Owi kpe dati 16:16 - WE NU GALE 1995

¹⁶ Tũ kpo kpo, nɛ Dalila zi tɛ he dɛ tɛ Samsoni, tɛ ala nu a hã a ni gbaa, nɛ Samsoni mbɔka, nɛ a wè zi 'bɔ tɛ kunu sila a gɔ.

Owi kpe dati 16:16 Iomraidhean Croise

YƆBƆ 21:4

Mi álá nu mi hã wele dɛ ngɔ nù ge gɔ, mi ala nu mi hã Gale, sila mi 'bɔa do li nɛ.

YONASI 4:9

Nɛ Gale aka Yonasi na: “Gulu nɔ̃lɔ̃ zã 'da mɔ we kɛ be te gɛ kula ni boe nde?” Nɛ a gese na: “Ĩi, gulu nɛ boe. Zã mi nɔ̃lɔ̃ wena, nɛ mi kɔ̃a we fe nɛ.”

MARKO 14:24

Nɛ Yezu tɔ̃ hã wa na: “Kɛ gɛ mɛ a tɔkɔ tɛ mi, ma a sɛ nù we duzu gba gili Owele. Mɛ a tɔkɔ kɛ Gale gba sanga tɛ ngba ɛ do owinɔ.

LUKA 11:8

Nɛ mi tɔ̃ hã nɛ na, a kulu sɛ ngɔ we hã mapa ni hã ngba a. A kúlú sɛ ngɔ we kɛ a a yali ngba a ni gɔ, nɛ nde a kulu sɛ ngɔ we kɛ a 'bana dɛ di ni tɛ gɔ gɔa fai ni.

LUKA 18:5

kɔ nɛ́ kɛ wuke gɛ yɛkɛ mi fai gɛ, mi kɔ̃a we gbɛ gbãlã we hã a, dɔ a gbá zu mi fai gɔ.’ ”

Owi kpe dati 14:16

Wuke nɛa we zele ní, nɛ a nɛ dɛ 'da wili a i do kɔ̃a, nɛ a tɔ̃ hã a na: “Mɔ kɔ̃̀ gɛnɛ mi gɔ, mɔ sɛnɛ mi sɛna, we kɛ mɔ tɔ̃a be toe hã owinɔ 'da mi, nɛ nde mɔ tɔ̃̀ mbe gulu nɛ hã mi gɔ.” Nɛ Samsoni gese hã a na: “Gɛnɛ kɔ owi ko mi ngboo ni, mi tɔ̃̀ gulu toe gɛ hã wa gɔ. Kɔ gulu kɛ mi nɛ tɔ̃ hã mɔ we ge nde?”

Owi kpe dati 14:17

Nɛ wuke 'da Samsoni hia dɛ tɛ̃ a gbaa, we hɔ ndɔti tũ mɔ dɔɛ ni. Nɛ ma nɛa we hɔ tɛ kɔ tũ kɛ sambo ni, nɛ Samsoni tɔ̃ gulu toe ni hã a, we kɛ hia kɔ̃a 'da wuke 'da a ma ngba a do'do. Wuke zila gulu toe do'do, nɛ a nɛ dɔ̃, nɛ a tɔ̃ ma hã owinɔ 'da a.

Owi kpe dati 16:15

Nɛ Dalila tɔ̃ hã a na: “Fala kɛ mɔ tɔ̃ na mɔ kɔ̃a gɛnɛ mi kɔ̃a, nɛ nde mɔ 'bili bɛlɛ iko. Mɔ mɔma mi fala talɛ, nɛ mɔ bɛ̃a we be fala kɛ gã ngawi 'da mɔ yolo nɛ ni hã mi.”

Owi kpe dati 16:17

Nɛ a be wá gulu fala kɛ gã ngawi 'da a yolo nɛ ni vɛ̃ hã Dalila na: “Kɛ gbaa gɛ, wa kɛ̀lɛ̀ mbe mili zu mi fala kpo gɔ. We kɛ, dati kɛ na wa ko mi ni, nɛ wa hã zi mi hã Gale na, mi ɔ wi 'da a. Kɔ fala kɛ nɛ kɛlɛ mili zu mi, nɛ ngawi 'da mi ma e nɛ, nɛ mi ɔ sɛ nɛ tala winɔ vɛ̃ ni.”