Owi kpe dati 19:6 - WE NU GALE 1995

⁶ Nɛ wa dungu nù, nɛ wa nyɔngɔ mɛ, nɛ wa nɔ dɔ̀ fala nɛ kpo do kɛfɛ a. Nɛ kɛfɛ a tɔ̃ hã a na: “Mɔ ɔ́ mbe 'bɔ tũ kpo, hã lɛ dɛ yangga, sɛ nɛ bindɛ nɛ mɔ la de!”

Owi kpe dati 19:6 Iomraidhean Croise

2 SAMUƐLƐ 13:28

Wa hɔa i mɔ, nɛ Absalɔmɛ ba nu a hã Owi tonɔ 'da a na: “Li nɛ sɔ̃ tɛ Amnoni. Fala kɛ a nɔ dɔ̃ɛ, kɔ ma ba a, nɛ mi tɔ̃ sɛ hã nɛ na, nɛ gbɛ a. Nɛ nɛ tɛ dɛ̀ kili gɔ, we fie 'da a ma zɔ sɛ tati a mi. Nɛ kpala sila nɛ, nɛ nɛ ɔ do ngawi!”

1 Onwanɔ 21:7

Nɛ Yezabɛlɛ tɔ̃ hã a na: “See! Mɔ gɛ a nwa ngɔ nù Israɛlɛ gɔ nde? Mɔ kúlú ngɔ, kɔ mɔ nyɔngɔ mɔ, nɛ mɔ dɛ yangga, we duzu kɛ mi a mi nɛ hã fɔ vinɔ 'da Nabɔtɛ hã mɔ.”

ƐSTƐRƐ 1:10

Do kpo soe kɛ gbalimɛ dɛa tũ sambo ni, nɛ nwa Sɛrsɛsi zi do yangga wena, we kɛ a nɔa dɔ̃. Nɛ a sa mɔ hã ohɔla wi wili sambo, kɛ wa dɛ to ti kɔ̃ a ni, li wa a: Mɛhumanɛ, Bizta, Harbona, Bigta, Abagta, Zetarɛ do Karkasi.

Zumanɔ 104:15

Mɛ a dɔ̃ we hã yangga hã wele, nɔ we 'dafa do tɛ̃ a, nyɔngɔmɔ we hã ngawi hã a.

LUKA 12:19

Nɛ mi tɔ̃ sɛ na, mi do mɔ wena, mi kpasa sɛ do ma 'do sabɛlɛ dɛlɛ wena. Kɔ ma wia na, mi dungu iko, nɛ mi nyɔngɔ mɔ, nɛ mi nɔ dɔ̃, nɛ mi dɛ yangga.’

1 TƐSALONIKƐ 5:3

'Da fala kɛ owele wa ma sɛ ngɔ tɔ̃ na: “Lɛ vɛ a dia iko, fo mɔ yɛkɛ lɛ bina” ni, nɛ ngamɔ ma gbanga sɛ wa nɛ́ kɛ zɛlɛ kula gbanga do wi zã ni, nɛ nde fo sɛ wala na wa yu ma bina.

USU MƐNƆ 11:10

Nɛ fie 'da winɔ bɔa ni, ma de sɛ tɛ winɔ ngɔ nù gɛ wena. Wa dɛ sɛ yangga, nɛ wa hã odia mɔ hã ngba wa, we duzu kɛ owinɔ bɔa kɛ wa gba zi olo nu Gale, nɛ wa hã zi ngamɔ hã winɔ ngɔ nù gɛ wena ni, wa fia ia.

USU MƐNƆ 11:13

Nɛ do 'da fala nɛ ni, nɛ nùi tana nganda wena, nɛ kpo mbee 'bu gã le ni gbini, nɛ ma gbɛa Owele koto sambo do ti. Nɛ kili ba owanɔ kɛ wa 'bana ni, nɛ wa dɔngga Gale, kɛ a li nza i ni.

Owi kpe dati 16:25

Nɛ wa dɛ zi yangga wena, nɛ wa tɔ̃ na, Owele wa ba Samsoni dɛ nza, hã lo aka mbe nu a sɛ. Nɛ wa gbɔtɔ a kɔ bɔlɔkɔ i dɛ nza, nɛ wa e a dɛ ngbala bɛlɛduma tɔa gale 'da wa ni, nɛ winɔ wa ma ngɔ soko a, nɛ wa tɛ mɔmɔ a gbɔlɔ gbɔlɔ gbɔlɔ.

Owi kpe dati 19:7

Nɛ Levitɛ ni kulu ngɔ we la nɛ. Nɛ kɛfɛ a ngbi a, nɛ a dala nu a na, a tɛ là gɔ. Nɛ a kɔ̃a, nɛ a dungu nù, nɛ a ɔ 'bɔ mbé nɛ tũ kpo.

Owi kpe dati 19:9

Wa nyɔngɔ mɛ ia, nɛ Levitɛ ni kulu ngɔ we la do wuke 'da a, fala nɛ kpo do wi dɛa toe 'da a ni, nɛ kɛfɛ a tɔ̃ 'bɔ hã a na: “Mɔ zɔ wese ma ngɔ gɛ̃ nɛ ia. 'Da kala di ni, nɛ fala ma tũ sɛ. Kɔ mɔ ɔ 'bɔ mbé nɛ tũ kpo, hã lɛ dɛ yangga, kɔ bindɛ, nɛ nɛ kulu ngɔ do titole belee sɛ nɛ nɛ la de.”

Owi kpe dati 9:27

Nɛ owinɔ kɔ le ni wa kɔ̃ gɛnɛ a. Wa nɛa kɔ fɔ vinɔnɔ 'da wa i, nɛ wa 'bi wala nɛ, nɛ wa kpĩlĩ dɔ̃ nɛ we dɛ do mɔ dɔ. Nɛ wa nɛa kɔ tɔa gale 'da wa, nɛ wa dɛ mɔ dɔɛ ni i mɔ, nɛ wa tɔ̃ 'dã zu li Abimelɛkɛ.

RUTI 3:7

Buzɛ nyɔngɔ mɛ, nɛ a nɔ dɔ̃ɛ do'do, nɛ a kpa yangga, nɛ a la, nɛ a ɔ nù tɛ kɛ zã gili gbãlã kpalɛ 'da a. 'Do nɛ, nɛ Ruti tɛa gɛɔ, nɛ a kɔlɔ do a, nɛ a fo tulu ɔi tɛ nyanga a dɛ 'do, nɛ a ɔ dɛ kɛ zã nyanga a ni.

1 SAMUƐLƐ 25:36

'Da fala Abigailɛ si, kɔ a nɛ hɔ nu tɔa i, nɛ nde Nabalɛ tɛ dɛ gã mɔ dɔ. Mɛ zi a nyɔngɔmɔ mɔ́ nwa ngboo. Nabalɛ dɛa yangga, nɛ dɔɛ ba 'bɔ a wena. Na mɛ ni, Abigailɛ kpà wala wele we kpo hã a dati kɛ na fala sa ni gɔ.