Owi kpe dati 12:1 - WE NU GALE 1995

¹ Owi nu kpala Efraimɛ wa mba li ngba wa, nɛ wa kũ lì Yɔrdanɛ, nɛ wa nɛ dɛ tɛ le Safoni. Wa hɔa i mɔ, nɛ wa tɔ̃ hã Yɛfte na: “Gulu kɛ mɔ nɛa we bi do Oamoni, nɛ mɔ sà mɔ hã lɛ na, lɛ gala mbe mɔ gɔ we ge nde? Ní a lɛ dɔ sɛ tɔa dɛ zu mɔ.”

Owi kpe dati 12:1 Iomraidhean Croise

Zumanɔ 109:4

Mi kɔ̃a gɛnɛ wa, nɛ mi sambala we wa, nɛ nde wa e we tɛ mi, nɛ wa da mi.

WI LENGGE WE 4:4

Mi zɔa 'bɔ na, owinɔ wa dɛ to, nɛ wa kpa ngamɔ dɛ ma takɔ wa nɛ ngɔ ngba wa. Ki ni do gulu nɛ bina, ma ɔ nɛ wele ndaka 'do bũ iko ni.

OZE 13:1

Zɛ́ dati, 'da fala owi nu kpala Efraimɛ wa wele we, nɛ kili ba winɔ vɛ̃. Owele wa dɔnggɔ zi wa ngɔ nù Israɛlɛ vɛ̃. Nɛ wa ndua dɔnggɔ gale Bala, nɛ wa tia do ngbangga, nɛ wa kpa fio.

MARKO 3:24

Fala kɛ nu fɛlɛ kula kpo gɔnɔ sanga tɛ ngbɛ ɛ do bolo, nɛ nde ma 'báná sɛ 'bɔ gɔ.

YOANƐ 10:32

Nɛ a tɔ̃ hã wa na: “Mi dɛa dia mɔ wena do ngawi 'da Baa mi dɛ li nɛ gɛ. Kɔ mɛ nɛ kɔ̃a we lo mi we nɛ ni a ge nde?”

ZAKE 3:16

Mba gɔ, fala kɛ Owele wa ɔ do bɔnɛ dɛ tɛ ngba wa, hã wa fa we nɛ ngɔ ngba wa, nɛ kpawe do 'dã mɔ kpi do kpi sɛ di ni boe.

Owi kpe dati 11:40

Ndo do di ni, nɛ obe Israɛlɛ wa ia mbula na, kɔ sabɛlɛ kpo kpo, nɛ obe zɔnganɔ wa nɛ 'do tũ nalɛ ngɔ kalanɔ i, we he kɔ̃a fio be 'da Yɛfte, wi Galadɛ ni.

Owi kpe dati 12:2

Nɛ Yɛfte gese hã wa na: “Lɛ do owinɔ 'da mi, lɛ kpa we do Oamoni, nɛ wa bi lɛ, nɛ lɛ sa mɔ hã nɛ, nɛ nɛ dɛ̃ mɔ kpo we kpasa lɛ ti kɔ̃ wa gɔ.

Owi kpe dati 14:15

Ma nɛa we hɔ tɛ talɛ kɔ tũi ni, nɛ wa nɛ, nɛ wa tɔ̃ hã wuke 'da Samsoni na: “Mɔ 'bɔ́ndɔ́ wili mɔ, kɔ a tɔ̃ gulu toe gɛ hã lɛ. Kɔ ní gɔ, nɛ lɛ fi sɛ we tɛ tɔa 'da nɛ, nɛ lɛ dɔ sɛ mɔ, do Owi nu fɛlɛ mɔ vɛ̃. Nɛ sa mɔ hã lɛ tɛ mɔ dɔɛ gɛ, takɔ nɛ kala mɔ kɔ̃ lɛ nde?”

Owi kpe dati 15:6

Nɛ Ofilisti wa aka na: “Wi dɛa mɛ gɛ a wio nde?” Nɛ wa gese hã wa na: “Wi a Samsoni, a a dɛa mɛ ni, we duzu kɛ kɛfɛ a wi Timna, a ba wuke kɔ̃ a, nɛ a hã a hã be zagbãlã wele kɛ a zɔ zi mɔ tɛ mɔ dɔɛ ni.” Nɛ Ofilisti wa nɛ, nɛ wa fi we tɛ tɔa 'da kɛfɛ Samsoni, nɛ wa dɔ a do be 'da a, nɛ wa ngutu.

Owi kpe dati 8:1

'Do nɛ, nɛ Oefraimɛ wa tɔ̃ hã Zedeoni na: “Gulu kɛ mɔ dɛa lɛ 'danga ni we ge nde? Fala kɛ mɔ nɛa we bi do Omadianɛ, nɛ mɔ sà mɔ hã lɛ gɔ we ge nde?” Nɛ zã wa nɔ̃lɔ̃ dɛ tɛ̃ a wena.