Owi kpe dati 2:10 - WE NU GALE 1995

¹⁰ Nɛ ongba Yozue kɛ wa gã zi do a fala nɛ kpo ni, wa fia 'bɔ. Nɛ nde owinɔ kɛ wa kua wa dɛ 'do wa ni, wa zɔ̀ zi oɔngbamɛnɔ kɛ nwa dɛa hã obe Israɛlɛ ni gɔ, nɛ wa ĩ̀ zi ti nwa ngboo gɔ.

Owi kpe dati 2:10 Iomraidhean Croise

Ndo Nyanga Dɛ Mɔ 15:15

Kɛ 'da mɔ, mɔ ɔ sɛ gbaa, nɛ tũi 'da mɔ ma we, nɛ mɔ fe fio tɔa, nɛ wa mi mɔ.

Ndo Nyanga Dɛ Mɔ 25:17

Ismaɛlɛ ɔa zi sabɛlɛ kama do 'bu nɛ talɛ ngɔ nɛ sambo, nɛ a fe.

Ndo Nyanga Dɛ Mɔ 49:33

'Da fala kɛ Yakɔbɔ wila tala wenɔ ni hã obenɔ 'da a do'do, nɛ a ɔ nù dɛ ngɔ te ɔi 'da a ni, nɛ a fe, nɛ a nɛ we kpa ngba a do oyaa a.

2 SAMUƐLƐ 7:12

Hã fala kɛ tũ fio 'da mɔ we, hã mɔ fe, nɛ mi saka sɛ mbe kpo kɔ benɔ 'da mɔ ngboo na, a dungu nwa olo mɔ. Nɛ mi dɛ sɛ na, to nwa 'da a nganda.

1 Sakonɔ 28:9

Nɛ 'do ki ni, nɛ a tɔ̃ hã Salɔmɔ na: “Salɔmɔ be 'daa, ma wia na, mɔ ĩ ti Gale kɛ mi dɛa toe hã a ni. Nɛ mɔ dɔnggɔ a do sila mɔ kpo, do hi wi 'da mɔ vɛ̃. Mba gɔ, NWA zɔ mɔ gbaa kɔ sila wele, nɛ a ĩ ti linggamɔ zã wele. Mɔ fa a, nɛ mɔ kpa sɛ a. Kɔ mɔ bɛ̃ gɛnɛ a, nɛ a da sɛ kɔ̃ a tɛ mɔ fai.

YƆBƆ 21:14

Ĩ na, wa tɔ̃ zi hã Gale na, a la lo hã lo dungu fio, we kɛ linggamɛ 'da a ma dɛ́ mɔ hã lo gɔ.

Kulu Tɔa 1:6

Ma ɔa ni gbaa, nɛ Yozɛfu do onya a, do ongba wa kɛ wa gã do wa fala nɛ kpo ni, wa fia.

Kulu Tɔa 1:8

Do 'da fala ni, nɛ mbé nwa kpo ndo dɛa to nwa 'da a tɛ ngɔ nù Ezipeto. Nɛ nde a ĩ̀ zi ti Yozɛfu gɔ.

Kulu Tɔa 5:2

Nɛ nwa ngɔ nù Ezipeto gese na: “NWA kɛ a kɔ̃a na, mi zele nu ɛ, nɛ mi e nɛ, obe Israɛlɛ ní, hã nɛ la gɛ a wio nde? Mi ĩ̀ ti a gɔ, nɛ mi é sɛ nɛ na nɛ la gɔ.”

Ezai 5:12

Wa te bá dɔ̃ɛ, nɛ wa zɛ kundu, do be kundu, do biã, nɛ wa dama gaga. Nɛ nde wa lénggé do mɛ kɛ NWA dɛ ma ni gɔ, nɛ wa ĩ́ gulu nɛ gɔ.

Yeremi 22:16

A lengge zi do owi sãnɔ do owi 'bakonɔ, nɛ wa dɛ zi yangga we a. Wi kɛ a dɛ mɔ na mɛ ni, a be na, ɛ ĩ ti mi nwa ngboo.

