Owi kpe dati 18:6 - WE NU GALE 1995

⁶ Nɛ nganga ni tɔ̃ hã wa na: “Ma Sɔkpɔ sɛ do dia nɛ! Kili tɛ bà nɛ gɔ! NWA fala nɛ kpo do nɛ kɔ yali 'da nɛ.”

Owi kpe dati 18:6 Iomraidhean Croise

1 Onwanɔ 22:12

Nɛ tala owi gba olo nu Gale vɛ̃, wa tɔ̃a 'bɔ kpo kpo we nu a ni na: “Aa nwa, mɔ nɛ hã mɔ bi le Ramɔtɛ tɛ ngɔ nù Galadɛ. NWA Gale a 'dɔlɔ sɛ le ni hã mɔ, nɛ mɔ nɛ sɛ ngɔ Osiri.”

1 Onwanɔ 22:15

Nɛ a nɛa, nɛ a hɔ dati nwa Akabɛ, nɛ Akabɛ aka na: “Mike, mɔ lengge na, lɛ wia we nɛ we bi le Ramɔtɛ tɛ ngɔ nù Galadɛ we ba ma, tabi lɛ tɛ nɛ gɔ nde?” Nɛ Mike gese na: “Mɔ wia tɛ nɛ nɛ. NWA a 'dɔlɔ sɛ le ni hã mɔ, nɛ mɔ nɛ sɛ ngɔ owinɔ di ni ni.”

1 Onwanɔ 22:6

Nɛ Akabɛ sa mɔ hã owi gba olo nu Gale kɔlɔ do kama nalɛ, nɛ a aka wa na: “Nɛ lengge na, mi wia we nɛ we bi le Ramɔtɛ tɛ ngɔ nù Galadɛ we ba ma, tabi mi tɛ nɛ gɔ nde?” Nɛ owi gba olo nu Gale wa gese na: “Mɔ nɛ́, nwa a 'dɔlɔ sɛ ma hã mɔ.”

Zumanɔ 33:18

Nɛ nde NWA zɔ mɔ tɛ owinɔ kɛ wa yu kili a, nɛ wa gbini zã wa do kɔ̃a zã 'da a ni.

Kulu Tɔa 4:18

Mɔizɛ si, nɛ a hɔ nu tɔa 'da kɛfɛ a Yetro 'di, nɛ a tɔ̃ hã kɛfɛ a na: “Ma wia na mi kpolo tɛ mi ngɔ nù Ezipeto 'di, 'da onya mi kɛ lɛ do wa kɔ nu kɔnggɔ kpo ni na, mi zɔ wa tabi wa 'bana nza nde?” Nɛ Yetro gese na: “Mɔ nɛ́ do dia nɛ.”

Yeremi 23:32

Mi hã sɛ etumbu hã wanɔ wa 'bili bɛlɛ na, mi bia mɔ hã lo do li yalɛ ni. Lɛnggɛ bɛlɛnɔ wa tɔ̃ ni, ma dɛ na owinɔ 'da mi wa yɔ wala. Mi tòmbò wa do to gɔ, nɛ mi bà 'bɔ nu mi hã wa gɔ, nɛ wa dɛ̃ mɔ kpo we owinɔ 'da mi gɔ. Mi NWA, mi tɔ̃a ni.”

Mbulanɔ 11:12

Nɛ NWA Gale 'da nɛ, a zɔ mɔ tɛ ma zɔa fai, ndo do nyanga sabɛlɛ gbaa we hɔ ndɔti nɛ.

1 TƐSALONIKƐ 3:11

E kɔ Baa lɛ Gale do tɛ̃ a, do Nwa 'da lɛ Yezu wa 'dafa wala hã lɛ na, lɛ hɔ 'da nɛ i.

Owi kpe dati 18:5

Nɛ wa tɔ̃ hã a na: “Mɔ kɔ̃ nde, nɛ mɔ aka Gale, takɔ lɛ ĩ tabi yali 'da lɛ ma Sɔkpɔ sɛ do dia nɛ nde?”

Owi kpe dati 18:7

Owinɔ mɔlɔ ni wa zila ni, nɛ wa kulu ngɔ, nɛ wa la gbaa dɛ tɛ le Laisi. Nɛ wa zɔa na owi kɔ le ni, wa dungu do dia nɛ kpasaa ɔ nɛ kɛ 'da owi kɔ gã le Sidoni ni. Wa do kili bina, wa a wi gɛ̃a sila, nɛ dungu fio kɔ le 'da wa boe. Wa kpá we do wele gɔ. Nɛ mɔ kpo zɔlɔ 'da wa gɔ. Wa ɔ zi a nyɛla do Sidoni, nɛ wa kɔ̃ zi we hɔ 'da ogele wele gɔ.

1 SAMUƐLƐ 1:17

Nɛ Heli tɔ̃ hã a na: “Mɔ sí do dia nɛ. E kɔ Gale 'da lɛ obe Israɛlɛ, a hã mɛ kɛ mɔ gɔa kɔ̃ a ni hã mɔ.”