Owi kpe dati 17:5 - WE NU GALE 1995

⁵ Ĩ na, Mika zi do fala dɔnggɔ do gale 'da a boe. Nɛ a dɛa 'bɔ mbe kpikima do ombe gele sɛa te, nɛ a zĩ ma kɛ zã kpikima fɛ̃a mɔ bole ni. Nɛ a saka mbe kpo kɔ obenɔ 'da a, nɛ a e a do nganga 'da a.

Owi kpe dati 17:5 Iomraidhean Croise

Ndo Nyanga Dɛ Mɔ 31:30

Kɔ we bina, mi ĩ na mɔ la we kɛ sila mɔ dɛ ngɔ ngbũu we si dɛ 'da baa mɔ i. Kɔ gulu kɛ mɔ zũ okpikimanɔ 'da mi we ge nde?”

1 Onwanɔ 12:31

Nɛ Yeroboamɛ nɛa tɛ ngɔ okala santonɔ, nɛ a dɛ tɔa dɔnggɔ do kpikimanɔ dɛ di ni. Nɛ a saka onganga, kɛ wa a Owi nu fɛlɛ Levi gɔ ni we dɛ to nɛ.

1 Onwanɔ 12:32

Yeroboamɛ saka kɔ zɛkɛ 'bu ngɔ nɛ mɔlɔ, zɛkɛ 'da ngbɛ'dɛ'dɛ, nɛ a e ma do kɔ̃ tũ ɛngga. Nɛ ɛngga ni ma wia kɔ̃ do kɛ wa dungu zi ma tɛ ngɔ nù Yuda ni. Nɛ a do tɛ̃ a, a dɔa osa'de tɛ ngɔ gbagala tɛ Betɛlɛ we dɔnggɔ do ohi be wili ngɔmbɛnɔ a dula ni. Nɛ a kala 'bɔ mbe nganganɔ, kɛ a saka wa we dɛ to tɛ falanɔ a 'dafa we dɔnggɔ do kpikimanɔ ni, nɛ a e wa tɛ Betɛlɛ.

Ɛsdrasi 1:7

Nɛ gã nwa Sirusi hã nu a, nɛ wa ngɛmɛ li saka mɛnɔ kɛ ma wia do to kɔ tɔa Tɛmpɛloe tɛ Yeruzalɛmɛ i ni. Mɛnɔ ni a mɛnɔ kɛ Nabukɔdɔnɔzɔrɛ kala zɛ́ kɔ Tɛmpɛloe 'da nwa, we a kɔ tɛmpɛlo 'da ogalenɔ 'da a ni.

Kulu Tɔa 24:5

'Do nɛ, nɛ a ba nu a hã ozagbãlã Israɛlɛ na, wa dɔ sa'de we dɔnggɔ do Gale, nɛ wa gbɛ 'bɔ ongɔmbɔ hã Gale we be dɛa na.

Kulu Tɔa 28:15

“Wa fa sɛ tulu nga linɛ, nɛ wa mba do sala bata kɛ ma do fila langi kpi do kpi, nɛ wa fulu do koe tulu ngɔ ngu'du gã nwa nganga, takɔ a fi omɔ aka do mi Gale kɔ nɛ. Wa gɛzɛ sɛ nu nɛ do fɛlɛ mɔ mbali.

Kulu Tɔa 28:4

Otulunɔ wa dɛ sɛ ma ni, ma kɛ: koe tulu ngɔ ngu'du gã nwa nganga, efɔdɛ, du tulu kɛ wa gɛzɛ nu nɛ, vungbu tulu, kitambala do 'dɛ̃. Nɛ nya mɔ Aroni do obulu benɔ 'da a wa he'de sɛ ma we dɛ do toe 'da wa.

Kulu Tɔa 29:9

nɛ mɔ kpo 'dɛ̃ 'da wa dɛ ngɔ nɛ, nɛ mɔ gu ndasanɔ zu wa. Mɔ dɛ ni, nɛ wa do obe zã wa vɛ̃, wa dɛ sɛ to nganga hã mi fai. “Tɛlɛ tɛ kɛ mɔ e sɛ Aroni do obulu benɔ 'da a na, wa ndo dɛ to nganga hã mi ni, ma kɛ:

Ezai 44:13

Wi sɛ mɔ ba te, nɛ a we ma do fɛlɛ, nɛ a yɔlɔ mbu tɛ nɛ, nɛ a sɛ ma do tɔ̃a nu kɔya, nɛ ma ɔ nɛ wele ni, 'Do nɛ, nɛ a ba dia bula li wi kɛ a sɛa ma ni, nɛ a e ma kɔ tɔa 'da a.

EZEKIƐLƐ 21:21

“Aa mɔ, tɔ̃a nu kɔya gɛ, mɔ 'bílí si ngawili kɔ̃ do si ngɔ gale, mɔ síkí 'bɛ̃lɛ̃ nu mɔ si falanɔ vɛ̃.

