A zi do obulu be 'bu wa talɛ. Nɛ obenɔ ni wa zi a ogã wi ngɔ nù Galadɛ, nɛ wa zi vɛ̃ do pundanɔ 'da wa we kũ ngɔ wa boe. Wa 'bana tɛ sa li falanɔ ni gbaa tia do sɔɛ gɛ na lenɔ 'da Yairɛ.
Obe Israɛlɛ wa dɛa zi 'bɔ mɔ kɛ ma dè tɛ NWA Gale gɔ ni. Wa dɔnggɔ ogale Bala do Astarte. Nɛ wa dɔnggɔ 'bɔ ogalenɔ 'da Osiri, Osidoni, Omoabɛ, Oamoni do Ofilisti. Obe Israɛlɛ wa siki zi 'do wa, nɛ wa lo do nwa, nɛ wa bɛ̃a we dɔnggɔ a.
Nɛ yolo dɛ di ni, nɛ owinɔ ni wa ma ngɔ bi obe Israɛlɛ kɛ wa ɔ tɛ Galadɛ, kɛ ma ngɔ nùi 'da Oamori tɛ kulu lì Yɔrdanɛ do si 'biti gba wese ni. Nɛ wa zɛlɛ tɛ wa gbaa 'do sabɛlɛ 'bu ngɔ nɛ ngbɛ'dɛ'dɛ.
