Owi kpe dati 10:6 - WE NU GALE 1995

⁶ Obe Israɛlɛ wa dɛa zi 'bɔ mɔ kɛ ma dè tɛ NWA Gale gɔ ni. Wa dɔnggɔ ogale Bala do Astarte. Nɛ wa dɔnggɔ 'bɔ ogalenɔ 'da Osiri, Osidoni, Omoabɛ, Oamoni do Ofilisti. Obe Israɛlɛ wa siki zi 'do wa, nɛ wa lo do nwa, nɛ wa bɛ̃a we dɔnggɔ a.

Owi kpe dati 10:6 Iomraidhean Croise

1 Onwanɔ 11:33

Mi dɛ sɛ ni, we kɛ Salɔmɔ bɛ̃a gɛnɛ mi do'do, nɛ a ba tɛ̃ a we dɔnggɔ ogele gale. A dɔnggɔ Astarte, gale wuke 'da Osidoni, do Kɛmɔsi, gale 'da Omoabɛ, do Milkɔmɛ, gale 'da Oamoni. Salɔmɔ bɛ̃a we nu mi, nɛ a dɛa 'dã mɔ. A dɛ mbulanɔ 'da mi, do we nu mi, ɔ nɛ kɛ baa Davidi dɛa zi ni gɔ.

1 Onwanɔ 11:5

Nɛ Salɔmɔ ma ngɔ dɔnggɔ Astarte, gale wuke 'da Osidoni, do Milkɔmɛ, gba sɔ̃ gale 'da Oamoni.

1 Onwanɔ 11:7

Salɔmɔ 'dafa zi fala tɛ ngɔ kala dati Yeruzalɛmɛ na, wa dɔnggɔ do Kɛmɔsi, gba sɔ̃ gale 'da Omoabɛ. Nɛ a 'dafa 'bɔ mbee nɛ we dɔnggɔ do Milkɔmɛ, gba sɔ̃ gale 'da Oamoni.

1 Onwanɔ 16:31

A dɛa 'bɔ 'dã mɔ nɛa ngɔ kɛ Yeroboamɛ, be 'da Nɛbatɛ dɛa zi ni. Mba gɔ, we kɛ dɛ ngɔ gele 'dã mɛnɔ a dɛa ni, nɛ a ba 'bɔ Yezabɛlɛ, be zɔnga be 'da Ɛtbalɛ, nwa ngɔ Osidoni. Nɛ a gu 'bɔ gba zugolo dati gale Bala we dɔnggɔ a.

2 Onwanɔ 17:16

Nɛ wa gbini mbulanɔ 'da NWA Gale 'da wa vɛ̃. Wa kala mɔ bolo, nɛ wa dolo obe ngɔmbɔ bɔa, nɛ wa sɛ kpikima gale Asera, nɛ wa gu nù ti osɔla, nɛ wa dɔnggɔ gale Bala.

2 Onwanɔ 23:13

Nɛ a 'danga 'bɔ fala dɔnggɔ do gale bɛlɛnɔ, kɛ nwa Salɔmɔ dɛa zi ma ti nyanga kala olivɛnɔ, kɛ ma si ba gɔtɔ, nɛ ma ka mɔ dɛ li le Yeruzalɛmɛ ni. Salɔmɔ dɛa zi fala ni we dɔnggɔ do Astarte, gale wuko 'da Osidoni, do Kɛmɔsi, gale 'da Omoabɛ, do Milkɔmɛ, gale 'da Oamoni.

2 Sakonɔ 28:23

A hã odɔnggamɔ hã gale bɛlɛnɔ kɔ le Damasi, kɛ wa dɛa zi na bole nɛ ngɔ a ni. Nɛ a tɔ̃ na: “Ogalenɔ 'da onwa ngɔ nù Siri wa tɛ gbaka wa li bole, kɔ mi hã sɛ tɛ mɛ 'bɔ dɔnggamɔ hã ogalenɔ ni, sɛ a wa gbaka mi de.” Nɛ nde ĩ na, mɛ a dɛa ni, nɛ ma hã wala na, bole nɛ ngɔ a do owinɔ 'da a vɛ̃.

