Owi kpe dati 19:16 - WE NU GALE 1995

¹⁶ Wa dungu nù dɛ di ni, nɛ mbe kpasa wi wili kpo a yolo safɔ 'da a, tɛ si ma do kpo kpo gɛ̃a wese tũi ni, nɛ a la do fala wa dungu nɛ ni. A zi a wi kɔ le ngɔ kalanɔ tɛ Efraimɛ, nɛ a kulu dɛ Gibea, le 'da Obɛnzamɛ.

Owi kpe dati 19:16 Iomraidhean Croise

Ndo Nyanga Dɛ Mɔ 3:19

Mɔ mĩlĩ sɛ gbɛngɛmɔ, sɛ nɛ mɔ kpa nyɔngɔmɔ li fɔnɔ 'da mɔ de. Mɔ dɛ sɛ ni gbaa nɛ mɔ fe do ma, nɛ wɔlɔ mɔ ma kpolo sɛ tɛ ɛ dɛ tɛ nùi kɛ mɔ yula tɛ nɛ ni. We kɛ mi dɛa mɔ do nù, nɛ mɔ kifi sɛ 'bɔ nù.”

Zumanɔ 104:23

Nɛ wele hɔ nza we dɛ to, nɛ a dɛ toe gbaa gɛ̃a wese.

Zumanɔ 128:2

A kpa sɛ si mɔ olo dɛa toe 'da a. Mɛnɔ 'da a vɛ̃ ma la sɛ do dia nɛ, nɛ a sɛ do yangga wena.

GBA WENƆ 13:11

Kpamɔ kɛ wele kpa iko ni, ma ɔ́ gɔ. Nɛ nde mɔ kɛ wele kpa sĩ sĩ do wala dɛa to ni, ma gã dɛ dati.

GBA WENƆ 14:23

Fala kɛ mɔ dɛ to, nɛ mɔ kpa sɛ mɔ. Nɛ nde fala kɛ mɔ si tɛ tɔ̃ lɛnggɛ iko, nɛ mɔ hɔ sɛ wi sã.

GBA WENƆ 24:27

Dati kɛ na, mɔ dɛ tɔa we ɔ kɔ nɛ, nɛ mɔ wá fɔ, nɛ mɔ mi kpalɛ, takɔ mɔ kpa nyɔngɔmɔ sɛ nɛ de.

WI LENGGE WE 1:13

Nɛ mi ba tɛ mi we fa gulu mɛnɔ vɛ̃ kɛ ma dɛ tɛ̃ ɛ ngɔ nù gɛ ni na, mi ĩ ti nɛ. Dɛa toe ni, mɛ a nga dɛa to kɛ Gale hã ma hã lɛ Owele na, lɛ dɛ ma.

WI LENGGE WE 5:12

Mi zɔa gã ngamɛ kɛ ma dɛ tɛ̃ ɛ ngɔ nù gɛ. Wi kpamɔ usu kpamɛ 'dɛ ɛ we ngba soe ngamɔ 'da a wele nɛ.

OZE 9:9

Nɛ dɛa 'dã mɔ gbaa, nɛ nɛ hɔa Sɔkpɔ nɛ, ɔ nɛ kɛ oyaa nɛ wa dɛa zi tɛ Gibea i ni. Nɛ nde ta zu NWA èlè ngɔ 'dã mɛnɔ 'da nɛ gɔ, a hã sɛ etumbu hã nɛ.

EFƐZƐ 4:28

Wi kɛ a zi a wi zũ ni, a tɛ zu 'bɔ mɔ gɔ. Nɛ nde ma wia na, a dɛ to do kɔ̃ a, takɔ a kpasa do nɛ, nɛ a gala 'bɔ do owinɔ kɛ wa do sã ni.

2 TƐSALONIKƐ 3:10

Do 'da fala kɛ lɛ 'bana zi sanga nɛ i ni, lɛ tɔ̃a zi mbula hã nɛ na: “Wi kɛ a kɔ̃̀ we dɛ to gɔ, nɛ a tɛ nyɔ̀ngɔ̀ mɔ gɔ.”

Owi kpe dati 19:1

Do 'da fala kɛ nwa ngɔ obe Israɛlɛ zi bina ni, nɛ mbe Levitɛ kpo, a ɔ zi ndũu ngɔ kalanɔ tɛ Efraimɛ i. Nɛ a ba zi wuko makango kpo tɛ Bɛtleɛmɛ, tɛ ngɔ nù Yuda.

Owi kpe dati 19:14

Wa la, nɛ wa kɔlɔ dɔ̃ɔ do Gibea, tɛ ngɔ nùi 'da Bɛnzamɛ, nɛ wese le nù.

Owi kpe dati 19:15

Nɛ wa hɔ dɛ Gibea i we ɔ dɛ di ni. Wa hɔa dɛ 'da le i, nɛ wa dungu nù dɛ li fanda gbogbo le ni. Nɛ nde fo wi sa zi mɔ hã wa na, wa ɔ 'da ɛ bina.

Owi kpe dati 19:17

A zɔa Levitɛ tɛ li fanda gbogbo le ni, nɛ a aka a na: “Mɔ yula nɛ mɔ nɛ do nde?”