Owi kpe dati 18:2 - WE NU GALE 1995

² Gulu nɛ hã wa saka zi osɔ̃a tɛ wele mɔlɔ sanga wa. Nɛ wa kpa wa kɔ le Sora do Ɛsɛtaɔlɛ. Nɛ wa ba nu wa hã wa na, wa yɛnggɛ we fa dia nù. Nɛ wa la, nɛ wa hɔ ngɔ kalanɔ tɛ Efraimɛ, nɛ wa yolo nù dɔ̃ɔ do tɔa 'da Mika, nɛ wa dungu nù we kpe tɛ wa.

Owi kpe dati 18:2 Iomraidhean Croise

Ndo Nyanga Dɛ Mɔ 42:9

Nɛ ta zu Yozɛfu gba ngɔ yalɛnɔ kɛ a yala zi ma dɛ ngɔ wa ni. Nɛ a tɔ̃ hã wa na: “Nɛ a owi miã. Nɛ tɛa dɛ we zɔ le, takɔ nɛ ĩ ti fala kɛ ma a mbɔkɔ, nɛ wa zĩ̀ ngbo se'de gɔ ni.”

GBA WENƆ 20:18

Dati dɛ mɔ, nɛ mɔ zele mbe ongba mɔ ngɔ nɛ sɛ. Mɔ kɔ̃ we nɛ bolo, nɛ mɔ 'dafa tɛ mɔ dati do dia nɛ, sɛ nɛ de.

Tɔlɔ Mɔ 13:17

'Da fala Mɔizɛ tombo winɔ ni, nɛ a tɔ̃ hã wa na: “Nɛ lé ngɔ nù Kanana do li gba zɔ̃ Negɛvɛ si ba gɔtɔ. 'Do nɛ, nɛ nɛ la si ngɔ kalanɔ.

LUKA 14:31

Ma 'bɔ na mɛ ni, 'da fala kɛ mbe nwa kpo kɔ̃ we bi bolo do ngba a, nɛ ma wia na, a dungu nù, nɛ a yambala we zɔ na, tabi a wia we kala Owele koto 'bu, we bi do ngba a nwa, kɛ a gɔnɔ dati a do owinɔ 'da a koto 'bu wa bɔa ni, nɛ ma we sɛ nde.

Yozue 15:33

Nù kɛ bɔa kɛ nu kpala Yuda kpa zi ma ni, ma a tɛ nyanga kalanɔ si 'biti gɛ̃a wese. Li olenɔ ngɔ nùi ni ma kɛ: Ɛsɛtaɔlɛ, Sora, Asɛna,

Yozue 19:41

Nùi 'da wa mba zi lenɔ gɛ: Sora, Ɛsɛtaɔlɛ, Irɛ-Semɛsi,

Yozue 2:1

Obe Israɛlɛ wa 'bana zi tɛ fala ɔi tɛ Sitimɛ, nɛ Yozue tumba owi miã bɔa ngɔ nù Kanana, we zɔ gã le Yeriko do lenɔ kɛ zã nɛ ni. Wa hɔa 'di mɔ, nɛ wa le kɔ tɔa 'da mbe wuko ndumba kpo, li a a Rahabɛ, nɛ wa ɔ dɛ di ni.

Yozue 2:2

Nɛ do kpo tũi ni, nwa ngɔ Yeriko zila na, obe Israɛlɛ wa hɔa we zɔ Yeriko do lenɔ kɛ zã nɛ ni.

Owi kpe dati 13:2

Do 'da fala ni, nɛ nde mbe wi wili kpo, li a a Manoa, a a wi nu kpala Danɛ, a ɔ zi kɔ le Sora. Nɛ wuke 'da a zi a ndɔlɔ.

Owi kpe dati 13:25

Nɛ do 'da fala kɛ a zi tɛ fala ɔi 'da Danɛ, kɛ ma ngbala le Sora do Ɛsɛtaɔlɛ ni, nɛ Hi Wi 'da NWA lia kɔ a, nɛ a hã ngawi dɛ gba mɔ hã a.

Owi kpe dati 16:31

Nɛ onya a do nu fɛlɛ kula 'da a, wa tɛa, nɛ wa ba wɔlɔ a. Nɛ wa si do ma, nɛ wa mi a ngɔ mabi'donggo 'da baa a Manoa, kɛ ma tɛ ngbala le Sora do Ɛsɛtaɔlɛ ni. Samsoni kpia zi dati obe Israɛlɛ 'do 'bu sabɛlɛ bɔa.

Owi kpe dati 17:1

Mbe wi wili kpo zi ngɔ kalanɔ tɛ Efraimɛ, li a a Mika.

Owi kpe dati 18:11

Odanɛ wa zila ni do'do, nɛ owi wili kama gazɛlɛ sanga wa ni, wa kulu ngɔ kɔ le Sora do Ɛsɛtaɔlɛ, nɛ wa kala mɔ bolo dɛ kɔ̃ wa,

Owi kpe dati 18:13

Nɛ wa kulu ngɔ di ni, nɛ wa la si ngɔ kalanɔ tɛ Efraimɛ, nɛ wa kɔlɔ dɔ̃ɔ do tɔa 'da Mika.

Owi kpe dati 18:3

Kɔ wa tɛ kpe tɛ wa, nɛ wa zele gɛlɛ mbe be zagbãlã Levi kpo, nɛ wa ĩ ti wala gɛlɛ a. Nɛ wa nɛ, nɛ wa aka a na: “Wi tɔ̃a hã mɔ na, mɔ tɛ i nga a wio nde? Nɛ toe mɔ dɛ dɛ ni a to ge nde?”

Owi kpe dati 18:8

Owinɔ mɔlɔ ni wa si dɛ tɛ Sora do Ɛsɛtaɔlɛ i, nɛ onya wa wa aka wa we mɛnɔ wa zɔa kɔla yali 'da wa ni.

Owi kpe dati 19:1

Do 'da fala kɛ nwa ngɔ obe Israɛlɛ zi bina ni, nɛ mbe Levitɛ kpo, a ɔ zi ndũu ngɔ kalanɔ tɛ Efraimɛ i. Nɛ a ba zi wuko makango kpo tɛ Bɛtleɛmɛ, tɛ ngɔ nù Yuda.

Owi kpe dati 19:18

Nɛ Levitɛ gese hã a na: “Lɛ yula Bɛtleɛmɛ, hã lɛ si dɛ fala 'da lɛ ndũu tɛ ngɔ kalanɔ Efraimɛ i ni. Nɛ nde fo wi sa mɔ hã lɛ na, lɛ nɛ we ɔ 'da ɛ bina.