Owi kpe dati 2:11 - WE NU GALE 1995

¹¹ Obe Israɛlɛ wa dɛa zi mɔ kɛ ma dè tɛ NWA gɔ ni, nɛ wa dɔnggɔ 'bɔ okpikima gale Bala.

Owi kpe dati 2:11 Iomraidhean Croise

Ndo Nyanga Dɛ Mɔ 13:13

Nɛ nde i mɔ ni, dɛa mɔ tɛ winɔ kɔ le Sodɔmɛ ma dè zi gɔ. Wa dɛ zi 'dã mɔ dɛ 'da NWA wena.

Ndo Nyanga Dɛ Mɔ 38:7

Nɛ nde Ɛrɛ dɛa zi mɔ kɛ ma dè tɛ NWA gɔ ni, nɛ NWA gbɛa a.

1 Onwanɔ 11:5

Nɛ Salɔmɔ ma ngɔ dɔnggɔ Astarte, gale wuke 'da Osidoni, do Milkɔmɛ, gba sɔ̃ gale 'da Oamoni.

1 Onwanɔ 18:18

Nɛ Elia gese na: “Mi a mi hã̀ ngamɛ hã obe Israɛlɛ gɔ. Wi a mɔ do nu fɛlɛ mɔ, tua kɛ nɛ bɛ̃a we dɛ mbulanɔ 'da nwa, nɛ nɛ dɔnggɔ okpikimanɔ 'da gale Bala.

1 Onwanɔ 22:53

A dɛa mɔ kɛ ma dè tɛ nwa gɔ. A dɛa mɔ tɛ̃ a de gɔ, kpasaa ɔ nɛ kɛ 'da baa a, do naa a, do nwa Yeroboamɛ, be 'da Nɛbatɛ ni. A ba wala olo nwa Yeroboamɛ, kɛ a tumba zi obe Israɛlɛ we dɛ 'dã mɔ ni.

2 Sakonɔ 28:2

A dɛa zi kpo kpo 'dã mɛ olo onwa ngɔ Oisraɛlɛ zi dati ni. A dula zi mɔ bolo do okpikima we dɔnggɔ do ogale Bala.

2 Sakonɔ 28:3

Nɛ a hã dɔnggamɔ fũ yɔmbɔ tɛ kɔ gbangɔlɔ̃ Hinɔmɛ. Nɛ gã 'dã mɛ kɛ a dɛa ma ni, mɛ a kɛ a gbɛa obulu benɔ 'da a ngboo, nɛ a wa do dɔnggamɔ hã ogalenɔ 'da a. A dɛa ni, mba gɔ, we kɛ a zɔa zi ma kɔ̃ Okanana, kɛ NWA Gale ndaka zi wa ngɔ nù 'da wa, nɛ a hã ma hã obe Israɛlɛ ni.

2 Sakonɔ 33:6

Nɛ dɛ ngɔ ki ni, nɛ a gbɛ 'bɔ bulu benɔ 'da a, nɛ a hã wa do dɔnggamɔ hã ogale bɛlɛnɔ tɛ kɔ gbangɔlɔ̃ Hinɔmɛ. Nɛ a dɛ 'bɔ osɔ̃ kpi do kpi, nɛ a aka owinɔ kɛ wa wele we do bɔzɔnɔ ni. A dɛa zi 'dã mɔ dɛ dati dɛa fai, nɛ ma 'danga tɛ NWA, nɛ ma nɔ̃lɔ̃ zã a.

Ɛsdrasi 8:12

Yohananɛ, be 'da Hakatanɛ, nu fɛlɛ kula 'da Azgadɛ, a zi do owi wili 110.

NEHEMIE 9:26

“Nɛ nde gɛnɛ kɔ na mɛ ni, wa dɛ̃ zi olo nu mɔ gɔ. Wa bɛ̃a zi we nu mɔ, nɛ wa siki zi 'do wa lua do mbula 'da mɔ. Wa gbɛa zi owi gba olo nu mɔ, kɛ wa hɛ̃lɛ̃ zi wa na, wa kpolo tɛ wa dɛ 'da mɔ ni. Wa ɔ̀mɔ̀ zi tɛ dã zu li mɔ gɔ.

Zumanɔ 78:56

Nɛ nde wa bɛ̃a nu Gale, kɛ a nɛa ngɔ mɔ vɛ̃ ni, nɛ wa yamba sila a, nɛ wa dɛ̃ mbulanɔ 'da a gɔ.

Yeremi 11:10

Wa kpula tɛ wa ngɔ 'dã mɔ olo oyaa wa, kɛ wa bɛ̃a zi we zele we nu mi ni. Wa yu 'dɔkɔlɔ ogele galenɔ, nɛ wa dɛ to hã wa. Oisraɛlɛ do Oyuda wa 'danga gba tɔkɛ mi gba zi do oyaa wa ni do'do.

