Owi kpe dati 1:2 - WE NU GALE 1995

² Nɛ nwa gese na: “Wi sɛ a nu kpala Yuda, mi hã nùi ni hã wa do mɔ́ wa.”

Owi kpe dati 1:2 Iomraidhean Croise

Tɔlɔ Mɔ 2:3

Nu kpala Yuda do ongba a, wa zĩ sɛ bɛndɛlɛ 'da wa si 'biti gba wese. Onu kpala be Israɛlɛ do ngɔ gili sodanɔ do nwa ngɔ wa, kɛ wa dɛ sɛ fala ɔi 'da wa ti bɛndɛlɛ ni, wa kɛ: Nu kpala Li nwa ngɔ sodanɔ Yuda Nasoni, be 'da Aminadabɛ 74.600 Isakarɛ Nɛtaneɛlɛ, be 'da Suarɛ 54.400 Zabuloni Eliabɛ, be 'da Heloni 57.400

Tɔlɔ Mɔ 7:12

Wa tɛa tũ kpo kpo dɛ 'do ngba wa na mɛ gɛ: Nu kpala Li kpasa wi 1 Yuda Nasoni, be 'da Aminadabɛ 2 Isakarɛ Nɛtaneɛlɛ, be 'da Suarɛ 3 Zabuloni Eliabɛ, be 'da Heloni 4 Rubɛnɛ Elisurɛ, be 'da Sɛdeurɛ 5 Simeoni Sɛlumiɛlɛ, be 'da Surisadai 6 Gadɛ Eliasafɛ, be 'da Deuɛlɛ 7 Efraimɛ Elisama, be 'da Amihudɛ 8 Manase Gamliɛlɛ, be 'da Pɛdasurɛ 9 Bɛnzamɛ Abidanɛ, be 'da Gidoni 10 Danɛ Ahiezɛrɛ, be 'da Amisadai 11 Asɛrɛ Pagiɛlɛ, be 'da Okranɛ 12 Nɛftali Ahira, be 'da Enanɛ Mɛnɔ kɛ wele do wele 'dɔlɔ zi hã nwa ni ma kɛ: kpangbala sani kɛ wa dɛa do fɛ̃a mɔ bolo, nɛ dĩ nɛ gramɛ koto kpo do kama talɛ, bakulu dĩ nɛ gramɛ kama sambo. (Wa wia dĩ mɛnɔ ni do mɔ we do dĩ mɛnɔ kɔ tɔa Tande.) Saninɔ bɔa ni, ma dunu do fũ kɛ wa zanga do nɔ we hã do dɔnggamɔ. Wa hã 'bɔ kɔpɔ mɔ mbali dĩ nɛ gramɛ kama kpo, nɛ ma dunu do fũ yɔmbɔ we dɔ dɔa. Nɛ wa hã 'bɔ wili ngɔmbɔ kpo, do wili bata kpo, do be bata kɛ a dɛa sabɛlɛ kpo, takɔ wa dɔ wa we dɔnggɔ do Gale. Wa hã 'bɔ wili dua kpo, takɔ wa gbɛ a we si olo ku'da 'dã mɔ. Nɛ wa tɛ 'bɔ do ngɔmbɔ bɔa, wili bata mɔlɔ, wili dua mɔlɔ, do be bata mɔlɔ kɛ wa dɛa sabɛlɛ kpo ni, takɔ wa gbɛ wa we hã do dɔnggamɔ kɛ ma be dɛa na.

OHEBRE 7:14

Winɔ vɛ̃ wa ĩ na, a a wi nu kpala Yuda. Nɛ 'da fala kɛ Mɔizɛ tɔ̃ zɛ́ we dɛa to nganga ni, a sà zi li nu kpala Yuda tɛ nɛ gɔ.

Yozue 2:24

Wa na: “Do gbãlã we, nwa 'dɔlɔ nùi vɛ̃ hã lɛ. Winɔ i mɔ ni vɛ̃ wa do kili, nɛ fo wi kpãlã sila ɛ we yolo ti lɛ bina.”

USU MƐNƆ 5:5

Nɛ mbe sanga kpasa winɔ ni tɔ̃ hã mi na: “Mɔ tɛ hè gɔ. Mɔ zɔ́, wi kɛ wa sa li a na: “Gbɔgbɔ kɔ nu kpala Yuda”, nɛ wa kua a kɔ nu fɛlɛ nwa Davidi ni, a nɛa ngɔ owi sɛnɛ a vɛ̃, nɛ a wia we ɛlɛ ndakanɔ sambo nu 'buki gɛ, nɛ a hũi li nɛ.”

Owi kpe dati 1:3

Nu kpala Yuda wa nɛa we zele ni, nɛ wa tɔ̃ hã obe zã Simeoni, nya Yuda na: “Nɛ tɛ́, hã nɛ mba do lɛ, takɔ lɛ bi Okanana, kɔ lɛ ba nùi kɛ NWA hã ma hã lɛ do mɔ́ lɛ ni. Nɛ 'do nɛ, nɛ lɛ mba sɛ tɛ mɛ 'bɔ do nɛ, nɛ lɛ nɛ we ba nùi kɛ nwa hã ma hã nɛ do mɔ́ nɛ ni.” Nɛ obe zã Simeoni wa kɔa, nɛ wa mba do wa,

Owi kpe dati 20:18

Obe Israɛlɛ wa nɛa Betɛlɛ i, nɛ wa aka Gale na, a sa li nu kpala kɛ a nɛ sɛ dati we bi do Obɛnzamɛ ni hã lo. Nɛ NWA bia kɔ̃ ɛ tɛ nu kpala Yuda.