Owi kpe dati 1:18 - WE NU GALE 1995

¹⁸ Dɛ 'do ki ni, nɛ Oyuda wa ba le Gaza, do Askaloni, do Ekroni do lenɔ kɛ zã nɛ ni.

Owi kpe dati 1:18 Iomraidhean Croise

Kulu Tɔa 23:31

Mi dɛ sɛ ni gbaa, nɛ nùi 'da nɛ ma yolo sɛ tɛ gba lì Sala Tɔ̃, nɛ ma Sɔkpɔ ɛ gba lì Meditɛrane, nɛ ma yolo sɛ bɔ tɛ li gba zɔ́ Sinai, nɛ ma Sɔkpɔ tɛ lì Efratɛ. We kɛ mi 'dɔlɔ sɛ owinɔ ngɔ nùnɔ ni hã nɛ na, nɛ ndaka wa.

Yeremi 47:5

Owi kɔ le Gaza wa kɛlɛ zu wa, nɛ wa dungu gɛla. Nɛ ngɔ tɛ owi kɔ le Askaloni gɛ̃a kpi kpi kpi. Aa nɛ, otala be zã Anakɛ, nɛ 'bana sɛ 'bili tɛ nɛ, nɛ nɛ dɛ 'bako gbaa soe ki nge nde?

Mbulanɔ 2:23

Nɛ Oavi, wa ɔ zi ngɔ nùnɔ nu kolo gba lì Meditɛrane. Nɛ Owele wa yula tɛ ngolo lì Krɛtɛ, nɛ wa ndaka Oavi, nɛ wa ba nùi olo wa ni, gbaa we hɔ tɛ Gaza.)

Yozue 11:22

Nɛ Anakɛ kpo 'bànà ngɔ nù Yuda do Israɛlɛ gɔ. Be tala wa 'bana zi tati nɛ dɛ kɔ le Gaza, Gatɛ do Asdɔdɛ iko.

Yozue 15:11

Nɛ li ngbala nɛ la dɛ ngɔ kala si gbãlã ngɔ tɛ le Ekroni, nɛ ma la si tɛ le Sikroni, nɛ ma la do kɛ zã kala Baala, we hɔ tɛ le Yabne. Nɛ ma Sɔkpɔ do gba lì Meditɛrane.

Owi kpe dati 14:19

Nɛ Hi Wi 'da NWA lia kɔ Samsoni. Nɛ a la dɛ Askaloni, nɛ a gbɛ Owi wili 'bu wa talɛ. Nɛ a kala tulunɔ 'da wa, nɛ a hã ma hã owinɔ wa tɔ̃a gulu toe ni. Nɛ zã a nɔ̃lɔ̃ wena, nɛ a kulu ngɔ, nɛ a si dɛ nu tɔa 'da baa a i.

Owi kpe dati 16:21

Nɛ Ofilisti wa ba Samsoni, nɛ wa o li a bɔa nɛ, nɛ wa la do a dɛ kɔ le Gaza i, nɛ wa ɛnzɛ a do fɛlɛ dɔkpɔ kɛ wa dɛa ma do tũ mɔ bolo ni. Nɛ wa fi a bɔlɔkɔ hé ngbá ni, nɛ wa e a do wi Sɔkpɔ gbãlã ble.

Owi kpe dati 3:3

Owinɔ kɛ NWA la zi wa dɛ ngɔ nùi ni, wa zi dati a Owi kɔ lenɔ mɔlɔ tɛ ngɔ nù Filisti. 'Do nɛ 'bɔ a Okanana vɛ̃, do Osidoni, do Ohivi kɛ wa dɛa lenɔ 'da wa ngɔ kalanɔ tɛ Libanɛ, ndo do nyanga kala tɛ Bala-Hɛrmoni gbaa we hɔ tɛ le Lɛbo-Hamatɛ.

1 SAMUƐLƐ 6:17

Ofilisti wa si zi olo o'dã mɛnɔ 'da wa hã NWA, do mɔ mbali mɔlɔ, kɛ wa dɛa olo li zɛlɛ yole ni. Wa dɛa zi mɔ mbalinɔ ni kpo kpo do 'da zu lenɔ 'da wa mɔlɔ gɛ: Asdɔdɛ, Gaza, Askaloni, Gatɛ, do Ekroni.