Owi kpe dati 19:1 - WE NU GALE 1995

¹ Do 'da fala kɛ nwa ngɔ obe Israɛlɛ zi bina ni, nɛ mbe Levitɛ kpo, a ɔ zi ndũu ngɔ kalanɔ tɛ Efraimɛ i. Nɛ a ba zi wuko makango kpo tɛ Bɛtleɛmɛ, tɛ ngɔ nù Yuda.

Owi kpe dati 19:1 Iomraidhean Croise

Ndo Nyanga Dɛ Mɔ 22:24

Nɛ Nahɔrɛ zi 'bɔ do wuko makango, li a a Reuma, nɛ Reuma kua 'bɔ obe. Li benɔ ni a Teba, Gahamɛ, Tahasi do Maka.

Ndo Nyanga Dɛ Mɔ 25:6

Nɛ nde 'da fala kɛ a 'bana zi nza ni, nɛ a kɛ̃a mbe mɛnɔ hã obe zã ko 'donɔ 'da a. A dɛa ni do'do, nɛ a tombo wa na, wa la si dɛ ngɔ nùi si 'biti gba wese, nɛ wa ɔ dɛ di ni, sɛ a wa nyɛlɛ do be 'da a Izaka de.

Ndo Nyanga Dɛ Mɔ 35:19

'Da fala kɛ Rasɛlɛ fia, nɛ wa mi a dɛ kɛ zã wala Efrata, kɛ wa sa mbe 'bɔ li nɛ na, Bɛtleɛmɛ ni.

2 SAMUƐLƐ 16:22

Wa dɛa tɔa tande tɛ fala wa 'dafa we dungu nɛ ngɔ zu tɔa nwa i ni, nɛ Absalɔmɛ nɛa, nɛ a le kɔ nɛ, nɛ a ɔ do makangonɔ 'da baa a dɛ gba li obe Israɛlɛ vɛ̃.

2 SAMUƐLƐ 19:5

Nɛ nwa Davidi kele li ɛ do tulu, nɛ a tɛ he mɔ fai na: “Aa Absalɔmɛ, be 'daa, Absalɔmɛ, be 'daa! Be 'daa!”

2 SAMUƐLƐ 20:3

Nwa Davidi nɛa we hɔ kɔ tɔa nwa 'da a i, nɛ a ba nu a na, wa kala oko 'donɔ 'da ɛ 'bu, kɛ ɛ la zi wa we zɔ mɔ nu tɔa ni, hã wa a wa kɔ tɔa kɛ wa zɔ mɔ nu ma ɔ dia ni, nɛ wa 'bana dɛ di ni. A gala oko 'donɔ ni do mɛnɔ wa kɔ̃a ni, nɛ nde a mbà ngu'du ngba a do wa gɔ. Nɛ wa fɔmɔ wa dɛ kɔ tɔa yolo do ngba soe ni, gbaa we hɔ 'da fala fie 'da wa. Wa ɔ zi nɛ owi fio wili ni, nɛ nde wili wa 'bana nza.

2 SAMUƐLƐ 3:7

Saulo zi do mbe wuko 'do mɔ a, li a a Rispa, nɛ a a be 'da Aya. Mbe tũ kpo, nɛ Isɛbalɛ aka Abnɛrɛ na, gulu kɛ a ɔa do kɛnɛ baa ɛ we ge nde?

2 SAMUƐLƐ 5:13

'Do kɛ Davidi kulu Hebroni, nɛ a la dɛ Yeruzalɛmɛ 'di ni, nɛ a kala 'bɔ ogele wuko. Mɛ zi a owuko nu tɔa do omakango. Wa kua zi ombe gele bulu be do oboko be.

1 Onwanɔ 11:3

Salɔmɔ kala zi owuko kama sambo, nɛ wa zi a owuko ngu'du nwa. Nɛ a zi 'bɔ do omakango kama talɛ. Nɛ wa 'danga zi linggamɛ 'da a dɛ 'da Gale do'do.

1 Onwanɔ 4:8

Owi fɔmɔ lenɔ ni wi zi a: Be 'da Hurɛ zi a wi fɔmɔ 'bili tɛ nù kɛ tɛ ngɔ kala Efraimɛ.

2 Sakonɔ 11:21

Roboamɛ kɔ̃a zi gɛnɛ Maaka, be 'da Absalɔmɛ nɛa ngɔ tala owukonɔ 'da a vɛ̃. Ĩ na, owukonɔ 'da a ngboo ni, wa zi 'bu ngɔ wa ngbɛ'dɛ'dɛ, nɛ owuko makangonɔ 'bu wa gazɛlɛ. Nɛ a kua zi do wa vɛ̃ obulu be 'bu wa bɔa ngɔ wa ngbɛ'dɛ'dɛ, nɛ oboko be 'bu wa gazɛlɛ.

ƐSTƐRƐ 2:14

A le 'da nwa do gɛ̃a wese, hã fala sa, do titole, nɛ wa kã a dɛ kɔ gele tɔa 'da owuko gulanɔ. Tɔa ni, wi ngɔ nɛ a Sakgazɛ, hɔla wi wili kɛ a ka mɔ tɛ oko 'donɔ 'da nwa ni. Nɛ a kpóló 'bɔ mbé tɛ̃ a kɔ tɔa nwa 'di gɔ. A nɛ kpolo tɛ̃ a 'di mɔ, nɛ nde zã nwa kɔ̃a, hã a sa mɔ do li a sɛ nɛ de.

