Owi kpe dati 16:4 - WE NU GALE 1995

⁴ 'Do ki ni, nɛ Samsoni zɔ mbe wuko Filisti kpo, nɛ a de tɛ̃ a. Li wuke ni a Dalila, nɛ a ɔ zi kɔ gbangɔlɔ̃ Sorɛkɛ.

Owi kpe dati 16:4 Iomraidhean Croise

1 Onwanɔ 11:1

Nwa Salɔmɔ kɔ̃a zi gɛnɛ owuko gele nunɔ wena. 'Do be zɔnga be 'da nwa ngɔ nù Ezipeto, nɛ a kala zi 'bɔ owuko Moabɛ, Amoni, Edɔmɛ, Sidoni, do Hiti.

NEHEMIE 13:26

Nɛ mi aka wa na: “Mɛ ma dɛa zi na, Salɔmɔ, nwa ngɔ nù Israɛlɛ dɛ 'dã mɔ, mɛ a kɛ a kala owuko gele nunɔ ni gɔ nde? Sanga ogele nwanɔ vɛ, fo nwa kɛ a wia zi kɔ̃ do a do dɔ̃lɔ̃ li ni bina. Gale kɔ̃a zi gɛnɛ a, nɛ Gale ia zi a do nwa ngɔ nù Israɛlɛ vɛ̃. Gɛnɛ kɔ na mɛ ni, owuko gele nunɔ wa fi zi a kɔ 'dã mɔ.

GBA WENƆ 22:14

Lɛnggɛ nu wuko ndumba ma ɔ nɛ bili ni. Ma kala owinɔ vɛ̃ kɛ zã NWA Gale nɔ̃lɔ̃ dɛ tɛ wa ni.

GBA WENƆ 23:27

Mɔ ĩ́ na, wuko makango, a ɔ nɛ 'du kɔ̃ kɛ wele te kɔ nɛ, nɛ a fe ni.

GBA WENƆ 26:11

Yɔndɔ wi gili tɛ̃ a 'da yɔndɔ dɛa mɔ tɛ̃ a, ɔ nɛ kɛ tolo ɔ̃lɔ̃ ia, nɛ a gili tɛ̃ a we nyɔngɔ 'bɔ ɔ̃lã olo a ni vɛ̃ ni.

GBA WENƆ 27:22

Gɛnɛ kɔ mɔ zɛ yɔndɔ wi gbaa, nɛ nde mɔ wé sɛ we fo yɔnda kɔ a ni na, ma hɔ nza gɔ.

1 KORINTƐ 10:6

Mɛnɔ ni dɛa zi tɛ ɛ we mbese lɛ na, da dɛ kɔ lɛ dɛ́ wɔ tɛ 'dã mɔ, ɔ nɛ kɛ oyaa lɛ wa dɛa zi ni gɔ.

Owi kpe dati 16:3

Samsoni ɔa ni gbaa, nɛ ma hɔ gbogbo zã tũi, nɛ a kulu ngɔ, nɛ a la dɛ nu ngbo le i. A hɔa i mɔ, nɛ a te tɛ gbangga nu ngboe ni, nɛ a ɛ̃lɛ̃ ma, nɛ fungula gbini, nɛ a zu'du te nu ngboe. 'Do nɛ, nɛ a kala ma vɛ̃, nɛ a zɛ zu 'baka a, nɛ a la do ma, nɛ a a ma ngɔ kala ma ka mɔ dɛ li ngbɛ ɛ do le Hebroni ni.

Owi kpe dati 16:5

Nɛ onwa Filisti mɔlɔ wa tɛa, nɛ wa zɔ Dalila, nɛ wa tɔ̃ hã a na: “Mɔ ɔkɔlɔ Samsoni, hã a be fala kɛ gã ngawi 'da a ma yolo nɛ ni. Nɛ a be 'bɔ mɛ kɛ lɛ wia we dɛ nɛ na, lɛ nɛ ngɔ a, takɔ lɛ ba a hã lɛ ɛnzɛ a, hã lɛ fo ngawi 'da a ni. Fala kɛ mɔ dɛ ní, nɛ wele kpo kpo kɔ lɛ gɛ, a hã sɛ mbili koto do kama kpo hã mɔ.”