Yeremi 16:11

Nɛ mɔ gese sɛ hã wa na, mi NWA, mi tɔ́a na: Oyaa nɛ wa la zi fala mi, nɛ wa dɔnggɔ ogele galenɔ, nɛ wa gu nù ti wa. Wa la fala mi, nɛ wa dɛ̀ mbulanɔ 'da mi gɔ.

Yeremi 2:20

NWA tɔ̃a 'bɔ na: “Aa nɛ, obe Israɛlɛ, nɛ bɛ̃a gɛnɛ mi, nɛ nɛ la fala mi 'do nɛ nyɛla, nɛ nɛ tɔ̃a na, lo kɔ̃̀ we ɔ ti mbula mɔ wele gɔ. Nɛ nɛ nɛa tɛ ngɔ kalanɔ do ti tenɔ kɛ onwá nɛ 'bɔ wena ni, nɛ nɛ yɛnggɛ 'dɔkɔlɔ ogele galenɔ ɔ nɛ owuko ndumba ni.

Yeremi 2:23

Kɔdɛ kɛ nɛ wia we tɔ̃ na, lo hɔ wi ndi li mi gɔ, nɛ lo nɛ̀ 'dɔkɔlɔ gale Bala gɔ ni nɛ nde? Nɛ sókó mɛ nɛ dɛa kɔ gbangɔlɛ̃ i ni. Nɛ ĩ ti mɛ nɛ dɛa ni nde? Nɛ dɛa mɔ tɛ nɛ, ɔ nɛ be zɔnga sa'de kɛ a kpa wɔ wili, kɔ a tɛ yɛnggɛ mba mba ni.

Yeremi 32:23

Nɛ nde 'da fala kɛ wa tɛa, hã wa ba ma do mɔ́ wa do'do ni, nɛ wa zèlè 'bɔ we nu mɔ gɔ, nɛ wa dɛ̃ 'bɔ mbulanɔ 'da mɔ gɔ. Wa dɛ̃ mbe mɔ kpo kɔ mɛnɔ mɔ ba zi nu mɔ na, wa dɛ ni gɔ. Ma kɛ mɔ tumba ngamɛnɔ gɛ vɛ̃ dɛ ngɔ wa ni.

Yeremi 9:14

Kɔ mɔ zélé mɛ mi NWA ngɔ mɔ nyanga nza vɛ̃, mi Gale 'da obe Israɛlɛ, mi nɛ dɛ ma ni: Mi hã sɛ nwá Sanggo, kɛ ma a fã, nɛ ma ba wi ba ni hã owinɔ 'da mi na, wa nyɔngɔ, nɛ mi hã sɛ 'dã ina hã wa na, wa nɔ.

Tɔlɔ Mɔ 25:3

Wa mba vɛ̃ we dɔnggɔ gale Bala, kɛ a a gale tɛ Peɔrɛ. Ma kɛ zã NWA Gale nɔ̃lɔ̃ dɛ tɛ wa,

Mbulanɔ 31:16

Nɛ NWA tɔ̃ hã Mɔizɛ na: “Mɔ kɔlɔ do fio ia. Kɔ mɔ fe, nɛ obe Israɛlɛ wa da sɛ sila wa ngɔ mi, nɛ wa 'danga sɛ gba tɔkɔ kɛ mi gba zi do wa ni. Wa bɛ̃ sɛ gɛnɛ mi, nɛ wa dɔnggɔ sɛ ogele galenɔ 'da winɔ ngɔ nùi wa nɛ ba ma ni.

Mbulanɔ 4:25

“'Do nɛ nyɛlɛ sɛ ngɔ nùi kɛ NWA kpua mbulu nɛ hã nɛ ni, nɛ nɛ ko sɛ obe, nɛ obe zã nɛ wa ko sɛ 'bɔ be zã wa. 'Da fala ni, nɛ nɛ tɛ sɛ̀ kpikima mɔ kpo, kɔ nɛ te kɔ 'dã mɔ gɔ, tabi nɛ tɛ dɛ̀ 'bɔ mɔ kɛ ma dè tɛ nwa gɔɛ ni gɔ. Nɛ dɛ na mɛ ni, nɛ zã NWA ma nɔ̃lɔ̃ sɛ dɛ tɛ nɛ.