DANIƐLƐ 5:3

Wa tɛa do kɔpɔ mɔ mbalinɔ kɛ ma yula kɔ Tɛmpɛlo 'da Gale tɛ Yeruzalɛmɛ i ni, nɛ nwa nɔa do dɔ̃ɛ fala nɛ kpo do owinɔ a sa mɔ hã wa tɛ gbalimɛ ni.

MALAKI 2:15

NWA dɛ̀ zi na, wi wili kpo kpo do wuke 'da a, wa hɔ kili tɛ wele kpo, nɛ wa ɔ do linggamɔ kpo gɔ nde? Nɛ mɛ kɛ a kɔ̃a na, wa ɔ wele kpo we nɛ ni a ge nde? A kɔ̃a ni na, wa ko obe, nɛ benɔ ni wa ɔ owinɔ 'da a. Kɔ nɛ dɛ́ zĩ na, da dɛ kɔ nɛ bɛ̃ wukonɔ kɛ nɛ kala zi wa ngɔ zagbãlã tɛ nɛ ni gɔ.

MATIE 2:6

‘Aa mɔ, le Bɛtleɛmɛ, ngɔ nù Yude, mɔ a be le sanga olenɔ ngɔ nù Yude gɛ gɔ. We kɛ mɔ ko sɛ gã nwa kɛ a kpe sɛ dati winɔ 'da mi, obe Israɛlɛ ni.’ ”

Yozue 24:30

Nɛ wa mi a ngɔ nùi wa ba zi hã a tɛ Timnatɛ-Sera, kɛ ma ngɔ nù Efraimɛ, tɛ ngɔ kalanɔ ni. Yolo ngɔ kala Gasɛ, nɛ nde Timnatɛ-Sera do si gbãlã ngɔ.

Yozue 24:33

'Do nɛ, nɛ Ɛlazarɛ, be 'da Aroni fia tɛ mɛ 'bɔ. Nɛ wa mi a ngɔ tɔ̃ɛ kɛ wa ba zi hã be 'da a Pinasi ni. Tɔ̃ɛ ni, ma zi 'bɔ tɛ ngɔ nù Efraimɛ, tɛ ngɔ kalanɔ.

Owi kpe dati 12:8

Yɛfte fia, nɛ mbe wi Bɛtleɛmɛ kpo, li a a Ibsanɛ, a hɔ wi kpe dati obe Israɛlɛ.

Owi kpe dati 17:1

Mbe wi wili kpo zi ngɔ kalanɔ tɛ Efraimɛ, li a a Mika.

Owi kpe dati 17:6

Do 'da fala ni, nɛ nde nwa ngɔ obe Israɛlɛ zi bina. Nɛ wele do wele dɛ zi nɛ́ kɛ zã a kɔ̃a ni.

Owi kpe dati 17:7

Do ngba soe ni, nɛ nde be zagbãlã kpo kɔ nu fɛlɛ Levi, a ɔ zi tɛ Bɛtleɛmɛ, tɛ ngɔ nù Yuda.

Owi kpe dati 17:8

Nɛ mbe tũ kpo, nɛ a kulu ngɔ Bɛtleɛmɛ i, nɛ a yɛnggɛ we fa fala we ɔ nɛ. A yɛngga gbaa, nɛ a hɔ tɛ tɔa 'da Mika, kɛ ma ngɔ kalanɔ tɛ Efraimɛ i ni.

Owi kpe dati 18:1

Do 'da fala ni, nɛ nde nwa ngɔ obe Israɛlɛ zi bina. Nɛ Owi nu kpala Danɛ wa kpà zi nù ɔ nɛ tala ogele nu kpala obe Israɛlɛ, takɔ wa ɔ nɛ gɔ. Nɛ wa yɛnggɛ zi we fa fala, takɔ wa ɔ nɛ.

Owi kpe dati 18:13

Nɛ wa kulu ngɔ di ni, nɛ wa la si ngɔ kalanɔ tɛ Efraimɛ, nɛ wa kɔlɔ dɔ̃ɔ do tɔa 'da Mika.

Owi kpe dati 19:16

Wa dungu nù dɛ di ni, nɛ mbe kpasa wi wili kpo a yolo safɔ 'da a, tɛ si ma do kpo kpo gɛ̃a wese tũi ni, nɛ a la do fala wa dungu nɛ ni. A zi a wi kɔ le ngɔ kalanɔ tɛ Efraimɛ, nɛ a kulu dɛ Gibea, le 'da Obɛnzamɛ.

Owi kpe dati 19:2

Nɛ wuke ni mɔ̃lɔ̃ do a, nɛ a yu, nɛ a si dɛ 'da baa a tɛ Bɛtleɛmɛ i. Nɛ a ɔa i mɔ zɛkɛ nalɛ.

Owi kpe dati 21:25

Do 'da fala ni, nɛ nde nwa ngɔ obe Israɛlɛ zi bina, nɛ wele do wele dɛ zi mɛnɔ nɛ́ kɛ zã a kɔ̃a ni.

Owi kpe dati 3:27

A hɔa ngɔ kalanɔ tɛ Efraimɛ i, nɛ a dama mɔtũlũ we mba li obe Israɛlɛ. Wa zila mɔtũlĩ, nɛ wa hɔ, nɛ a kpe dati wa, nɛ wa zĩlĩ kalanɔ.