Owi kpe dati 17:2 - WE NU GALE 1995

² Nɛ mbe tũ kpo, nɛ a tɔ̃ hã naa a na: “Mbe wele zũ zi dɛ mbili koto do kama kpo kɔ̃ mɔ, nɛ mɔ fɔmba wi zũi ni dɛ li mi. Kɔ mɔ zɔ́ mbili ni, ma kɛ. Wi a mi hã mi zũ zi ma.” Nɛ naa a tɔ̃ hã a na: “Be 'daa, e kɔ NWA wele nu ɛ tɛ mɔ!”

Owi kpe dati 17:2 Iomraidhean Croise

Ndo Nyanga Dɛ Mɔ 14:19

nɛ a wele nu a tɛ̃ a, nɛ a tɔ̃ na: “Gale kɛ a nɛa ngɔ mɔ vɛ̃, kɛ a dɛa li nza do nù, a wélé nu a tɛ mɔ.

NEHEMIE 13:25

Ma kɛ mi kɔ'da wa, nɛ mi kana nu mi tɛ wa. Mi zɛa ombe winɔ, nɛ mi zu'du mili zu wa. Dɛ 'do nɛ, nɛ mi ba nu mi na, wa kana tɛ wa do zu li Gale na, wa kɔ̃́ sɛ 'bɔ mbé gɛnɛ kɛ na, oboko benɔ 'da wa wa ba ogele winɔ gɔ. Nɛ obulu benɔ 'da wa, tabi wa do tɛ wa, wa bá sɛ 'bɔ owuko gele nunɔ gɔ.

Zumanɔ 10:3

Na mɛ ni, nɛ 'dã wi ni, a dɔnggɔ tɛ̃ a na, linggamɔ zu ɛ dɛa tɛ̃ ɛ, nɛ ɛ kpa dia mɔ do nga ngu'du. Nɛ nde a lénggé do dɔnggɔ NWA Gale gɔ, a mɔmɔ a mɔma iko.

Kulu Tɔa 20:7

“Mɔ tɛ sà li mi Gale yala gɔ. Mɔ sa li mi yala, nɛ mi NWA Gale 'da mɔ, mi hã sɛ etumbu hã mɔ.

GBA WENƆ 28:24

Wi kɛ a zũ baa a do naa a, nɛ a tɔ̃ na, ɛ dɛ́ 'dã mɔ gɔ ni, a 'danga ɔ nɛ wi gbɛ wi ni.

Yeremi 48:10

Wi kɛ a nɛ bole hã Gale do mbuma ni, nɛ e kɔ Gale fɔmbɔ a! Wi kɛ a dɛ na, tɔkɔ tɛ ɔ́ li du kɔya 'da Gale gɔ ni, nɛ fɔmba 'da Gale te ngɔ a!

MATIE 26:74

Nɛ Petro ma ngɔ tɔ̃ na: “Fala kɛ mi 'bili bɛlɛ nde, nɛ Gale fɔmbɔ mi! Mi kana tɛ mi na, mi ĩ̀ti wi ni gɔ!” Kɔ ma nɛ 'bana dɛ nu a ni, nɛ kɔla he mɔ.

ROMA 9:3

we duzu onya mi kɛ lɛ do wa tɔkɔ kpo ni. Ɔ do kɛ Gale fɔmbɔ sɔ mi, nɛ sanga tɛ ngba lɛ gɔnɔ do Kristo, takɔ ma gala onya mi, nɛ mi kɔ̃ sɔ gɛnɛ nɛ.

1 KORINTƐ 16:22

Fala kɛ wele kɔ̃̀ gɛnɛ Nwa Yezu gɔ nde, nɛ Gale fɔmbɔ a! Marana ta! Gulu nɛ na: Aa Nwa 'da lɛ, mɔ tɛ́!

Mbulanɔ 27:16

“ ‘Wele kɛ a hã sape hã baa a do naa a, nɛ Gale fɔmbɔ a.’ Nɛ owinɔ vɛ̃ wa gese sɛ na: ‘Ma na mɛ ni!’

2 YOANƐ 1:11

Mba gɔ, wele kɛ a hã balɛ hã a, nɛ nde a mba do a ngɔ 'dã dɛa mɛ 'da a.