EZEKIƐLƐ 21:26

A hɔ di ni, nɛ a yolo sɛ nù dɛ ti anggɛnɔ bɔa ni, nɛ a 'bɛnɛ mɔ. A yaka sɛ okpili, nɛ a aka okpikima, nɛ a zɔ wili sila sa'de we ĩ ti wala kɛ a ba sɛ do ma ni.

OZE 3:4

Ma dɛ sɛ tɛ̃ ɛ kpasaa na mɛ ni we obe Israɛlɛ. Nwa do ogã wi sɛ ngɔ wa bina 'do dɔa kɔ̃ tũ. Wa zɔlɔ sɛ mɔ dɔnggɔ do Gale, do ota santonɔ, do mɛnɔ kɛ ma santo we aka do NWA Gale ni.

OZE 8:14

“Oisraɛlɛ wa dɛa gã tɔa nwa, nɛ ta zu wa ila ngɔ mi, Wi dɛ wa do'do. Nɛ Oyuda wa dɛa tɛ mɛ 'bɔ ongbo 'do lenɔ 'da wa, nɛ nde mi fi sɛ we tɛ lenɔ ni, nɛ ma bɛlɛ sɛ gã tɔanɔ 'da wa.”

Tɔlɔ Mɔ 3:10

Mɔ dɛ́ na, tati a Aroni do benɔ 'da a, hã wa dɛ to nganga. Kɔ gele wele iko, kɛ a a nganga gɔ ni, a yamba dɛ toe ni, nɛ ma wia na wa gbɛ a.”

OHEBRE 5:4

Wele wè tɛ e tɛ̃ ɛ wele nɛ do gã nwa nganga gɔ. Nɛ nde Gale a saka a, ɔ nɛ kɛ a saka zi do Aroni ni, sɛ nɛ de.

Owi kpe dati 17:4

Nɛ Mika gisa mbili ni hã naa ɛ, nɛ naa a kala kama bɔa kɔ nɛ, nɛ a hã ma hã wi dɛ dula. Nɛ wi dɛ dula ni 'bili te, nɛ a sɛ ma do kpikima, nɛ a nãlã fɛ̃a mɔ bolo tɛ nɛ vɛ̃. Nɛ wa e ma kɔ tɔa 'da Mika.

Owi kpe dati 18:14

Nɛ owinɔ mɔlɔ kɛ wa nɛa zi we zɔ le Laisi dati ni, wa tɔ̃ hã ongba wa na: “Mbe tɔa kpo kɔ tɔanɔ dɛ gɛ, mɔ le kɔ nɛ, nɛ mɔ kpa kpikima, do mbe gele osɛa te kɛ zã nɛ. Nɛ mbe kpikima kpo, wa nãlã fɛ̃a mɔ bolo tɛ nɛ vɛ̃. Ní a nɛ kɔ̃a na, lɛ dɛ nɛ nde?”

Owi kpe dati 18:24

Nɛ Mika gese na: “Nɛ kala okpikimanɔ kɛ mi sɛa ni, nɛ nɛ ba 'bɔ nganga 'da mi, nɛ nɛ la do a, nɛ nɛ là mɔ kpo hã mi gɔ. Nɛ dɛ do kɛ nɛ aka 'bɔ mi ni nɛ nde?”

Owi kpe dati 18:30

Wa ia zi 'bɔ kpikima 'da Mika dɛ kɔ le ni, takɔ wa dɔnggɔ ma. Nɛ wa e Yonatanɛ do nganga kɔ nu kpala wa. Yonatanɛ zi a be yaa Mɔizɛ, nɛ a a be 'da Gɛrsɔmɛ. Obe yaa Yonatanɛ wa dɛa zi to nganga gbaa we hɔ do ngba soe kɛ owinɔ wa la zi kɔlɔ 'duli ni.

Owi kpe dati 8:27

Zedeoni kala mɔ mbalinɔ ni, nɛ a dolo ma do kpikima, nɛ a e kɔ le 'da a, tɛ Ofra. Nɛ obe Israɛlɛ vɛ̃ wa kifi 'do wa, nɛ wa lo do Gale, nɛ wa ma ngɔ dɔnggɔ kpikima ni. Na mɛ ni, kpikima ni hɔa zi ɔ nɛ bili we ba Zedeoni do nu fɛlɛ kula 'da a.

1 SAMUƐLƐ 19:13

'Do nɛ, nɛ Mikalɛ ba kpikima 'da nu fɛlɛ kula 'da wa, nɛ a fi ma nù dɛ ngɔ mɔ ɔi 'da Davidi ni. A ba ndala dua, nɛ a 'dafa ma do mɔ e zu wi ngɔ nɛ, nɛ a e zu kpikima ni dɛ ngɔ nɛ. A ba 'bɔ tulu, nɛ a gu dɛ ngɔ ma.

1 SAMUƐLƐ 23:6

Do 'da fala Abiatarɛ, be 'da Ahimelɛkɛ, yu zi dɛ 'da Davidi tɛ kɔ le Keila i ni, nɛ a la zi 'bɔ do omɛnɔ kɛ ma santo, kɛ wa aka do NWA ni.