Owi kpe dati 16:2 - WE NU GALE 1995

² Nɛ owi Gaza wa zele we kɛ Samsoni hɔa kɔ le 'da wa ni, nɛ wa mba ngba wa, nɛ wa nɛ, nɛ wa linggi fala a ɔa nɛ ni vɛ̃, nɛ wa a 'bɔ owele we zɔ mɔ tɛ nu ngbo le. Nɛ nde wa bà a do tũi ni gɔ, we kɛ wa lengge zi na, fala sa titole, sɛ nɛ lo gbɛ a de.

Owi kpe dati 16:2 Iomraidhean Croise

MATIE 21:38

Kɔ owi dɛ to fɔɛ wa nɛa we zɔ be 'da a, nɛ wa ma ngɔ tɔ̃ dɛ sanga tɛ ngba wa na: ‘Nɛ zɔ́ be wele fɔɛ, kɛ a ba sɛ fɔɛ olo baa a ni, a a i mɔ ni. Lɛ nɛ́, kɔ lɛ gbɛ́ a, nɛ lɛ ba sɛ fɔɛ gɛ do mɔ́ lɛ!’

MATIE 27:1

Nɛ do titole belee, nɛ onwa nganganɔ do okumunɔ vɛ̃, wa mba li ngba wa, nɛ wa ɔ ngɔ we kpo na, lo gbɛ Yezu.

LUKA 21:20

“'Da fala kɛ nɛ zɔ sɛ Owi bolonɔ nɛ nde wa zĩ 'do le Yeruzalɛmɛ takpa, nɛ nɛ ĩ na, le Yeruzalɛmɛ kɔlɔ 'danga nɛ ia.

Owi Nɛ Tonɔ 23:15

Kɔ ma wia na, nɛ, do Owi 'bili wenɔ, nɛ nɛ 'da gã wi ngɔ sodanɔ, nɛ nɛ ɔkɔlɔ a na, a tombo Polo hã nɛ, we kɛ nɛ kɔ̃a we zɔ 'bɔ we 'da a ngboo sɛ. Nɛ lɛ 'dafa sɛ we gbɛ a dɛ sanga wala i, dati kɛ na a hɔ i nga ni.”

Owi kpe dati 15:18

'Do nɛ, nɛ wɔ lì ba Samsoni wena, nɛ a ala nu a hã NWA Gale na, a gala ɛ. Nɛ a tɔ̃ na: “Aa Gale, wi a mɔ hã mɔ dɛa na, mi nɛ ngɔ owi sɛnɛ mi. Nɛ mɔ kɔ̃a na mi fe wɔ lì, nɛ Ofilisti kɛ wa a omanda'ba gɛ, wa ba mi dɛ fala gɛ kpaa nde?”

Owi kpe dati 16:3

Samsoni ɔa ni gbaa, nɛ ma hɔ gbogbo zã tũi, nɛ a kulu ngɔ, nɛ a la dɛ nu ngbo le i. A hɔa i mɔ, nɛ a te tɛ gbangga nu ngboe ni, nɛ a ɛ̃lɛ̃ ma, nɛ fungula gbini, nɛ a zu'du te nu ngboe. 'Do nɛ, nɛ a kala ma vɛ̃, nɛ a zɛ zu 'baka a, nɛ a la do ma, nɛ a a ma ngɔ kala ma ka mɔ dɛ li ngbɛ ɛ do le Hebroni ni.

1 SAMUƐLƐ 19:11

Do kpo tũi ni, nɛ Saulo tombo Owele na, wa nɛ, kɔ wa ngɛ'dɛ Davidi kɔ tɔa 'da a i na, fala sa titole, nɛ wa gbɛ a. Nɛ nde Mikalɛ, wuke 'da Davidi zila we nɛ, nɛ a tɔ̃ hã a na: “Mɔ yù tũi gɛ gɔ, nɛ bindɛ do titole, nɛ mɔ fe sɛ.”

1 SAMUƐLƐ 23:26

Saulo do osodanɔ 'da a wa tɛ danga nyanga li kala, nɛ nde Davidi do winɔ 'da a wa tɛ zĩlĩ mbee nyanga li nɛ. Nɛ wa tɛ wɛlɛ tɛ wa we nyɛlɛ do Saulo, we kɛ Saulo do osodanɔ 'da a wa fa we zĩ wa takpa, takɔ wa kala wa.