Owi kpe dati 18:10 - WE NU GALE 1995

¹⁰ Fala kɛ nɛ hɔ i mɔ, nɛ nɛ kpa sɛ Owele kɛ ta zu wa mbe ngɔ bolo fala kpo bina ni. Nùi 'da wa ma gã wena, nɛ mɔ kpo zɔlɔ 'da wa gɔ. Kɔ Gale a 'dɔlɔ sɛ ma hã nɛ.”

Owi kpe dati 18:10 Iomraidhean Croise

Owi kpe dati 18:27

Nɛ Odanɛ wa la do kpikimanɔ kɛ Mika sɛa ni, do nganga 'da a, nɛ wa ba wala le Laisi, kɛ owi kɔ nɛ wa a wi gɛ̃a sila, nɛ ta zu wa ngɔ bolo bina ni. Odanɛ wa hɔa i mɔ, nɛ wa bi le, nɛ wa gbɛ winɔ kɔ nɛ, nɛ wa dɔ le 'da wa.

Owi kpe dati 18:7

Owinɔ mɔlɔ ni wa zila ni, nɛ wa kulu ngɔ, nɛ wa la gbaa dɛ tɛ le Laisi. Nɛ wa zɔa na owi kɔ le ni, wa dungu do dia nɛ kpasaa ɔ nɛ kɛ 'da owi kɔ gã le Sidoni ni. Wa do kili bina, wa a wi gɛ̃a sila, nɛ dungu fio kɔ le 'da wa boe. Wa kpá we do wele gɔ. Nɛ mɔ kpo zɔlɔ 'da wa gɔ. Wa ɔ zi a nyɛla do Sidoni, nɛ wa kɔ̃ zi we hɔ 'da ogele wele gɔ.

1 TIMOTE 6:17

Mɔ tɔ̃̀ hã owinɔ kɛ wa do kpamɔ ngɔ nù gɛ wena ni na, wa tɛ ɔ̀ do gã zu gɔ, nɛ wa tɛ gbìnì zã wa do kpamɛnɔ 'da wa kɛ ma 'danga sɛ dɔ̃ iko ni gɔ. Nɛ nde wa gbini zã wa do Gale kɛ a hã mɛnɔ vɛ́ hã lɛ dɛlɛ wena na, lɛ dɛ yangga do ma ni.

EZEKIƐLƐ 20:6

Do 'da fala ni, nɛ mi kana zi tɛ mi hã wa na, mi fo sɛ wa ngɔ nù Ezipeto dɛ nza, nɛ mi kã sɛ wa dɛ ngɔ nù kɛ mi saka ma hã wa ni. Mɛ a nù kɛ ma do nyɔngɔmɔ la li ngele, nɛ ma dia nɛa ngɔ tala nùnɔ vɛ̃.

Yozue 6:16

Wa nɛa we zĩ 'do ngbo nu le fala sambo, nɛ onganganɔ wa dama mɔtũlĩ, nɛ Yozue tɔ̃ hã owinɔ na: “Nɛ hé hiamɔ bolo! NWA 'dɔlɔ le gɛ hã nɛ ia!

Mbulanɔ 4:1

Nɛ Mɔizɛ tɔ̃a 'bɔ hã obe Israɛlɛ na: “Nɛ, obe Israɛlɛ, nɛ dɛ́ mbulanɔ kɛ mi bia hã nɛ ni. Nɛ dɛ na mɛ ni, nɛ ma hã sɛ wala na, nɛ 'bana nza, nɛ nɛ we sɛ we ba nùi kɛ NWA Gale 'da oyaa nɛ, a hã ma hã nɛ ni.

Mbulanɔ 2:29

Lɛ la sɛ do di ni gbaa na, lɛ kũ lì Yɔrdanɛ dɛ ngɔ nùi kɛ NWA Gale 'da lɛ hã ma hã lɛ ni. Obe zã Ezau, kɛ wa ɔ ngɔ nù Edɔmɛ, do Omoabɛ, kɛ wa ɔ ngɔ nù Arɛ, wa hã zi wala hã lɛ na mɛ ni, nɛ lɛ la do ngɔ nùi 'da wa.’

Kulu Tɔa 3:8

Hã mi kɔ̃a we fo wa kɔ ngbá ti kɔ̃ Oezipeto, takɔ mi kã wa dɛ ngɔ gele nù kɛ ma a gã, nɛ ma a dia, nɛ nyɔngɔmɔ i mɔ la li ngele ni. Nùi ni, mɛ a nù 'da Okanana, Ohiti, Oamori, Opɛrizi, Ohivi do Oyebuzi.

Owi kpe dati 18:9

Nɛ wa tɔ̃ hã wa na: “Lɛ nɛ́, hã lɛ bi owi Laisi. Lɛ zɔa nùi 'da wa, nde ma de wena. Nɛ tɛ dùngù dɛ dɛ iko gɔ! Nɛ kùlù ngɔ, hã lɛ nɛ we bi le ni.

Owi kpe dati 18:11

Odanɛ wa zila ni do'do, nɛ owi wili kama gazɛlɛ sanga wa ni, wa kulu ngɔ kɔ le Sora do Ɛsɛtaɔlɛ, nɛ wa kala mɔ bolo dɛ kɔ̃ wa,

Yozue 2:23

'Do nɛ, nɛ owi miãnɔ wa zĩlĩ kalanɔ ni, nɛ wa kũ lì Yɔrdanɛ, nɛ wa si dɛ 'da Yozue i. Wa hɔa i mɔ, nɛ wa tɔ̃ we mɛnɔ vɛ̃ ma dɛa wa ni hã a.

Yozue 2:24

Wa na: “Do gbãlã we, nwa 'dɔlɔ nùi vɛ̃ hã lɛ. Winɔ i mɔ ni vɛ̃ wa do kili, nɛ fo wi kpãlã sila ɛ we yolo ti lɛ bina.”