Owi kpe dati 15:6 - WE NU GALE 1995

⁶ Nɛ Ofilisti wa aka na: “Wi dɛa mɛ gɛ a wio nde?” Nɛ wa gese hã wa na: “Wi a Samsoni, a a dɛa mɛ ni, we duzu kɛ kɛfɛ a wi Timna, a ba wuke kɔ̃ a, nɛ a hã a hã be zagbãlã wele kɛ a zɔ zi mɔ tɛ mɔ dɔɛ ni.” Nɛ Ofilisti wa nɛ, nɛ wa fi we tɛ tɔa 'da kɛfɛ Samsoni, nɛ wa dɔ a do be 'da a, nɛ wa ngutu.

Owi kpe dati 15:6 Iomraidhean Croise

GBA WENƆ 22:8

Mɔ tó kɔ 'dã mɔ, nɛ mɔ wele nɛ mɔ mi sɛ ma. Nɛ mɔ wé sɛ 'bɔ we zɛlɛ tɛ ngba mɔ mbé nɛ gɔ.

1 TƐSALONIKƐ 4:6

Kɔ ba ngba wi ni, ma wè na wele ɔlɔ ngba ɛ, nɛ a dɛ a 'danga gɔ. Lɛ tɔ̃a zi hã nɛ ia, nɛ lɛ dala nu lɛ hã nɛ na, Nwa Gale a bili sɛ gbã hã winɔ kɛ wa dɛ yɔa ti mɛnɔ ɔ nɛ ki ni ni.

Owi kpe dati 12:1

Owi nu kpala Efraimɛ wa mba li ngba wa, nɛ wa kũ lì Yɔrdanɛ, nɛ wa nɛ dɛ tɛ le Safoni. Wa hɔa i mɔ, nɛ wa tɔ̃ hã Yɛfte na: “Gulu kɛ mɔ nɛa we bi do Oamoni, nɛ mɔ sà mɔ hã lɛ na, lɛ gala mbe mɔ gɔ we ge nde? Ní a lɛ dɔ sɛ tɔa dɛ zu mɔ.”

Owi kpe dati 14:15

Ma nɛa we hɔ tɛ talɛ kɔ tũi ni, nɛ wa nɛ, nɛ wa tɔ̃ hã wuke 'da Samsoni na: “Mɔ 'bɔ́ndɔ́ wili mɔ, kɔ a tɔ̃ gulu toe gɛ hã lɛ. Kɔ ní gɔ, nɛ lɛ fi sɛ we tɛ tɔa 'da nɛ, nɛ lɛ dɔ sɛ mɔ, do Owi nu fɛlɛ mɔ vɛ̃. Nɛ sa mɔ hã lɛ tɛ mɔ dɔɛ gɛ, takɔ nɛ kala mɔ kɔ̃ lɛ nde?”

Owi kpe dati 15:5

nɛ a tũ ma, nɛ a da kɔ̃ a tɛ wa, nɛ wa pɛsɛ do kɔ fɔ blenɔ 'da Ofilisti vɛ̃. Nɛ nyɛa we ma te tɛ lã ble kɛ wa sɛlɛ ia ni, do kɛnɔ li te nɛ ni, nɛ ma te 'bɔ tɛ fɔ olivɛnɔ.

Owi kpe dati 15:7

Nɛ Samsoni tɔ̃ hã Ofilisti na: “We duzu kɛ nɛ dɛa ní ni, mi dɛ sɛ tɛ mɛ 'bɔ nɛ́ kɛ nɛ dɛa ni. Fala kɛ mi bìlì nu gbã mɛ nɛ dɛa gɛ gɔ, nɛ nde sila mi ma gɛ̃ sɛ gɔ.”