Owi kpe dati 2:12 - WE NU GALE 1995

¹² Wa bɛ̃a gɛnɛ NWA Gale 'da oyaa wa, kɛ a fua zi wa kɔ ngbá ngɔ nù Ezipeto i ni, nɛ wa gu nù ti gele galenɔ 'da winɔ kɛ zã wa ni, nɛ wa dɔnggɔ wa, nɛ ma nɔ̃lɔ̃ zã nwa dɛ tɛ wa.

Owi kpe dati 2:12 Iomraidhean Croise

Zumanɔ 106:36

Nɛ wa dɔngga osɛa tenɔ 'da wa, nɛ ma fi wa kɔ 'dã mɔ.

Zumanɔ 78:58

Wa nɛa tɛ fala sambala ogale bɛlɛnɔ, nɛ wa dɔnggɔ osɛa te dɛ di ni. Na mɛ ni, wa tulu nwa, nɛ zã a nɔ̃lɔ̃ dɛ tɛ wa.

Kulu Tɔa 13:14

Hã fala kɛ do 'do, hã obenɔ 'da nɛ wa aka nɛ na, nɛ dɛ ni we ge nde? Nɛ nɛ gese sɛ hã wa na, NWA do ngawi 'da a, kɛ ma nɛa ngɔ mɛnɔ vɛ̃ ni, a fua zi lo kɔ ngbá tɛ ngɔ nù Ezipeto.

Kulu Tɔa 13:16

Omɛnɔ kɛ nɛ dɔnggɔ sɛ do a ni, ma ɔ sɛ nɛ mɔ kɛ wa ɛnzɛ dɛ tɛ 'baka nɛ, tabi dɛ tɛ zu nɛ, we gba ta zu nɛ na, NWA a fua nɛ ngɔ nù Ezipeto do ngawi 'da a, kɛ ma nɛa ngɔ mɛnɔ vɛ̃ ni.”

Kulu Tɔa 13:3

Nɛ Mɔizɛ tɔ̃ hã obe Israɛlɛ na: “Ta zu nɛ tɛ èlè ngɔ kɔ̃ tũi gɛ gɔ! Mɛ a kɔ̃ tũ kɛ NWA Gale, a fua nɛ kɔ ngbá tɛ ngɔ nù Ezipeto do ngawi 'da a kɛ ma nɛa ngɔ mɛnɔ vɛ̃ ni. Fala kɛ nɛ dungu ɛngga we lengge kɔ̃ tũi ni, nɛ nɛ nyɔngɔ mapa kɛ wa à ina hana mapa tɛ nɛ gɔ ni.

Kulu Tɔa 13:9

Nɛ ɛngga ni, ma ɔ sɛ nɛ mɔ kɛ wa ɛnzɛ dɛ tɛ 'baka nɛ, tabi dɛ tɛ zu nɛ na, ma gba ta zu nɛ ngɔ mbula 'da NWA, nɛ nɛ lengge ma fai, we kɛ a fua nɛ ngɔ nù Ezipeto do ngawi 'da a, kɛ ma nɛa ngɔ mɛnɔ vɛ̃ ni.

Kulu Tɔa 20:5

nɛ mɔ gu nù ti nɛ gɔ, nɛ mɔ tɛ dɔ̀nggɔ̀ ma gɔ. We kɛ mi a NWA Gale 'da mɔ, nɛ mi kɔ̃̀ gele gale kɛ zã mi gɔ. Fala kɛ wele bɛ̃ we nu mi, nɛ mi hã sɛ etumbu hã a do obe zã a, gbaa we hɔ ngɔ obe yaa a, do okanggadɔkɔ a.

Yeremi 16:11

Nɛ mɔ gese sɛ hã wa na, mi NWA, mi tɔ́a na: Oyaa nɛ wa la zi fala mi, nɛ wa dɔnggɔ ogele galenɔ, nɛ wa gu nù ti wa. Wa la fala mi, nɛ wa dɛ̀ mbulanɔ 'da mi gɔ.

Mbulanɔ 13:5

Nɛ hã dɔ̃lɔ̃ li tati nɛ hã NWA Gale 'da nɛ iko. Nɛ dɔ́nggɔ́ a, nɛ nɛ zele ombulanɔ 'da a do dia nɛ. Nɛ zélé a, nɛ nɛ dɛ to hã a, nɛ nɛ hã sila nɛ vɛ̃ hã a zu a kpo.

