owi kpe dati 3:12

Obe Israɛlɛ wa dɛa zi 'bɔ mɔ kɛ ma dè tɛ NWA gɔ ni. Gulu nɛ a NWA tumba Egloni, nwa ngɔ nù Moabɛ na, a bi do wa.

Owi kpe dati 4:2

NWA zɔa ní, nɛ a hã ngawi hã Yabinɛ na, a nɛ ngɔ wa. Yabinɛ zi a nwa ngɔ nù Kanana, nɛ a ɔ tɛ Hasɔrɛ. Nɛ gã wi ngɔ osodanɔ 'da a zi a Sisra, nɛ a ɔ zi tɛ Harosɛtɛ-Goimɛ.