Zumanɔ 106:36

Nɛ wa dɔngga osɛa tenɔ 'da wa, nɛ ma fi wa kɔ 'dã mɔ.

Ezai 23:4

Aa nɛ, owi Sidoni, kɛ nɛ dɛa gba ngbo, nɛ ma zĩ le 'da nɛ takpa dɛ kɛ zã nu gba lì ni, nɛ dɛ́ sape. Mba gɔ, gba lì ala nu ɛ na: ‘Mi kò mbe kuti kula do kɛ na mi ĩ ti zɛlɛ kula gɔ. Nɛ mi dàlà mbɛ be fala kpo gɔ.’

Yeremi 2:13

We kɛ nɛ owinɔ 'da mi, nɛ dɛa 'dã mɔ bɔa: Nɛ siki 'do nɛ hã mi, kɛ mi ɔ nɛ zu lì nɛ kpasa we nɛ ni, nɛ nɛ zã okɔ̃ lì, nɛ nde mɛ a okɔ̃ lì kɛ lì yóló kɔ nɛ gɔ.”

Yeremi 2:20

NWA tɔ̃a 'bɔ na: “Aa nɛ, obe Israɛlɛ, nɛ bɛ̃a gɛnɛ mi, nɛ nɛ la fala mi 'do nɛ nyɛla, nɛ nɛ tɔ̃a na, lo kɔ̃̀ we ɔ ti mbula mɔ wele gɔ. Nɛ nɛ nɛa tɛ ngɔ kalanɔ do ti tenɔ kɛ onwá nɛ 'bɔ wena ni, nɛ nɛ yɛnggɛ 'dɔkɔlɔ ogele galenɔ ɔ nɛ owuko ndumba ni.

Yeremi 32:23

Nɛ nde 'da fala kɛ wa tɛa, hã wa ba ma do mɔ́ wa do'do ni, nɛ wa zèlè 'bɔ we nu mɔ gɔ, nɛ wa dɛ̃ 'bɔ mbulanɔ 'da mɔ gɔ. Wa dɛ̃ mbe mɔ kpo kɔ mɛnɔ mɔ ba zi nu mɔ na, wa dɛ ni gɔ. Ma kɛ mɔ tumba ngamɛnɔ gɛ vɛ̃ dɛ ngɔ wa ni.

EZEKIƐLƐ 27:16

Oedɔmɛ wa oso zi gba gili mɔ golenɔ kɔ̃ nɛ, nɛ wa hã odia tulu do odia ta olo gã gole hã nɛ.

Mbulanɔ 13:6

Ma wia na, nɛ gbɛ wi gba olo nu Gale do bɛlɛ, tabi wi kɛ a tɔ̃ na, Gale bia mɔ li ɛ li yalɛ, kɔ a ngbɔkɔ nɛ na, nɛ siki 'do nɛ hã Gale ni. We kɛ NWA a Gale kɛ a fua nɛ kɔ ngbá ti kɔ̃ Oezipeto. Ma kɛ ma wia na, nɛ gbɛ wi kɛ a fa we fo nɛ li wala kɛ NWA ba nu a hã nɛ na, nɛ ba do ma ni. Nɛ dɛ na mɛ ni, nɛ nɛ fo sɛ 'dã mɔ sanga nɛ do'do.

Mbulanɔ 13:8

Mbe gɔ, nɛ a ngbɔkɔ sɛ mɔ na, mɔ dɔnggɔ mbe gale kpo sanga wanɔ ogele winɔ ngɔ nù gɛ wa dɔnggɔ wa ni, tabi gale 'da owinɔ wa dɔ̃ɔ do nɛ, tabi wanɔ wa nyɛlɛ do nɛ ni.

Mbulanɔ 31:16

Nɛ NWA tɔ̃ hã Mɔizɛ na: “Mɔ kɔlɔ do fio ia. Kɔ mɔ fe, nɛ obe Israɛlɛ wa da sɛ sila wa ngɔ mi, nɛ wa 'danga sɛ gba tɔkɔ kɛ mi gba zi do wa ni. Wa bɛ̃ sɛ gɛnɛ mi, nɛ wa dɔnggɔ sɛ ogele galenɔ 'da winɔ ngɔ nùi wa nɛ ba ma ni.

