Owi kpe dati 18:7 - WE NU GALE 1995

⁷ Owinɔ mɔlɔ ni wa zila ni, nɛ wa kulu ngɔ, nɛ wa la gbaa dɛ tɛ le Laisi. Nɛ wa zɔa na owi kɔ le ni, wa dungu do dia nɛ kpasaa ɔ nɛ kɛ 'da owi kɔ gã le Sidoni ni. Wa do kili bina, wa a wi gɛ̃a sila, nɛ dungu fio kɔ le 'da wa boe. Wa kpá we do wele gɔ. Nɛ mɔ kpo zɔlɔ 'da wa gɔ. Wa ɔ zi a nyɛla do Sidoni, nɛ wa kɔ̃ zi we hɔ 'da ogele wele gɔ.

Owi kpe dati 18:7 Iomraidhean Croise

1 Onwanɔ 16:31

A dɛa 'bɔ 'dã mɔ nɛa ngɔ kɛ Yeroboamɛ, be 'da Nɛbatɛ dɛa zi ni. Mba gɔ, we kɛ dɛ ngɔ gele 'dã mɛnɔ a dɛa ni, nɛ a ba 'bɔ Yezabɛlɛ, be zɔnga be 'da Ɛtbalɛ, nwa ngɔ Osidoni. Nɛ a gu 'bɔ gba zugolo dati gale Bala we dɔnggɔ a.

1 Sakonɔ 4:40

Nɛ wa kpa zi dia fala kɛ ma do nyɔngɔmɔ wena hã obatanɔ 'da wa, tɛ ngɔ nùi kɛ ma gã zi wena, nɛ dungu fio ngɔ nɛ boe ni. Nɛ nde nùi ni, mɛ a fala kɛ obe zã Kamɛ wa ɔa zi se'de dati ɔa.

Yeremi 49:31

A tɔ̃a hã winɔ 'da a na: ‘Lɛ kúlú ngɔ, hã lɛ nɛ́ we bi owinɔ kɛ wa lengge do mɔ gɔɛ ni. Wa nyɛlɛ do ngba wa wena, nɛ wa lengge na, lo kpa gɛ̃a dungu ia, fo gulu kpe nu tɔanɔ 'da lo bina.’ ”

ROMA 13:3

Mba gɔ, owinɔ kɛ wa dɛ de mɔ ni, kili Onwanɔ wè tɛ ba wa gɔ, nɛ nde wi a owanɔ kɛ wa dɛ 'dã mɔ ni, sɛ nɛ kili Onwanɔ ba wa de. Kɔ fala kɛ mɔ kɔ̃̀ na, kili Onwanɔ ba mɔ gɔ, nɛ ma wia na, mɔ dɛ de mɔ, nɛ wa dɔnggɔ sɛ mɔ.

Yozue 19:47

'Do nɛ nyɛla, nɛ ogele winɔ wa ndaka Odanɛ ngɔ nùi 'da wa ni, nɛ wa la we bi le Lesɛmɛ. Wa ba le, nɛ wa gbɛ owi kɔ nɛ vɛ̃, nɛ wa ba ma do mɔ́ wa, nɛ wa dɛ tɔa kɔ nɛ. 'Do nɛ, nɛ wa kpolo li le Lesɛmɛ, nɛ wa e li yaa wa Danɛ dɛ zu nɛ.

1 PETRO 2:14

Nɛ nɛ zélé 'bɔ nu owi do li a, kɛ a tumba wa we hã etumbu hã owi dɛ 'dã mɛnɔ, do we dɔnggɔ owi dɛ de mɔ ni.

USU MƐNƆ 18:7

Nɛ hã́ zɛlɛ tɛ do 'bako hã a we kɔ̃ do omɔ walinɔ, do dɔ̃lɔ̃ linɔ kɛ a dɔnggɔ zi do tɛ a ni. We kɛ a tɔ̃ zi do kɔ sila a na, ɛ a wuko nwa, ɛ a wi fio wili gɔ, nɛ ɛ dúngú sɛ gɛla fala kpo gɔ.

Owi kpe dati 18:29

Nɛ wa kpolo li le Laisi, nɛ wa e li Danɛ, kɛ mɛ a li yaa wa, be zã Yakɔbɔ ni dɛ zu nɛ.

Owi kpe dati 18:6

Nɛ nganga ni tɔ̃ hã wa na: “Ma Sɔkpɔ sɛ do dia nɛ! Kili tɛ bà nɛ gɔ! NWA fala nɛ kpo do nɛ kɔ yali 'da nɛ.”

Owi kpe dati 18:8

Owinɔ mɔlɔ ni wa si dɛ tɛ Sora do Ɛsɛtaɔlɛ i, nɛ onya wa wa aka wa we mɛnɔ wa zɔa kɔla yali 'da wa ni.

1 SAMUƐLƐ 3:13

Mi tɔ̃a hã a ia na, mi nɛ hã etumbu kɛ ma é sɛ gɔ ni hã nu fɛlɛ a, we duzu kɛ obenɔ 'da a wa dã zu li mi, nɛ a ĩ fala nɛ, nɛ nde a gà wa gɔ.