Yeremi 31:34

Wa bé sɛ 'bɔ wenɔ 'da mi hã ongba wa bia, sɛ nɛ wa ĩ ti mi NWA de gɔ. Mba gɔ, wa vɛ̃, yolo ngɔ be we hɔ ngɔ kpasa wi, wa ĩ sɛ ti mi. Mi ele sɛ 'dã mɛnɔ do yɔa ti dɛa mɛnɔ 'da wa, nɛ mi lénggé sɛ 'bɔ do ma gɔ. Mi NWA, mi tɔ̃a ni.” NWA tɔ̃a na:

Yeremi 9:2

Lɛfɛ wa bili nɛ́ nzabele, nɛ lɛnggɛ nu wa ba wele nɛ́ kpili ni. Wa tɔ̃́ gbãlã we ngɔ nùi 'da wa gɔ, wa kpasa tati nɛ do 'dã hã, do ɔkɔlɔ wi iko. Ma kɛ nwa tɔ̃a na: “Owinɔ 'da mi, wa dɛ tati a 'dã mɔ do 'dã mɔ, nɛ wa ĩ̀ ti mi ɔ nɛ NWA Gale 'da wa gɔ.

Yeremi 9:3

Wele kpo wè 'bɔ tɛ gbini zã a do ngba a tabi e sila a ngɔ nya a gɔ. We kɛ wa vɛ̃ wa 'bili bɛlɛ do zu li nya wa, ɔ nɛ kɛ Yakɔbɔ dɛa zi ni. Wa vɛ̃ wa tɔ̃ tɛ ngba wa wena.

Yeremi 9:5

'Dã mɛ 'da wa gã dɛ dati, wa mbɔ́kɔ́ tɛ wa tɛ 'bili bɛlɛ gɔ, nɛ wa bɛ̃a na, wa ĩ 'bɔ ti mi NWA gɔ. Mi NWA, mi tɔ̃a ni.”

Tɔlɔ Mɔ 27:13

Mɔ zɔ ma do'do, nɛ mɔ fe sɛ ɔ nɛ kɛ nya mɔ Aroni fia zi ni.

LUKA 20:32

Nɛ 'do kɛ wa fia vɛ̃ ni, nɛ wuke fe tɛ mɛ 'bɔ.

Owi Nɛ Tonɔ 13:36

Davidi dɛa zi mɔ kɛ Gale kɔ̃a ni, nɛ a fia, nɛ wa mi a fala nɛ kpo do oyaa a, nɛ a mbulu.

Mbulanɔ 31:16

Nɛ NWA tɔ̃ hã Mɔizɛ na: “Mɔ kɔlɔ do fio ia. Kɔ mɔ fe, nɛ obe Israɛlɛ wa da sɛ sila wa ngɔ mi, nɛ wa 'danga sɛ gba tɔkɔ kɛ mi gba zi do wa ni. Wa bɛ̃ sɛ gɛnɛ mi, nɛ wa dɔnggɔ sɛ ogele galenɔ 'da winɔ ngɔ nùi wa nɛ ba ma ni.

2 TƐSALONIKƐ 1:8

Nwa 'da lɛ Yezu a zĩlĩ sɛ dɛ kɔ gba nyɛa we, takɔ a bili nu gbã hã owinɔ kɛ wa kɔ̃̀ we ĩ ti Gale gɔ, nɛ wa bɛa gɛnɛ Dia Sakoe ni.

TITO 1:16

Wa tɔ̃ do nu wa na, lo ĩ ti Gale, nɛ nde dɛa to tɛ wa vɛ̃ be na, wa Ĩ ti Gale gɔ. Wa a o'dã wele ngboo, Owi nga zu, nɛ wa ĩ́ ti dɛ mbe dia mɔ kpo gɔ.

Yozue 24:31

'Da fala kɛ Yozue 'bana zi nza ni, nɛ obe Israɛlɛ wa dɛa olo nu NWA. Nɛ wa dɛa 'bɔ ni, fala okpasa wi ngɔ wa wa 'bana nza ni. Mba gɔ, okumunɔ ni wa zɔa zi mɛnɔ vɛ̃ kɛ NWA dɛa we wa obe Israɛlɛ ni.

1 SAMUƐLƐ 2:12

Obenɔ 'da Heli, wa zi a yia wi iko, wa lénggé zi do NWA gɔ.