Owi kpe dati 10:16 - WE NU GALE 1995

¹⁶ Nɛ 'do ki ni, nɛ wa la fala dɔnggɔ ogele galenɔ ni, nɛ wa hã tɛ wa we dɔnggɔ NWA. Nɛ NWA zɔa na mɛ ni, nɛ a wè zi 'bɔ tɛ kunu sila a ngɔ 'bakoe kɛ wa kpa ma ni gbaa gɔ.

Owi kpe dati 10:16 Iomraidhean Croise

Ndo Nyanga Dɛ Mɔ 6:6

Nɛ 'bako ba a, nɛ a sa tɛ a we kɛ a dɛa wa, nɛ a ia wa ngɔ nù gɛ ni.

2 Onwanɔ 13:23

Nɛ nde 'do nɛ, nɛ nwa Gale ĩ 'bako hã Oisraɛlɛ. A lingga gba tɔkɛ kɛ a gba zi do Abrahama, Izaka do Yakɔbɔ ni, nɛ a mbɔkɔ wa, nɛ a kɔ̃ zi we kumu wa gɔ. Nɛ ta zu a èlè 'bɔ ngɔ wa gɔ gbaa tia do sɔɛ gɛ.

2 Sakonɔ 15:8

'Da fala kɛ nwa Asa zila we 'da Azaria be 'da Odɛdɛ, kɛ a 'bɔ a wi gba olo nu Gale ni, nɛ a kpa kpã sila, Nɛ a ba nu a, nɛ wa 'danga okpikimanɔ ngɔ nù Yuda do Bɛnzamɛ vɛ̃. Nɛ wa dɛ 'bɔ na mɛ ni tɛ kɔ lenɔ kɛ wa bi zi ma, nɛ wa kala ma tɛ ngɔ okalanɔ tɛ Efraimɛ ni. 'Do nɛ, nɛ a 'dafa gbagala 'da NWA kɛ wa zĩ zi ma dɛ dati Tɛmpɛloe ni dɛ olo nɛ.

2 Sakonɔ 33:15

Nɛ a fo gale bɛlɛnɔ do kpikima kɛ a sɛa zi ma, nɛ a e kɔ tɔa Tɛmpɛlo 'da NWA ni. Nɛ a gbini gbagala 'da ogele galenɔ kɛ a dɛa ma, nɛ a e tɛ ngɔ kala kɛ wa dɛa tɔa Tɛmpɛlo ngɔ nɛ, do kɛ gele falanɔ tɛ Yeruzalɛmɛ ni. Nɛ a da ogbini nɛ vɛ̃ tɛ 'do ngba le.

2 Sakonɔ 7:14

Hã fala kɛ owinɔ 'da mi, kɛ mi ia li mi zu wa ni, wa ba tɛ wa dɛ nù, hã wa bɛ̃ gɛnɛ 'dã mɛnɔ 'da wa vɛ̃, hã wa kɔlɔ do mi, hã wa sambala mi, nɛ mi, kɛ mi dungu li nza i ni, mi gɛ sɛ zala mi we zele wa. Nɛ mi fo sɛ ku'da 'dã mɛnɔ zu wa, nɛ mi dɛ sɛ na, odia mɔ dɛlɛ ngɔ nùi 'da wa dɛ dati.

Zumanɔ 73:21

Fala kɛ linggamɔ zu mi 'danga zi, nɛ sila mi dunu zi do 'bakoe ni,

Ezai 63:9

Wi kpàsà zi wa, wi a anzɛ gɔ, nɛ nde wi kpasa zi wa, wi a NWA do tɛ̃ a ngboo. A ĩ 'bako hã wa, nɛ a yula 'do wa do dia zã 'da a, nɛ a tɛ zɔ mɔ tɛ wa 'da fala fai.

Yeremi 31:20

“Aa nɛ, Oisraɛlɛ, nɛ zélé! Nɛ a obenɔ 'da mi ngɔ sila mi, mi kɔ̃ gɛnɛ nɛ wena. 'Da fala kɛ mi dãlã do nɛ ia, nɛ nde sila mi fé ngɔ nɛ gɔ. Mi ba sila mi vɛ̃ hã nɛ, nɛ mi wè tɛ la fala dɛ 'bako hã nɛ gɔ.

OZE 11:8

“Aa nɛ, obe Israɛlɛ, mi nɛ bɛ̃ gɛnɛ nɛ we ge nde? Mi nɛ la nɛ we ge nde? Mi wè tɛ zɛlɛ tɛ nɛ, nɛ mi kumu nɛ, ɔ nɛ kɛ mi dɛa zi do owi kɔ le Adma do Sɛbɔimɛ ni gɔ. Mi dɛ mɔ na mɛ ni, nɛ ma yɛkɛ sɛ sila mi wena, nɛ ma hã sɛ 'bako hã mi.

OZE 14:8

Owinɔ 'da mi kɛ mi zɔ zi mɔ tɛ wa ni, wa kpolo sɛ tɛ wa dɛ 'da mi. Wa wa sɛ 'bɔ fɔ, nɛ ma ko sɛ kpalɛ wena, nɛ sako li wa ma yɛ'bɛ sɛ, ɔ nɛ sako li dia dɔ̃ ngɔ nù Libanɛ ni.