Mbulanɔ 31:17

'Da fala wa dɛ na mɛ ni, nɛ zã mi ma nɔ̃lɔ̃ sɛ dɛ tɛ wa, nɛ mi da sɛ kɔ̃ mi tɛ wa, nɛ Owele wa gbɛ sɛ wa, nɛ wa kumu vɛ̃. Nɛ wa kpa sɛ ngamɔ kpi do kpi. Na mɛ ni, nɛ wa ĩ sɛ na, lo kpa ngamɛnɔ ni, we kɛ mi Gale 'da wa, mi fua tɛ mi sanga wa do'do.

Mbulanɔ 32:15

“Kɔ wa nɛa we kpa mɔ wena do'do, nɛ ma nganda zu wa. Zã wa hɛ̃a gbaa do nu sila wa vɛ̃, nɛ wa bɛ̃a gɛnɛ Gale, kɛ a dɛa wa ni. Wa bɛ̃a gɛnɛ gã wi kele zu wa, kɛ a kpasa wa ni.

Yozue 13:31

Nɛ Omanase, wa kpa 'bɔ nù Galadɛ, do le Asɛtarɔtɛ, do Edrei. Lenɔ bɔa ni, mɛ a ã gbɛlɛ gã lenɔ 'da nwa Ɔgɛ. Nɛ Mɔizɛ hã nùi ni vɛ̃ hã mbee nu kpala Manase, kɛ yaa wa zi a Makirɛ, be 'da Manase ni.

Owi kpe dati 10:5

Yairɛ fia, nɛ wa mi a tɛ kɔ le Kamoni.

Owi kpe dati 11:24

Mɔ do nù mɔ́ mɔ kɛ Kɛmɔsi, gale 'da mɔ a hã ma hã mɔ ni boe. Ma wia tɛ mɛ 'bɔ na, lɛ kpa nùi 'da lɛ kɛ NWA Gale 'da lɛ a hã ma hã lɛ ni.

Owi kpe dati 13:1

Oisraɛlɛ wa dɛa zi 'bɔ mɔ kɛ ma dè tɛ NWA gɔ ni. Gulu nɛ a NWA 'dɔlɔ wa hã Ofilisti, nɛ wa ɔa ti mbula 'da wa 'do sabɛlɛ 'bu nɛ nalɛ.

Owi kpe dati 16:23

Mbe tũ kpo, nɛ onwa Filisti wa dɛa gbali mɔ, nɛ wa mba ngba wa we dɛ yangga, nɛ wa hã 'bɔ do dɔnggamɔ hã gale 'da wa Dagoni, we kɛ wa nɛa ngɔ Samsoni ni. Nɛ wa ga zuma na: “Gale 'da lɛ a 'dɔlɔ wi sɛnɛ lɛ, Samsoni hã lɛ ia.”

Owi kpe dati 3:7

Obe Israɛlɛ wa dɛa zi mɔ kɛ ma dè tɛ NWA Gale 'da wa gɔ ni. Ta zu wa ele ngɔ Gale 'da wa, nɛ wa dɔnggɔ ogale Bala do Asera.

Owi kpe dati 4:1

Ehudɛ fia, nɛ obe Israɛlɛ wa dɛa 'bɔ mɔ kɛ ma dè tɛ NWA gɔ ni.

Owi kpe dati 6:1

Obe Israɛlɛ wa dɛa zi 'bɔ mɔ kɛ ma dè tɛ NWA gɔ ni. Gulu nɛ hã a la wa dɛ kɔ̃ Omadianɛ na, wa e mbula ngɔ wa 'do sabɛlɛ sambo.

Owi kpe dati 8:33

'Do kɛ Zedeoni fia ni, nɛ obe Israɛlɛ wa ma ngɔ dɔnggɔ ogale Bala. Nɛ wa ba zi Bala-Bɛritɛ ɔ nɛ gale 'da wa,

1 SAMUƐLƐ 5:2

Wa nɛa we hɔ do ma tɛ Asdɔdɛ 'di, nɛ wa e ma kɔ tɔa 'da gale 'da wa, kɛ wa sa li a na Dagoni ni. Wa ia Sanduki dɔ̃ɔ do kpikima Dagoni.