Owi kpe dati 17:4 - WE NU GALE 1995

⁴ Nɛ Mika gisa mbili ni hã naa ɛ, nɛ naa a kala kama bɔa kɔ nɛ, nɛ a hã ma hã wi dɛ dula. Nɛ wi dɛ dula ni 'bili te, nɛ a sɛ ma do kpikima, nɛ a nãlã fɛ̃a mɔ bolo tɛ nɛ vɛ̃. Nɛ wa e ma kɔ tɔa 'da Mika.

Owi kpe dati 17:4 Iomraidhean Croise

Ezai 30:22

Okpikimanɔ kɛ nɛ nãlã fɛ̃a mɔ bole do mɔ mbalinɔ tɛ nɛ ni, nɛ zɔ sɛ ma na, mɛ a mɔ ndi, nɛ nɛ da sɛ ma zamɔ. Nɛ tɔ̃ sɛ na: “Fó mɔ ndinɔ gɛ li lɛ do'do!”

Ezai 44:13

Wi sɛ mɔ ba te, nɛ a we ma do fɛlɛ, nɛ a yɔlɔ mbu tɛ nɛ, nɛ a sɛ ma do tɔ̃a nu kɔya, nɛ ma ɔ nɛ wele ni, 'Do nɛ, nɛ a ba dia bula li wi kɛ a sɛa ma ni, nɛ a e ma kɔ tɔa 'da a.

HABAKUKƐ 2:18

“Gulu dɛ kpikima gɛ a ge nde? Mɛ a nga mɔ bolo kɛ wele dula iko. Gulu kɛ wele gbini zã a do okpikima kɛ a do tɛ̃ a a dɛa, nɛ ma wè tɛ wele we gɔ ni we ge nde?

Mbulanɔ 27:15

“ ‘Wi kɛ a sɛ ta, tabi te, tabi a dolo kpikima mɔ bolo, hã a usu we dɔnggɔ ma, nɛ Gale a fɔmbɔ sɛ a. We kɛ NWA Gale sɛnɛ tɛlɛ tɛ kpikimanɔ ɔ na mɛ ni wena.’ Nɛ owinɔ vɛ̃ wa gese sɛ na: ‘Ma na mɛ ni!’

Owi kpe dati 17:3

Nɛ Mika gese mbili kote do kama kpo ni hã naa ɛ, nɛ naa a tɔ̃ hã a na: “Mi kɔ̃a we kpo mbulu we hã mbili gɛ hã NWA, lɛ oso ma do kpikima kɛ wa dɛa ma do fɛ̃a mɔ bolo ni we e kɔ tɔa 'da mɔ. Na mɛ ni, nɛ mbili ma gese sɛ tɛ̃ ɛ hã mɔ.”

Owi kpe dati 17:5

Ĩ na, Mika zi do fala dɔnggɔ do gale 'da a boe. Nɛ a dɛa 'bɔ mbe kpikima do ombe gele sɛa te, nɛ a zĩ ma kɛ zã kpikima fɛ̃a mɔ bole ni. Nɛ a saka mbe kpo kɔ obenɔ 'da a, nɛ a e a do nganga 'da a.

Owi kpe dati 18:17

Nɛ owinɔ mɔlɔ ni wa le dɛ kɔ tɔa i, nɛ wa kala ngɔ gili kpikimanɔ kpi do kpi, mba do kɛ wa nãlã fɛ̃a mɔ bole tɛ nɛ ni. Nɛ nganga yolo dɛ 'do nu ngbo ni, fala nɛ kpo do owinɔ kama gazɛlɛ do mɔ bi do bolonɔ dɛ kɔ̃ wa ni.