Owi kpe dati 1:7 - WE NU GALE 1995

⁷ Adoni-Bezɛkɛ zɔa na mɛ ni, nɛ a he mɔ na: “Owinɔ 'da mi wa kala zi onwa 'bu wa sambo, nɛ wa 'bili gba 'biti zu kɔ wa, do gba 'biti zu nyanga wa. Nɛ Onwanɔ ni wa dɔlɔ zi be 'bulu nyɔngɔmɛnɔ kɛ ma te dɛ ti mɛsa 'da mi ni, nɛ wa nyɔngɔ. Kɔ Gale si olo 'dã mɛ kɛ mi dɛa zi ni hã mi.” Nɛ Oyuda wa la do a dɛ Yeruzalɛmɛ, nɛ a fe dɛ i mɔ.

Owi kpe dati 1:7 Iomraidhean Croise

1 Onwanɔ 21:19

Mɔ hɔ i mɔ, nɛ mɔ tɔ̃ hã a na, mi NWA, mi tɔ̃a na, a gbɛa wele do'do, nɛ a dolo 'bɔ zu mɔ olo a nde? Nɛ nde a ĩ na, otolo wa la'da sɛ tɛ mɛ 'bɔ tɔkɔ tɛ̃ a dɛ kpo fala wa la'da do kɛ 'da Nabɔtɛ ni.”

Kulu Tɔa 29:20

nɛ mɔ 'bili gɛlɛ a, nɛ mɔ kpɔ tɔkɔ nɛ, nɛ mɔ kɔ tɛ zala Aroni do obulu benɔ 'da a si ngawili kɔ. Nɛ mɔ kɔ sɛ 'bɔ tɔkɛ ni tɛ gba 'biti zu kɔ wa, do tɛ gba 'biti zu nyanga wa kɛ ngɔ ngawili kɔ. 'Do nɛ, nɛ mɔ kpã tala tɔkɛ ni tɛ 'bolo zã gbagala do nalɛ nɛ.

Ezai 33:1

Aa nɛ, owi sɛnɛ lɛ, nɛ kpa sɛ 'bako. Nɛ 'danga mɛnɔ 'da owinɔ 'da lɛ vɛ̃, nɛ nde wele 'dàngà mbe mɔ mɔ nɛ ɔ ni fala kpo gɔ. Nɛ vũ to tɛ wa, nɛ nde wele vũ̀ mbe kuti to tɛ nɛ gɔ. Kɔ nɛ ĩ́ na, fala kɛ nɛ 'danga mɛnɔ vɛ̃ do'do, nɛ Owele wa 'danga sɛ tɛ mɛ 'bɔ mɛnɔ 'da nɛ. Nɛ vũ sɛ to tɛ wa gbaa, nɛ do ndɔti nɛ, Owele wa vũ sɛ tɛ mɛ 'bɔ to tɛ nɛ.

SOFONI 3:19

Do 'da fala ni, mi hã sɛ etumbu hã owinɔ kɛ wa hã zi ngamɛ hã nɛ ni. Mi kpasa sɛ onya nɛ kɛ tɛ wa zɛ zɛla ni, nɛ mi kala sɛ wanɔ kɛ wa 'bana nza kɔlɔ 'duli ni si do wa. Mi hã sɛ dɔ̃lɔ̃ li hã nɛ olo sape kɛ ma ba zi li nɛ falanɔ vɛ̃ ni.

ROMA 2:15

Dɛa mɔ tɛ wa be na, Gale kɔmɔ mbula 'da ɛ dɛ kɔ sila wa. Nɛ linggamɛ 'da wa be 'bɔ na, wa ĩ ti mbula ni ĩ. Mba gɔ, fala kɛ wa dɛ 'dã mɔ, nɛ wa ĩ na, lo dɛa 'dã mɔ, hã fala kɛ wa dɛ de mɔ, nɛ wa ĩ 'bɔ we nɛ.

ZAKE 2:13

Wi kɛ a ĩ́ 'bako hã ngba a gɔ, kɔ Gale nɛ 'bili we 'da a, nɛ a ĩ́ sɛ tɛ mɛ 'bɔ 'bako hã a gɔ. Nɛ nde wi kɛ a ĩ 'bako hã ngba a, nɛ Gale a ĩ sɛ tɛ mɛ 'bɔ 'bako hã a, nɛ a té sɛ li ngbangga gɔ.

USU MƐNƆ 13:10

Wi kɛ ma we na, a la kɔlɔ 'duli, nɛ a la sɛ. Nɛ wi kɛ ma we na, wa gbɛ a do du kɔya, nɛ wa gbɛ sɛ a do du kɔya. Kɔ we duzu ki ni, ma wia na, owinɔ 'da Gale wa kunu sila wa, nɛ wa 'bana do kɔ̃a we dɛ 'da Gale.”

USU MƐNƆ 16:6

Mba gɔ, owinɔ ni, wa a zi tɔkɔ tɛ winɔ 'da mɔ, do owi gba olo nu mɔ nù. Kɔ ngangga ni, mɔ hã tɛ mɛ 'bɔ tɔkɔ hã wa na, wa nɔ, nɛ ma wia olo li 'dã mɛnɔ 'da wa.”

Owi kpe dati 1:6

nɛ a yu, nɛ wa ndaka 'do a gbaa, nɛ wa ba a, nɛ wa 'bili ogba 'biti zu kɔ̃ a, do ogba 'biti zu nyanga a do'do.

Owi kpe dati 9:24

Na mɛ ni, wa vɛ̃ wa kpa si olo 'dã mɛ 'da wa: Abimelɛkɛ, kpa si olo kɛ a gbɛa onya a, benɔ 'da Zedeoni 'bu wa sambo ni. Nɛ owi Sikɛmɛ, wa kpa si olo kɛ wa kɔ̃a zi gɛnɛ 'dã mɛ Abimelɛkɛ dɛa, nɛ wa yolo 'do a tɛ 'da fala gbɛ onya a ni.

Owi kpe dati 9:57

Nɛ Gale hã zi 'bɔ etumbu hã owi Sikɛmɛ, we duzu 'dã mɛnɔ vɛ̃ wa dɛa ni. Na mɛ ni, ofɔmbanɔ kɛ Yotamɛ fɔmba zi do wa ni, ma dɛa tɛ̃ ɛ.

1 SAMUƐLƐ 15:33

Nɛ nde Samuɛlɛ tɔ̃a hã a na: “Ɔ nɛ kɛ du kɔya bole 'da mɔ ma dɛa na, onaa be wa dungu sã olo benɔ 'da wa ni, naa mɔ a dungu sɛ tɛ mɛ 'bɔ sã olo mɔ.” Samuɛlɛ tɔ́a hã Agagɛ ni do'do, nɛ a 'bili gɛlɛ a dɛ dati Tɔa Tande 'da Gale tɛ kɔ le Gilgalɛ ni.