Owi kpe dati 10:13 - WE NU GALE 1995

¹³ Nɛ nde nɛ bɛ̃a gɛnɛ mi, nɛ nɛ dɔnggɔ ogele galenɔ. Gulu nɛ a mi bɛ̃a na, mi fó sɛ nɛ 'bɔ mbé nɛ ti kɔ̃ Owi sɛnɛ nɛ gɔ.

Owi kpe dati 10:13 Iomraidhean Croise

Yeremi 2:13

We kɛ nɛ owinɔ 'da mi, nɛ dɛa 'dã mɔ bɔa: Nɛ siki 'do nɛ hã mi, kɛ mi ɔ nɛ zu lì nɛ kpasa we nɛ ni, nɛ nɛ zã okɔ̃ lì, nɛ nde mɛ a okɔ̃ lì kɛ lì yóló kɔ nɛ gɔ.”

1 Sakonɔ 28:9

Nɛ 'do ki ni, nɛ a tɔ̃ hã Salɔmɔ na: “Salɔmɔ be 'daa, ma wia na, mɔ ĩ ti Gale kɛ mi dɛa toe hã a ni. Nɛ mɔ dɔnggɔ a do sila mɔ kpo, do hi wi 'da mɔ vɛ̃. Mba gɔ, NWA zɔ mɔ gbaa kɔ sila wele, nɛ a ĩ ti linggamɔ zã wele. Mɔ fa a, nɛ mɔ kpa sɛ a. Kɔ mɔ bɛ̃ gɛnɛ a, nɛ a da sɛ kɔ̃ a tɛ mɔ fai.

Owi kpe dati 2:12

Wa bɛ̃a gɛnɛ NWA Gale 'da oyaa wa, kɛ a fua zi wa kɔ ngbá ngɔ nù Ezipeto i ni, nɛ wa gu nù ti gele galenɔ 'da winɔ kɛ zã wa ni, nɛ wa dɔnggɔ wa, nɛ ma nɔ̃lɔ̃ zã nwa dɛ tɛ wa.

YONASI 2:8

'Da fala fio tɛa we mi, nɛ mi lingga do mɔ NWA, nɛ sambala 'da mi ma hɔa 'da mɔ, tɛ Tɛmpɛlo santoe mɔ ɔ nɛ ni.

Mbulanɔ 32:15

“Kɔ wa nɛa we kpa mɔ wena do'do, nɛ ma nganda zu wa. Zã wa hɛ̃a gbaa do nu sila wa vɛ̃, nɛ wa bɛ̃a gɛnɛ Gale, kɛ a dɛa wa ni. Wa bɛ̃a gɛnɛ gã wi kele zu wa, kɛ a kpasa wa ni.

Owi kpe dati 10:14

Kɔ nɛ nɛ́, hã nɛ sa mɔ hã ogalenɔ kɛ nɛ saka wa ni, kɔ wa tɛ we gala nɛ. Ma wia na, wa a wa fo nɛ kɔ 'bakoe 'da nɛ.”

Owi kpe dati 2:19

'Da fala kɛ wi kpe dati obe Israɛlɛ fe, nɛ wa kpolo tɛ wa vɛ̃ dɛ ngɔ ã 'dã dɛa mɔ tɛ wa, nɛ wa dɛ 'bɔ 'danga nɛ ngɔ kɛ 'da oyaa wa zi ni. Nɛ wa ndo dɔnggɔ gele galenɔ do gu nù ti wa. Wa kɔ̃̀ zi we la fala 'dã mɛnɔ do nga zu 'da wa gɔ.

2 Sakonɔ 12:5

Nɛ Sɛmaya, wi gba olo nu Gale nɛa, nɛ a kpa Roboamɛ do ogã winɔ ngɔ nù Yuda, kɛ wa mba ngba wa tɛ Yeruzalɛmɛ ni. Nɛ do ngba soe ni, nɛ nde nwa Sisakɛ zi dɔ̃ɔ dɛ di ni. Nɛ Sɛmaya tɔ̃ hã wa na: “Nɛ zélé we NWA Gale tɔ̃a gɛ! A na: ‘Nɛ bɛ̃a gɛnɛ mi, nɛ mi, mi bɛ̃a tɛ mɛ 'bɔ gɛnɛ nɛ, nɛ mi a nɛ ti mbula 'da Sisakɛ.’ ”

2 Sakonɔ 15:2

nɛ a kulu ngɔ, nɛ a nɛ, nɛ a kpa Asa, nɛ a tɔ̃ hã a na: “Aa nwa, mɔ zélé mi! Nɛ nɛ Oyuda, do Obɛnzamɛ vɛ̃, nɛ zélé 'bɔ mi! NWA sɛ fala nɛ kpo do nɛ, 'da fala kɛ nɛ fala nɛ kpo do a ni. Fala kɛ nɛ fa a, nɛ a be sɛ tɛ̃ a hã nɛ. Kɔ fala kɛ nɛ bɛ̃ gɛnɛ a, nɛ a bɛ̃ sɛ tɛ mɛ 'bɔ gɛnɛ nɛ.

2 Sakonɔ 21:10

Ndo do ngba soe ni, Oedɔmɛ wa 'bànà zi 'bɔ ti mbula 'da Oyuda gɔ. Nɛ do kpo 'da fala ni, nɛ owi Libna wa dɛa 'bɔ nga zu, nɛ wa bɛ̃ we ɔ ti mbula 'da Yoramɛ, we kɛ a la fala dɛ mbula 'da NWA Gale 'da oyaa a do'do.

Yeremi 2:19

Nɛ kpa sɛ etumbu olo 'dã mɛ 'da nɛ, nɛ tɛ nɛ ma zɛlɛ sɛ olo kɛ nɛ siki 'do nɛ hã mi ni. Na mɛ ni, nɛ nɛ ĩ sɛ na, bɛ̃ gɛnɛ NWA Gale 'da nɛ, mɛ a 'dã mɔ, kɛ ma fanga ɔ nɛ sambe ni. Mi NWA Gale ngɔ mɔ nyanga nza vɛ̃, mi tɔ̃a ni.”