Owi kpe dati 12:6 - WE NU GALE 1995

⁶ nɛ wa ba nu wa hã a na, a tɔ̃ na: “Shibɔlɛ.” Kɔ fala a tɔ̃̀ ma do wala olo nɛ gɔ, hã a tɔ̃ na: “Sibɔlɛ”, nɛ wa ĩ na, a a be Efraimɛ, nɛ wa ba a dɛ di ni, nɛ wa gbɛ a. Nɛ 'da fala ni, Oefraimɛ wa fia zi vɛ̃ Owele koto 'bu wa nalɛ ngɔ wa bɔa.

Owi kpe dati 12:6 Iomraidhean Croise

Zumanɔ 69:15

Mɔ gbɔtɔ mi kɔ 'bɛ̃tɛ̃ do'do, mɔ fó mi kɔ 'du lì dɛ nza, nɛ mɔ kpásá mi ti kɔ̃ owi sɛnɛ mi.

Zumanɔ 69:2

Aa Gale, mɔ kpásá mi! Lì ba ti gɛlɛ mi we gulu zu mi.

GBA WENƆ 17:14

'Da fala kɛ mɔ ndo mɔ mɔ̃lã, nɛ ma ɔ nɛ mɔ hũi wala ngamɔ dɛ tɛ mɔ ni. Ma wia na, mɔ la fala nɛ, dati a kɛ na go'do nɛ gã ni.

GBA WENƆ 18:19

Kɔlɔ do nya mɔ kɛ sanga tɛ ngba nɛ do a 'danga ni, ma nganda nɛa ngɔ le kɔ le kɛ gba ngbo zĩ ma takpa ni. Nɛ nde mɔ mɔ̃lã do wele, ma nganda ɔ nɛ mɔ bolo kã do nu gã tɔa dɛ ngɔ wi ni.

WI LENGGE WE 10:12

Wi hã zã wele we, nɛ ma de tɛ winɔ. Nɛ nde wila we nu yɔnda wi dɛ na, owinɔ wa zɔ a li wa yala iko.

Ezai 27:12

Do ngba soe ni, NWA a kala sɛ owinɔ 'da a, kɛ wa pɛsɛ yolo tɛ Ezipeto gbaa we hɔ nu lì Efratɛ ni, nɛ a gese wa dɛ ngɔ nùi 'da wa. A dɔlɔ sɛ wa kpo kpo, ɔ nɛ kɛ wa dɔlɔ gbãlã kɔni kɔ wɔkɔsɔ ni, nɛ wa si sɛ.

MATIE 12:25

Nɛ nde Yezu ĩ sɔ ti linggamɔ zu wa ia, nɛ a tɔ̃ hã wa na: “Fala kɛ nu fɛlɛ kula kpo gɔnɔ sanga tɛ ngbɛ ɛ do bolo, nɛ nde ma 'báná sɛ 'bɔ gɔ, nɛ le 'da wa ma 'danga sɛ vɛ̃. Fala kɛ owi kɔ le kpo, tabi onya wi dɛ kɔ zã kpo wa kɛ̃ sanga tɛ ngba wa, nɛ nde wa 'báná sɛ gɔ.

MATIE 26:73

Nɛ 'do nɛ la be sĩ, nɛ owinɔ di ni ni wa tɔ̃ 'bɔ hã Petro na: “Mɔ a mbe kpo sanga winɔ ni gbãlã we. Mba gɔ, wila we 'da mɔ be na, mɔ yula Galile.”

MARKO 14:70

'Do nɛ la be sĩ, nɛ owinɔ di ni ni wa tɔ̃ 'bɔ hã Petro na: “Mɔ a mbe kpo sanga winɔ ni gbãlã we. Mba gɔ, mɔ a wi Galile.”

GALATI 5:15

Kɔ fala kɛ nɛ ma ngɔ zɛlɛ tɛ ngba nɛ, do e dani tɛ ngba nɛ ɔ nɛ osa'de zamɔ ni, nɛ li nɛ sɔ̃́, ní gɔ, nɛ nɛ kumu sɛ ongba nɛ vɛ.

Owi kpe dati 12:5

Nɛ owi Galadɛ wa wɛlɛ tɛ wa dɛ nu lì Yɔrdanɛ, nɛ wa ba nu kolonɔ owinɔ wa kũ do lì ni na, da dɛ kɔ be Efraimɛ kpo kũ lì, kɔ a kpasa gɔ. Kɔ fala kɛ mbe Efraimɛ kpo tɔ̃ we kũ lì nde, nɛ owi Galadɛ wa aka a na, a a wi Efraimɛ nde. Kɔ fala a tɔ̃̀ na, ɛ a Efraimɛ gɔ,

Owi kpe dati 12:7

Yɛfte kpia zi dati obe Israɛlɛ 'do sabɛlɛ gazɛlɛ, nɛ a fe, nɛ wa mi a tɛ kɔ le 'da a ngɔ nù Galadɛ.