Owi kpe dati 17:1 - WE NU GALE 1995

¹ Mbe wi wili kpo zi ngɔ kalanɔ tɛ Efraimɛ, li a a Mika.

Owi kpe dati 17:1 Iomraidhean Croise

1 Onwanɔ 4:8

Owi fɔmɔ lenɔ ni wi zi a: Be 'da Hurɛ zi a wi fɔmɔ 'bili tɛ nù kɛ tɛ ngɔ kala Efraimɛ.

Yozue 15:9

Yolo di ni, nɛ li ngbala la si tɛ zu lì Nɛftoa, nɛ ma kpa olenɔ dɔ̃ɔ do ngɔ kala Efroni. Nɛ ma la si tɛ le Baala, kɛ wa sa zi 'bɔ li nɛ na Kiriatɛ-Yearimɛ.

Yozue 21:21

Li lenɔ ni a: Sikɛmɛ kɛ ma ngɔ kalanɔ ni, do Gezɛrɛ, Kibsaimɛ do Bɛtɛ-Horoni. Sikɛmɛ a le usu tɛ wi kɔ nɛ. Na mɛ ni, wa kpa le nalɛ, do falanɔ kɛ zã nɛ ni we dala do nadalamɛnɔ 'da wa.

Yozue 24:30

Nɛ wa mi a ngɔ nùi wa ba zi hã a tɛ Timnatɛ-Sera, kɛ ma ngɔ nù Efraimɛ, tɛ ngɔ kalanɔ ni. Yolo ngɔ kala Gasɛ, nɛ nde Timnatɛ-Sera do si gbãlã ngɔ.

Owi kpe dati 10:1

Do 'do kɛ Abimelɛkɛ fia ni, nɛ Tola, be 'da Puva, kɛ li yaa a zi a Dodo ni, a kpasa obe Israɛlɛ ti kɔ̃ owi sɛnɛ wa. Tola a wi kɔ nu kpala Isakarɛ, nɛ a ɔ kɔ le Samirɛ, kɛ ma ngɔ kalanɔ tɛ Efraimɛ.

Owi kpe dati 16:31

Nɛ onya a do nu fɛlɛ kula 'da a, wa tɛa, nɛ wa ba wɔlɔ a. Nɛ wa si do ma, nɛ wa mi a ngɔ mabi'donggo 'da baa a Manoa, kɛ ma tɛ ngbala le Sora do Ɛsɛtaɔlɛ ni. Samsoni kpia zi dati obe Israɛlɛ 'do 'bu sabɛlɛ bɔa.

Owi kpe dati 17:2

Nɛ mbe tũ kpo, nɛ a tɔ̃ hã naa a na: “Mbe wele zũ zi dɛ mbili koto do kama kpo kɔ̃ mɔ, nɛ mɔ fɔmba wi zũi ni dɛ li mi. Kɔ mɔ zɔ́ mbili ni, ma kɛ. Wi a mi hã mi zũ zi ma.” Nɛ naa a tɔ̃ hã a na: “Be 'daa, e kɔ NWA wele nu ɛ tɛ mɔ!”

Owi kpe dati 18:13

Nɛ wa kulu ngɔ di ni, nɛ wa la si ngɔ kalanɔ tɛ Efraimɛ, nɛ wa kɔlɔ dɔ̃ɔ do tɔa 'da Mika.

Owi kpe dati 18:2

Gulu nɛ hã wa saka zi osɔ̃a tɛ wele mɔlɔ sanga wa. Nɛ wa kpa wa kɔ le Sora do Ɛsɛtaɔlɛ. Nɛ wa ba nu wa hã wa na, wa yɛnggɛ we fa dia nù. Nɛ wa la, nɛ wa hɔ ngɔ kalanɔ tɛ Efraimɛ, nɛ wa yolo nù dɔ̃ɔ do tɔa 'da Mika, nɛ wa dungu nù we kpe tɛ wa.

Owi kpe dati 3:27

A hɔa ngɔ kalanɔ tɛ Efraimɛ i, nɛ a dama mɔtũlũ we mba li obe Israɛlɛ. Wa zila mɔtũlĩ, nɛ wa hɔ, nɛ a kpe dati wa, nɛ wa zĩlĩ kalanɔ.