Owi kpe dati 10:10 - WE NU GALE 1995

¹⁰ Wa nɛa we zɔ ní, nɛ wa ala nu wa hã NWA na, a gala lo. Nɛ wa tɔ̃ hã a na: “Aa NWA, lɛ dɛa 'dã mɔ dɛ 'da mɔ, nɛ lɛ bɛ̃a gɛnɛ mɔ, kɛ mɔ a Gale 'da lɛ ni, nɛ lɛ dɔnggɔ ogale Bala.”

Owi kpe dati 10:10 Iomraidhean Croise

Zumanɔ 107:13

Nɛ dɛ kɔ ngamɛ ni, wa sa mɔ hã NWA, nɛ NWA fua wa kɔ 'bako.

Zumanɔ 107:19

Nɛ dɛ kɔ ngamɛ ni, wa sa mɔ hã NWA, nɛ NWA fua wa kɔ 'bako.

Zumanɔ 107:28

Nɛ dɛ kɔ ngamɛ ni, wa sa mɔ hã NWA, nɛ NWA fua wa kɔ 'bako.

Yeremi 2:27

Nɛ tɔ̃ hã sɛa te na: ‘Mɔ a baa lɛ,’ nɛ nɛ tɔ̃ hã kpikima ta na: ‘Mɔ a mɔ kua lɛ!’ Nɛ la ka mɔ dɛ 'da mi nga do'do, nɛ nɛ siki 'do nɛ hã mi. Kɔ fala kɛ nɛ kpa ngamɔ, sɛ nɛ nɛ sa mɔ hã mi na, mi nɛ we kpasa nɛ de!

Owi kpe dati 10:9

Oamoni wa kũ 'bɔ lì Yɔrdanɛ we bi nu kpala Yuda, do Bɛnzamɛ, do Efraimɛ. Nɛ obe Israɛlɛ wa kpa zi 'bako wena.

Owi kpe dati 3:9

Obe Israɛlɛ wa zɔa ní, nɛ wa ala nu wa hã nwa na, a gala lo. Nɛ nwa tumba wele kpo, li a a Otniɛlɛ, be 'da Kɛnazɛ, hɔ dɛ 'do Kalɛbɛ na, a fo wa ti kɔ̃ nwa Kusanɛ-Risataimɛ.

Owi kpe dati 4:3

Yabinɛ zi do ongilingili mɔ bolo kama kusi. Nɛ a zɛlɛ zi tɛ obe Israɛlɛ wena gbaa 'do 'bu sabɛlɛ bɔa. Nɛ obe Israɛlɛ wa zɔa ní, nɛ wa ala nu wa hã NWA na, a gala lo.

Owi kpe dati 6:6

We duzu ki ni, ngawi 'da obe Israɛlɛ ma ia zi vɛ̃ balia Omadianɛ, nɛ wa ala nu wa hã NWA Gale na a gala lo.

1 SAMUƐLƐ 12:10

Nɛ oyaa nɛ wa ala nu wa hã NWA na, a gala lo. Nɛ wa na: ‘Lɛ dɛa 'dã mɔ dɛ 'da mɔ, we kɛ lɛ bɛ̃a gɛnɛ mɔ. Nɛ lɛ sambala ogale sɛa tenɔ kɛ li wa a Obala, do gale wuke kɛ li a a Astarte. Kɔ mɔ kɔ, nɛ mɔ fo lɛ ti kɔ̃ owi sɛnɛ lɛ, nɛ lɛ dɔnggɔ sɛ mɔ.’

1 SAMUƐLƐ 7:6

Obe Israɛlɛ wa mba li ngba wa vɛ̃ tɛ kɔ le Mispa. Wa sua lì, nɛ wa a ma nù dati NWA we be na, wa hã tɛ wa hã a. Do kɔ̃ tũi ni, nɛ wa bɛ̃a 'bɔ nyɔngɔmɔ we dɔnggɔ Gale. Nɛ do ndɔti nɛ vɛ̃, nɛ wa gbala tɛ wa na: “Lɛ dɛa 'dã mɔ dɛ 'da NWA.” Nɛ Samuɛlɛ hɔa wi zɔ mɔ tɛ obe Israɛlɛ dɛ Mispa ni.