Owi kpe dati 10:10

Wa nɛa we zɔ ní, nɛ wa ala nu wa hã NWA na, a gala lo. Nɛ wa tɔ̃ hã a na: “Aa NWA, lɛ dɛa 'dã mɔ dɛ 'da mɔ, nɛ lɛ bɛ̃a gɛnɛ mɔ, kɛ mɔ a Gale 'da lɛ ni, nɛ lɛ dɔnggɔ ogale Bala.”

Owi kpe dati 10:6

Obe Israɛlɛ wa dɛa zi 'bɔ mɔ kɛ ma dè tɛ NWA Gale gɔ ni. Wa dɔnggɔ ogale Bala do Astarte. Nɛ wa dɔnggɔ 'bɔ ogalenɔ 'da Osiri, Osidoni, Omoabɛ, Oamoni do Ofilisti. Obe Israɛlɛ wa siki zi 'do wa, nɛ wa lo do nwa, nɛ wa bɛ̃a we dɔnggɔ a.

Owi kpe dati 13:1

Oisraɛlɛ wa dɛa zi 'bɔ mɔ kɛ ma dè tɛ NWA gɔ ni. Gulu nɛ a NWA 'dɔlɔ wa hã Ofilisti, nɛ wa ɔa ti mbula 'da wa 'do sabɛlɛ 'bu nɛ nalɛ.

Owi kpe dati 3:12

Obe Israɛlɛ wa dɛa zi 'bɔ mɔ kɛ ma dè tɛ NWA gɔ ni. Gulu nɛ a NWA tumba Egloni, nwa ngɔ nù Moabɛ na, a bi do wa.

Owi kpe dati 3:7

Obe Israɛlɛ wa dɛa zi mɔ kɛ ma dè tɛ NWA Gale 'da wa gɔ ni. Ta zu wa ele ngɔ Gale 'da wa, nɛ wa dɔnggɔ ogale Bala do Asera.

Owi kpe dati 4:1

Ehudɛ fia, nɛ obe Israɛlɛ wa dɛa 'bɔ mɔ kɛ ma dè tɛ NWA gɔ ni.

Owi kpe dati 6:1

Obe Israɛlɛ wa dɛa zi 'bɔ mɔ kɛ ma dè tɛ NWA gɔ ni. Gulu nɛ hã a la wa dɛ kɔ̃ Omadianɛ na, wa e mbula ngɔ wa 'do sabɛlɛ sambo.

Owi kpe dati 6:25

Do tũi ni, nɛ NWA ba nu a hã Zedeoni na: “Mɔ bá wili ngɔmbɛ 'da baa mɔ, mɔ bá a wele kɛ 'do gɛ, kɛ a do sabɛlɛ sambo ni, nɛ mɔ nɛ do a tɛ fala gbagala dɔnggɔ do gale Bala kɛ baa mɔ dɛa ma ni. Mɔ hɔ i mɔ, nɛ mɔ gbini gbagala ni, nɛ mɔ gɔmɔ sanga kpikima gale Asera kɛ zã nɛ ni.

Owi kpe dati 8:33

'Do kɛ Zedeoni fia ni, nɛ obe Israɛlɛ wa ma ngɔ dɔnggɔ ogale Bala. Nɛ wa ba zi Bala-Bɛritɛ ɔ nɛ gale 'da wa,

1 SAMUƐLƐ 12:10

Nɛ oyaa nɛ wa ala nu wa hã NWA na, a gala lo. Nɛ wa na: ‘Lɛ dɛa 'dã mɔ dɛ 'da mɔ, we kɛ lɛ bɛ̃a gɛnɛ mɔ. Nɛ lɛ sambala ogale sɛa tenɔ kɛ li wa a Obala, do gale wuke kɛ li a a Astarte. Kɔ mɔ kɔ, nɛ mɔ fo lɛ ti kɔ̃ owi sɛnɛ lɛ, nɛ lɛ dɔnggɔ sɛ mɔ.’

1 SAMUƐLƐ 7:3

Samuɛlɛ nɛa we zɔ ni, nɛ a tɔ̃ hã wa na: “Fala kɛ nɛ kɔ̃ ngboo we kpolo tɛ nɛ dɛ 'da NWA, nɛ nɛ lá fala dɔnggɔ okpikimanɔ, do ogele ogalenɔ. Nɛ nɛ hã́ tɛ nɛ hã NWA. Nɛ dɛ́ to tati nɛ hã a zu a kpo. Nɛ dɛ ni, nɛ a fo sɛ nɛ ti mbula 'da Ofilisti.”

1 SAMUƐLƐ 7:4

Obe Israɛlɛ wa nɛa we zele ni, nɛ wa bɛ̃a gɛnɛ okpikima gale Bala, do kɛnɔ 'da gale wuke li a a Astarte ni. Nɛ wa dɔnggɔ tati a NWA zu a kpo.