Mbulanɔ 29:18

Nɛ nɛ gɛ vɛ̃, kɛ nɛ zila wenɔ ni sɔɛ gɛ, nɛ dɛ zĩ na, da dɛ kɔ wele kpo lénggé na, gɛnɛ kɔ ɛ là fala dɛ nga zu gɔ, nɛ ɛ kpa sɛ dia mɔ ni gɔ. Nɛ nɛ dɛ 'bɔ zĩ na, da dɛ kɔ wele é ngba ɛ li wala dɔnggɔ kpikima gɔ.

Mbulanɔ 29:25

Wa dɔnggɔ ogele galenɔ, kɛ wa dɔ̀nggɔ̀ zi mbe kuti wa dati gɔ ni, nɛ wa dɛ to hã wa. Ogalenɔ ni, NWA bɛ̃a zi na, obe Israɛlɛ wa tɛ dɔnggɔ wa gɔ.

Mbulanɔ 32:15

“Kɔ wa nɛa we kpa mɔ wena do'do, nɛ ma nganda zu wa. Zã wa hɛ̃a gbaa do nu sila wa vɛ̃, nɛ wa bɛ̃a gɛnɛ Gale, kɛ a dɛa wa ni. Wa bɛ̃a gɛnɛ gã wi kele zu wa, kɛ a kpasa wa ni.

Mbulanɔ 33:17

E kɔ Yozɛfu kpa dɔ̃lɔ̃ li. A nganda ɔ nɛ wili ngɔmbɔ ni. A do ozamba a bɔa ɔ nɛ oza yele ni, nɛ a ndaka do ogele nu kɔnggɔnɔ, nɛ wa yu nyɛlɛ dɛ ndɔti nùi. Mbee za ni kpo, wi a ogba gili obe zã Efraimɛ, nɛ mbee nɛ kpo wi a owanɔ 'da Manase.”

Mbulanɔ 4:25

“'Do nɛ nyɛlɛ sɛ ngɔ nùi kɛ NWA kpua mbulu nɛ hã nɛ ni, nɛ nɛ ko sɛ obe, nɛ obe zã nɛ wa ko sɛ 'bɔ be zã wa. 'Da fala ni, nɛ nɛ tɛ sɛ̀ kpikima mɔ kpo, kɔ nɛ te kɔ 'dã mɔ gɔ, tabi nɛ tɛ dɛ̀ 'bɔ mɔ kɛ ma dè tɛ nwa gɔɛ ni gɔ. Nɛ dɛ na mɛ ni, nɛ zã NWA ma nɔ̃lɔ̃ sɛ dɛ tɛ nɛ.

Mbulanɔ 5:9

Nɛ mɔ tɛ bìlì zu mɔ nù dati osɛa mɛnɔ ni gɔ, mɔ tɛ dɔ̀nggɔ̀ ma gɔ. We kɛ mi a NWA Gale 'da mɔ, nɛ mi kɔ̃̀ gele gale kɛ zã mi gɔ. Fala kɛ wele bé we nu mi, nɛ mi hã sɛ etumbu hã a, do obe zã a, gbaa we hɔ ngɔ obe yaa a, do okanggadɔkɔ a.

Mbulanɔ 6:12

Fala kɛ nɛ zɔ na mɛ ni, nɛ nɛ dɛ nganda na, da dɛ kɔ tɛ nɛ élé ngɔ NWA, kɛ a fua zi nɛ kɔ ngbá tɛ ngɔ nù Ezipeto ni gɔ.

Owi kpe dati 10:11

Nɛ NWA gese na: “'Da fala Oezipeto, Oamori, Oamoni, Ofilisti,

Owi kpe dati 5:8

Obe Israɛlɛ wa saka mbé ogale, nɛ bolo ma tia do ti. Obe Israɛlɛ kɛ wa a owi bi bolo ni, wa koto 'bu nɛ nalɛ, nɛ nde fo ngele do sɛlɛ kpo kɔ̃ wa bina.

Owi kpe dati 8:33

'Do kɛ Zedeoni fia ni, nɛ obe Israɛlɛ wa ma ngɔ dɔnggɔ ogale Bala. Nɛ wa ba zi Bala-Bɛritɛ ɔ nɛ gale 'da wa,