Mike 7:18

Fo gele gale kpo kɛ a wia kɔ̃ do mɔ NWA ni bina. Fala kɛ mɔ zɔ 'dã mɛnɔ 'da otala winɔ 'da mɔ, kɛ wa 'bana nza ni, nɛ mɔ kunu sila mɔ, nɛ mɔ fo ku'da nɛ zu wa do'do. Zã mɔ nɔ̃́lɔ̃́ fai gɔ, we kɛ mɔ do yangga we be dia sila 'da mɔ hã lɛ.

LUKA 15:20

Nɛ a kulu ngɔ, nɛ a si 'da baa a i. “Kɔ a 'bana ndũu, nɛ baa a zɔ a, nɛ 'bako ba li baa a wena. Nɛ a gɔna dati a do yu, nɛ a kpa a, nɛ a 'be a dɛ tɛ̃ a, nɛ a ufu zala a.

LUKA 19:41

Yezu kɔla do Yeruzalɛmɛ, kɔ a nɛa we zɔ le, nɛ a ma ngɔ he kɔ̃a tɛ nɛ na:

YOANƐ 11:34

nɛ a aka wa na: “Nɛ mi Lazarɛ do nde?” Nɛ wa gese hã a na: “Nwa, mɔ tɛ́, kɔ mɔ zɔ́!”

EFƐZƐ 4:32

Nɛ nɛ dɛ́ de mɔ hã ongba nɛ. Nɛ ɔ́ do dia sila dɛ 'da wa, nɛ nɛ mbɔ́kɔ́ wa ngɔ 'dã mɛ wa dɛa do nɛ ni, ɔ nɛ kɛ Gale mbɔka zi tɛ mɛ 'bɔ nɛ we Kristo ni.

Mbulanɔ 32:36

“Nɛ nde NWA a kpasa sɛ owinɔ 'da a. A lengge sɛ do ngamɛ wa zɔ ni. Fala kɛ a zɔ na, ngawi 'da wa ia do'do, kɔ fo 'bɔ wi gbaka wa bina,

OHEBRE 3:10

We duzu ma, nɛ zã mi nɔ̃lã dɛ tɛ wa, nɛ mi tɔ̃a hã wa na, nɛ a owi vĩ zu iko, nɛ kɔ̃̀ we dɛ mbulanɔ 'da mi gɔ.

OHEBRE 4:15

A a gã nwa nganga, nɛ a wia we dɛ 'bako do lɛ 'da fala kɛ lɛ mbɔkɔ ni, we kɛ Satana ɔlɔ zi a do walanɔ kpi do kpi, ɔ nɛ kɛ a ɔlɔ do lɛ ni, nɛ nde Yezu tè kɔ 'dã mɔ gɔ.

Yozue 24:23

Nɛ Yozue tɔ̃ na: “Ma ɔ ní, nɛ nɛ bɛ gɛnɛ ogele galenɔ kɛ wa 'bana sanga nɛ ni. Nɛ nɛ á sila nɛ vɛ̃ ngɔ NWA Gale 'da lɛ obe Israɛlɛ.”

Owi kpe dati 2:18

'Da fala kɛ NWA tombo wi kpe dati owinɔ 'da a ia, nɛ a yolo 'do a kɔ dungu nza 'da a vɛ̃, nɛ a kpasa Oisraɛlɛ tambala kɔ owi sɛnɛ wa. NWA kpasa obe Israɛlɛ, we duzu kɛ a zɔa ngamɛ kɛ owi sɛnɛ wa wa hã hã wa ni, nɛ a zila hia kɔ̃a 'da wa, nɛ a ĩ 'bako hã wa.

1 SAMUƐLƐ 12:10

Nɛ oyaa nɛ wa ala nu wa hã NWA na, a gala lo. Nɛ wa na: ‘Lɛ dɛa 'dã mɔ dɛ 'da mɔ, we kɛ lɛ bɛ̃a gɛnɛ mɔ. Nɛ lɛ sambala ogale sɛa tenɔ kɛ li wa a Obala, do gale wuke kɛ li a a Astarte. Kɔ mɔ kɔ, nɛ mɔ fo lɛ ti kɔ̃ owi sɛnɛ lɛ, nɛ lɛ dɔnggɔ sɛ mɔ.’

1 SAMUƐLƐ 7:3

Samuɛlɛ nɛa we zɔ ni, nɛ a tɔ̃ hã wa na: “Fala kɛ nɛ kɔ̃ ngboo we kpolo tɛ nɛ dɛ 'da NWA, nɛ nɛ lá fala dɔnggɔ okpikimanɔ, do ogele ogalenɔ. Nɛ nɛ hã́ tɛ nɛ hã NWA. Nɛ dɛ́ to tati nɛ hã a zu a kpo. Nɛ dɛ ni, nɛ a fo sɛ nɛ ti mbula 'da Ofilisti.”

1 SAMUƐLƐ 7:4

Obe Israɛlɛ wa nɛa we zele ni, nɛ wa bɛ̃a gɛnɛ okpikima gale Bala, do kɛnɔ 'da gale wuke li a a Astarte ni. Nɛ wa dɔnggɔ tati a NWA zu a kpo.