Owi kpe dati 14:4 - WE NU GALE 1995

⁴ Owi ko Samsoni wa ĩ̀ zi na, wi a NWA Gale hã a kɔ̃a na mɛ ni, takɔ a kpa wala we hã etumbu hã Ofilisti ni gɔ. Ĩ na, do 'da fala ni, nɛ nde Ofilisti wa ia zi mbula ngɔ obe Israɛlɛ.

Owi kpe dati 14:4 Iomraidhean Croise

1 Onwanɔ 12:15

Ki ni, mɛ a tɛlɛ tɛ kɛ NWA Gale a 'dafa mɛnɔ, takɔ a dɛ mbuli a kpua zi hã Yeroboamɛ, be 'da Nɛbatɛ gɛ a ni. A kpua zi mbuli ni hã a do wala 'da wi gba olo nu a Ahia, wi Silo. Gulu kɛ nwa Roboamɛ bɛ̃a zi aka wenɔ 'da owinɔ gɛ a ni.

1 Onwanɔ 12:24

“Nɛ zélé, mi NWA, mi tɔ̃a na, da dɛ kɔ nɛ nɛ́ we bi do kpo kpo onya nɛ, Oisraɛlɛ gɔ. Nɛ vɛ̃ nɛ sí 'do, we kɛ mi a mi 'dafa na, mɛnɔ ma dɛ tɛ̃ ɛ na mɛ ni.” Kɔ wa nɛa we zele ni, nɛ wa dɛa olo nu NWA, nɛ wa si 'do.

2 Onwanɔ 6:33

Elize 'bana tɔ̃ tɔ̃a iko, nɛ nwa hɔ, nɛ a na: “Wi hã ngamɛnɔ gɛ vɛ̃ hã lɛ wi a NWA Gale. Ma ɔ ni, nɛ nde mi wè 'bɔ we gbini zã mi do a gɔ.”

2 Sakonɔ 10:15

Ki ni, mɛ a tɛlɛ tɛ kɛ NWA Gale 'dafa mɛnɔ, takɔ a dɛ mbuli a kpua zi hã Yeroboamɛ, be 'da Nɛbatɛ gɛ a ni. A kpua zi mbuli ni hã a do wala 'da wi gba olo nu a Ahia, wi Silo. Gulu kɛ nwa Roboamɛ bɛ̃a zi aka wenɔ 'da winɔ gɛ a ni.

2 Sakonɔ 22:7

Ahazia hɔa 'do Yoramɛ i, nɛ Gale 'dafa na, do wala tɛa 'da a we zɔ Yoramɛ, nɛ dɛa to nwa 'da a ma e. Mba gɔ, 'da fala kɛ Ahazia hɔa i mɔ ni, nɛ wa do Yoramɛ wa kpa ngba wa do Yehu, be 'da Nimki. Ĩ na, NWA saka zi Yehu, takɔ a kumu nu fɛlɛ Akabɛ.

2 Sakonɔ 25:20

Nɛ nde Amasia kɔ̃̀ zi we zele mbisa we ni gɔ. A bɛ̃a we ni, mba gɔ, Gale kã zi a do sodanɔ 'da a na, wa fe li bolo, we kɛ wa dɔnggɔ zi ogalenɔ 'da Oedɔmɛ ni.

Zumanɔ 115:3

Ĩ na, Gale 'da lɛ a li nza i, nɛ a dɛ mɛnɔ vɛ̃ kɛ zã a kɔ̃a ni.

DANIƐLƐ 6:4

Hã zã dɛa toe 'da Daniɛlɛ nɛa ngɔ wanɔ bɔa ni, nɛ ma nɛ 'bɔ ngɔ kɛ 'da okosolo nwanɔ vɛ̃. We duzu ma, nwa Dariusi kɔ̃a we e to mbati ngɔ nùi 'da a vɛ̃ dɛ kɔ̃ Daniɛlɛ.

Mbulanɔ 28:48

Na mɛ ni, nɛ hɔ sɛ ongbánɔ 'da Owi sɛnɛ nɛ, kɛ NWA nɛ tombo wa we bi nɛ ni. Wɔ ma ba sɛ nɛ, nɛ nɛ ala sɛ wɔ lì, nɛ nɛ yɛnggɛ sɛ do kũlĩ tɛ nɛ. Sã mɛnɔ vɛ̃ ma ba sɛ nɛ. Nɛ ngamɛnɔ ni ma ɔ sɛ nɛ dĩ tole ngbangbo zu 'baka nɛ, nɛ nɛ ba sɛ ma gbaa, nɛ nɛ kumu.

Yozue 11:20

Mba gɔ, NWA Gale dɛa zi na, owinɔ ni vɛ̃ wa ɔ do nga zu we bi do obe Israɛlɛ. Na mɛ ni, obe Israɛlɛ wa wè zi we ĩ 'bako hã wa gɔ. Ma hã wa kumu zi wa vɛ̃, ɔ nɛ kɛ NWA Gale do tɛ̃ a ba zi do nu a hã Mɔizɛ ni.

Owi kpe dati 13:1

Oisraɛlɛ wa dɛa zi 'bɔ mɔ kɛ ma dè tɛ NWA gɔ ni. Gulu nɛ a NWA 'dɔlɔ wa hã Ofilisti, nɛ wa ɔa ti mbula 'da wa 'do sabɛlɛ 'bu nɛ nalɛ.

Owi kpe dati 14:5

Samsoni do Owi ko a wa kulu ngɔ, nɛ wa la Timna i. Wa nɛa we hɔ tɛ fɔ vinɔɛ dɔ̃ɔ do le ni, nɛ be gbɔgbɔ gbo do hiamɔ dɛ 'da Samsoni nga.

Owi kpe dati 15:11

Oyuda wa nɛa we zele ní, nɛ wa tombo Owi wili koto talɛ sanga wa ni kɔ kpangba ta tɛ Etamɛ i, nɛ wa tɔ̃ hã Samsoni na: “Mɔ ĩ vɛ̃ na, Ofilisti wa ia mbula ngɔ lɛ. Kɔ mɔ ĩ ti zɛlɛ tɛ mɔ hã ma hã lɛ ni nde?” Nɛ Samsoni gese hã winɔ ni na: “Mi bili a nu gbã mɛ kɛ wa dɛa do mi ni.”

Owi kpe dati 15:3

Nɛ Samsoni gese hã a na: “Di dɔ̃ ni, mi nɛ dɛ Ofilisti 'danga wena, hã da dɛ kɔ wele kpo kɔ́'dɔ́ mi we nɛ gɔ.”