Owi kpe dati 18:5 - WE NU GALE 1995

⁵ Nɛ wa tɔ̃ hã a na: “Mɔ kɔ̃ nde, nɛ mɔ aka Gale, takɔ lɛ ĩ tabi yali 'da lɛ ma Sɔkpɔ sɛ do dia nɛ nde?”

Owi kpe dati 18:5 Iomraidhean Croise

1 Onwanɔ 22:5

Nɛ nde ma wia na, mɔ aka nwa dati sɛ.”

2 Onwanɔ 16:15

Nɛ 'do nɛ, nɛ Ahazɛ ba 'bɔ nu a hã nganga Uria na: “Yolo sɔɛ gɛ, mɔ dɛ sɛ to 'da mɔ ngɔ gã mbé gbagala gɛ. Nɛ mɔ dɔ sɛ sa'de do titole kpo kpo, nɛ mɔ hã dɔnggamɔ fũ do gɛ̃a wese kpo kpo. Nɛ mɔ dɔ sa'de, nɛ mɔ hã dɔnggamɔ fũ we mi nwa. Nɛ mɔ dɔ 'bɔ sa'de, nɛ mɔ hã dɔnggamɔ fũ do dɔ̃ we owinɔ. Mɔ kpã sɛ tɔkɔ sa'denɔ ni vɛ̃ tɛ gbagala. Nɛ nde we duzu gbagala tũ mɔ bole ni, mɔ e sɛ ki ni hã mi na, mi zɔ do gulu mɛnɔ kɛ Gale kɔ̃a ni.”

Ezai 30:1

NWA Gale tɔ̃a na: “'Bako do nɛ, owi zɔ mɔ tɛ obe Israɛlɛ, we kɛ nɛ bɛ̃a we nu mi. Nɛ 'dafa mɛnɔ kɛ ma yòlò nu mi gɔ ni, nɛ nɛ dɛ ma. Nɛ gba tɔkɔ do ogele wele, nɛ nde mi wèlè nu mi tɛ ma gɔ. Na mɛ ni, nɛ tɛ dɛ 'dã mɔ 'do ngbɛ ɛ do 'do ngbɛ ɛ.

EZEKIƐLƐ 21:21

“Aa mɔ, tɔ̃a nu kɔya gɛ, mɔ 'bílí si ngawili kɔ̃ do si ngɔ gale, mɔ síkí 'bɛ̃lɛ̃ nu mɔ si falanɔ vɛ̃.

OZE 4:12

Wa aka sɛa tenɔ, takɔ ma tɔ̃ we mɛnɔ kɛ ma nɛ dɛ sɛ tɛ̃ ɛ 'do gɛ ni hã wa. Nɛ wa aka be dɔ tenɔ na, ma tɔ̃ we mɛ wa wia we dɛ ma ni hã wa. Wa bɛ̃a gɛnɛ mi do'do, nɛ wa hã tɛ wa hã ogele galenɔ, ɔ nɛ wuko kɛ a hã tɛ̃ a we dɛ ndumba ni.

Owi Nɛ Tonɔ 8:10

Nɛ winɔ vɛ, yolo ngɔ benɔ we hɔ ngɔ okpasa winɔ wa zele zi a wena. Wa tɔ̃ zi na: “Gale, kɛ wa sa li a na: ‘Gã ngawi’ ni, a a kɔ wi gɛ.”

Owi kpe dati 17:13

Nɛ a tɔ̃ na: “Mi kpa mbe be zã Levi kpo, nɛ mi ia a do nganga 'da mi. Kɔ mi ĩ na, nwa a dɛ sɛ dia mɔ hã mi.”

Owi kpe dati 17:5

Ĩ na, Mika zi do fala dɔnggɔ do gale 'da a boe. Nɛ a dɛa 'bɔ mbe kpikima do ombe gele sɛa te, nɛ a zĩ ma kɛ zã kpikima fɛ̃a mɔ bole ni. Nɛ a saka mbe kpo kɔ obenɔ 'da a, nɛ a e a do nganga 'da a.

Owi kpe dati 18:14

Nɛ owinɔ mɔlɔ kɛ wa nɛa zi we zɔ le Laisi dati ni, wa tɔ̃ hã ongba wa na: “Mbe tɔa kpo kɔ tɔanɔ dɛ gɛ, mɔ le kɔ nɛ, nɛ mɔ kpa kpikima, do mbe gele osɛa te kɛ zã nɛ. Nɛ mbe kpikima kpo, wa nãlã fɛ̃a mɔ bolo tɛ nɛ vɛ̃. Ní a nɛ kɔ̃a na, lɛ dɛ nɛ nde?”

Owi kpe dati 18:4

Nɛ be zagbãlã ni gese na: “Mika hã to hã mi. Mi a nganga 'da a, nɛ a futa mi futa.”

Owi kpe dati 18:6

Nɛ nganga ni tɔ̃ hã wa na: “Ma Sɔkpɔ sɛ do dia nɛ! Kili tɛ bà nɛ gɔ! NWA fala nɛ kpo do nɛ kɔ yali 'da nɛ.”

1 SAMUƐLƐ 9:9

Nɛ Saulo tɔ̃ hã a na: “Mɔ tɔ̃ de wena. Lɛ nɛ́.” Wa nɛa, nɛ wa hɔ kɔ le kɛ wi gba olo nu Gale ɔ nɛ ni. 'Da fala kɛ wa tɛ nɛ dɛ i mɔ ni, nɛ wa kpa ngba wa do obe zɔnganɔ kɛ wa yula kɔ le ni, hã wa nɛ we so lì. Nɛ wa aka obe zɔnganɔ ni na: “Mbe wi zɔ mɔ dɛ boe nde?” (Wa aka ni mba gɔ, we kɛ zi tɛ ngɔ nù Israɛlɛ, wa sa zi li wi gba olo nu Gale na, wi zɔ mɔ. Nɛ 'da fala kɛ wa kɔ̃ zi we aka Gale do we ni, nɛ wa na: “Lɛ nɛ́ 'da wi zɔ mɔ.”)