Owi kpe dati 17:1

Mbe wi wili kpo zi ngɔ kalanɔ tɛ Efraimɛ, li a a Mika.

Owi kpe dati 17:3

Nɛ Mika gese mbili kote do kama kpo ni hã naa ɛ, nɛ naa a tɔ̃ hã a na: “Mi kɔ̃a we kpo mbulu we hã mbili gɛ hã NWA, lɛ oso ma do kpikima kɛ wa dɛa ma do fɛ̃a mɔ bolo ni we e kɔ tɔa 'da mɔ. Na mɛ ni, nɛ mbili ma gese sɛ tɛ̃ ɛ hã mɔ.”

Owi kpe dati 5:23

Nɛ anzɛ 'da NWA tɔ̃a na: “Nɛ fɔ́mbɔ́ le Merɔzɛ, nɛ nɛ fɔ́mbɔ́ 'bɔ winɔ vɛ̃ kɛ wa ɔ kɔ le ni, we duzu kɛ wa nɛ̀ we gala NWA li bolo gɔ, nɛ wa kɔ̃̀ zi 'bɔ we tombo onwa bolonɔ 'da wa hã NWA gɔ.”

RUTI 3:10

Nɛ Buzɛ tɔ̃ hã a na: “Be 'daa, e kɔ NWA wele nu a tɛ mɔ. Mɛ mɔ dɛa sɔɛ gɛ, ma be dia sila 'da mɔ dɛ 'da nu fɛlɛ kula 'da wili mɔ, nɛ ma nɛa 'bɔ ngɔ kɛ mɔ tɛ dɛ do kɛfɛ mɔ ni. Mɔ wia sɔ we fa wi wili kɔ be zagbãlãnɔ, wele kɛ a a wi kpamɔ tabi wi sã, takɔ mɔ ba a do wili mɔ, nɛ nde mɔ dɛ̃ ma gɔ.

1 SAMUƐLƐ 14:24

Do kpo soe ni, obe Israɛlɛ wa mbɔkɔ wena, we kɛ Saulo kana nu ɛ tɛ wa na: “Fala kɛ wese tɛ gɛ gɔ, kɔ wele nyɔngɔ mɔ dati kɛ na, mi gbɛ Owi sɛnɛ mi e ni, nɛ a kpa sɛ ngamɔ.” Wa nɛa we zele ni, nɛ wele kpo nyɔ̀ngɔ̀ mɔ gɔ.

1 SAMUƐLƐ 14:28

Nɛ mbe kpo kɔ osodanɔ tɔ̃ hã a na: “Lɛ vɛ̃ lɛ mbɔkɔ tɛ wɛ wena. Nɛ baa mɔ kana nu a na, wele kɛ a nyɔngɔ mɔ sɔɛ gɛ, nɛ a kpa sɛ ngamɔ.”

1 SAMUƐLƐ 15:13

Nɛ Samuɛlɛ nɛa 'bɔ 'do a tɛ Gilgalɛ i. Saulo nɛa we zɔ a, nɛ a na: “Samuɛlɛ, e kɔ nwa wele nu a tɛ mɔ! Mi dɛa olo nu NWA.”

1 SAMUƐLƐ 23:21

Nɛ Saulo tɔ̃ hã wa na: “E ko NWA wele nu a tɛ nɛ, we kɛ nɛ dɛ mi de wena.

1 SAMUƐLƐ 26:19

Aa nwa, mɔ kɔ̃, nɛ mɔ zélé we mi nɛ tɔ̃ nɛ gɛ. Fala kɛ NWA Gale hã a hã wala hã mɔ na, mɔ dɛ do mi na mɛ ni nde, nɛ mi hã sɛ dɔnggamɔ hã a, takɔ sila a ma gɛ̃. Kɔ fala kɛ Owele hã wa dɛ na mɛ ni nde, nɛ e kɔ NWA fɔmbɔ wa. Mba gɔ, wa tɛ ndaka mi sɔɛ gɛ, nɛ wa bɛ̃ na, mi tɛ dùngù ngɔ nùi NWA hã zi ma hã lɛ owinɔ 'da a ni gɔ. Ma ɔ nɛ kɛ wa tɛ tɔ̃ hã mi na, mi la dɛ ngɔ gele nù, we sambala ogele gale ni.