Owi kpe dati 19:4 - WE NU GALE 1995

⁴ Nɛ a 'dafa fala hã wili kɛfɛ 'da a, nɛ a ɔ dɛ 'da a ni 'do tũ talɛ. Nɛ wa nyɔngɔ mɔ, nɛ wa nɔ dɔ̃.

Owi kpe dati 19:4 Iomraidhean Croise

Ndo Nyanga Dɛ Mɔ 24:55

Nɛ nya Rebɛka do naa a, wa gese hã a na: “Ma wia na Rebɛka ɔ mbe 'bɔ do lɛ 'do tũ 'bu, sɛ nɛ nɛ si do a de.”

Ndo Nyanga Dɛ Mɔ 25:6

Nɛ nde 'da fala kɛ a 'bana zi nza ni, nɛ a kɛ̃a mbe mɛnɔ hã obe zã ko 'donɔ 'da a. A dɛa ni do'do, nɛ a tombo wa na, wa la si dɛ ngɔ nùi si 'biti gba wese, nɛ wa ɔ dɛ di ni, sɛ a wa nyɛlɛ do be 'da a Izaka de.

Owi kpe dati 19:3

Nɛ wili a kulu ngɔ, nɛ a nɛ 'do a we mbɔkɔ zã a, takɔ a si do a. A kulu ngɔ we nɛ ma, nɛ a kpe fala nɛ kpo do wi dɛa to 'da a, do opunda bɔa. Wa hɔa i mɔ, nɛ wuke 'da a kã a dɛ nu tɔa 'da baa a i. Baa wuke nɛa we zɔ wili kɛfɛ 'da ɛ, nɛ a gɔnɔ dati a, nɛ a dɛ gɛnɛ a do yangga.

Owi kpe dati 19:5

Do kɔ̃ tũi kɛ nalɛ ni, nɛ wa kulu ngɔ do titole belee we si nɛ. Wa kɔlɔ fala la nɛ, nɛ kɛfɛ a tɔ̃ hã a na: “Mɔ nyɔ́ngɔ́ mbe mɔ, hã mɔ kpa ngawi, sɛ nɛ mɔ la de!”