Owi kpe dati 1:23 - WE NU GALE 1995

²³ kɛ li nɛ 'bɔ a Luzɛ ni. Dati nɛ mɔ wa, nɛ wa tumba Owi miã na wa nɛ, hã wa zɔ le.

Owi kpe dati 1:23 Iomraidhean Croise

Ndo Nyanga Dɛ Mɔ 28:19

A ia li fala ni na Betɛlɛ, gulu nɛ na: “Tɔa 'da Gale.” Nɛ nde wa sa zi li fala ni dati na Luzɛ.

Ndo Nyanga Dɛ Mɔ 35:6

Nɛ Yakɔbɔ fala nɛ kpo do owinɔ 'da a ni vɛ̃, wa la dɛ kɔ le Luzɛ, kɛ wa sa mbe 'bɔ li nɛ na Betɛlɛ ni. Le ni a ngɔ nù Kanana.

Ndo Nyanga Dɛ Mɔ 48:3

Yozɛfu hɔa, nɛ Yakɔbɔ tɔ̃ hã a na: “Gale kɛ a do nganda vɛ̃, a bia zi tɛ̃ a hã mi tɛ kɔ le Luzɛ, tɛ ngɔ nù Kanana, nɛ a wila nu a tɛ mi,

Yozue 16:1

Nùi kɛ obe zã Yozɛfu wa kpa zi ni, li ngbala nɛ do si ba gɔtɔ ndua zi dɔ̃ɔ do zu lì Yeriko, do si 'biti gba wese, dɔ̃ɔ do lì Yɔrdanɛ. Nɛ yolo tɛ le Yeriko ni, lì ngbala nùi kù li gba zɔ̃ɛ, nɛ ma la do ngɔ kalanɔ, gbaa we hɔ tɛ le Betɛlɛ.

Yozue 16:2

Yolo tɛ le Betɛlɛ, nɛ ma la si tɛ le Luzɛ, nɛ ma la 'bɔ si tɛ le Atarɔtɛ kɛ Oarkɛ wa ɔ zi tɛ nɛ.

Yozue 18:13

Yolo di ni, nɛ li ngbala la do tɛ Luzɛ kɛ wa sa 'bɔ li nɛ na Betɛlɛ, si ba gɔtɔ. Nɛ ma zĩlĩ dɛ Atrɔtɛ-Adarɛ do ngɔ kala, kɛ ma dɔ̃ɔ do Bɛtɛ-Horoni, tɛ ti nyanga kala, si ba gɔtɔ.

Yozue 2:1

Obe Israɛlɛ wa 'bana zi tɛ fala ɔi tɛ Sitimɛ, nɛ Yozue tumba owi miã bɔa ngɔ nù Kanana, we zɔ gã le Yeriko do lenɔ kɛ zã nɛ ni. Wa hɔa 'di mɔ, nɛ wa le kɔ tɔa 'da mbe wuko ndumba kpo, li a a Rahabɛ, nɛ wa ɔ dɛ di ni.

Yozue 7:2

Wa 'bana tɛ Yeriko, nɛ Yozue tombo owi miã bɔa na, wa nɛ, hã wa zɔ le Ai, do lenɔ kɛ zã nɛ ni. Ai ma dɔ̃ɔ do Betɛlɛ, tɛ si 'biti gba wese. Ma nyɛ̀lɛ̀ do le Bɛtɛ-Avɛnɛ gɔ. Nɛ owinɔ wa nɛa nɛ́ kɛ Yozue tɔ́a ni. Nɛ wa si,

Owi kpe dati 1:22

Obe zã Efraimɛ do Manase, benɔ 'da Yozɛfu, wa nɛa zi 'bɔ bole, nɛ NWA fala nɛ kpo do wa, nɛ wa nɛa we bi le Betɛlɛ,

Owi kpe dati 18:2

Gulu nɛ hã wa saka zi osɔ̃a tɛ wele mɔlɔ sanga wa. Nɛ wa kpa wa kɔ le Sora do Ɛsɛtaɔlɛ. Nɛ wa ba nu wa hã wa na, wa yɛnggɛ we fa dia nù. Nɛ wa la, nɛ wa hɔ ngɔ kalanɔ tɛ Efraimɛ, nɛ wa yolo nù dɔ̃ɔ do tɔa 'da Mika, nɛ wa dungu nù we kpe tɛ wa.