Biblia Todo Logo
Bìoball air-loidhne

- Sanasan -




Owi kpe dati 1:10 - WE NU GALE 1995

10 Nɛ wa nɛ 'bɔ, nɛ wa bi Owi kɔ le Hebroni, kɛ li nɛ 'bɔ a Kiriatɛ-Arba ni. Nɛ wa nɛ ngɔ nu fɛlɛ Sekai do Ahimanɛ do Talmai, kɛ wa ɔ zi kɔ le ni.

Faic an caibideil Dèan lethbhreac




Owi kpe dati 1:10
12 Iomraidhean Croise  

A fia ngɔ nù Kanana tɛ kɔ le Kiriatɛ-Arba, kɛ mbe 'bɔ li nɛ a “Hebroni” ni. Nɛ Abrahama hia kɔ̃a wuke 'da a, nɛ a dɛ mɔ ngɔ fio a.


Nɛ Yakɔbɔ tɔ̃ 'bɔ hã a na: “Mɔ nɛ́ hã mɔ zɔ onya mɔ do onadalamɛnɔ tabi wa vɛ̃ do dia nɛ nde, nɛ mɔ si we tɔ̃ we nɛ hã mi.” Nɛ a ba wala hã a na, a la. Nɛ Yozɛfu yolo tɛ kɔ gbangɔlɔ̃ Hebroni, nɛ a nɛ, nɛ a kɔlɔ dɔ̃ɔ do Sikɛmɛ.


Mi zɔa mɔ dɔ wena ngɔ nù gɛ: Owinɔ kɛ wa do gbɛngɛ tɛ wena ni, wa dɛ sa yu, nɛ nde wa hɔ́ fai dati gɔ. Nɛ owi sɔ̃a gbãlã tɛnɔ wa bi bolo, nɛ nde wa fai a wi nɛ ngɔ ngba wa gɔ. Wi hã zãnɔ wa nyɔ́ngɔ́ mɔ do mbɔkɔ tɛ gɔ, nɛ wi siki gbãlã zãnɔ wa fai a wi kpa mɔ gɔ. Owi ĩ ti mɛnɔ, wa fai a wi kpa dɔlɔ li gɔ. Wele kpo kpo wia we ɔ do 'dã 'dɔkɔlɔ.


Fala kɛ wele kɔ̃ we dɔnggɔ tɛ̃ ɛ, nɛ a dɔnggɔ tɛ̃ a na, ɛ ĩ ti mi NWA, nɛ ɛ ĩ na, kɔ̃a zã 'da mi dɛ 'da winɔ ma yɛ́kɛ́ tɛ̃ ɛ gɔ, nɛ mi kɔ̃a gbãlã we, do bɔlɔ zu dɛa mɔ. Ki ni a mɛnɔ kɛ ma de li mi NWA ni.”


Wa lia ngɔ nùi do li gba zɔ́ Negɛvɛ, nɛ wa hɔ Hebroni, fala onu fɛlɛ Ahimanɛ, Sekai do Talmai wa ɔ do ma ni. Wa a obe zã du wi, li a a Anakɛ. (Wa dɛa zi le Hebroni sabɛlɛ sambo dati kɛ na, wa dɛ le Soanɛ tɛ ngɔ nù Ezipeto ni.)


Lɛ zɔa 'bɔ odu winɔ, kɛ wa a obe zã Anakɛ ni. Kɔ lɛ we tɛ lɛ do wa, nɛ lɛ ɔ nɛ olaka iko ni. Nɛ wa zɔ tɛ mɛ 'bɔ lɛ li wa ɔ nɛ mɛ ni.”


'Do ki ni, nɛ Yozue do obe Israɛlɛ wa kulu ngɔ Egloni, nɛ wa kũ gbaa tɛ Hebroni, nɛ wa bi ma.


Zɛ dati, wa sa zi li Hebroni na Kiriatɛ-Arba, tabi Arba, we kɛ Arba dulu zi nɛa ngɔ tala Oanakɛ vɛ̃. Nɛ obe Israɛlɛ wa kpia tɛ wa olo bolonɔ wa bi zi ni.


Nɛ Yozue ba le Hebroni hã Kalɛbɛ, ɔ nɛ kɛ Mɔizɛ ba zi do nu a ni. Kalɛbɛ nɛa, nɛ a ndaka obe zã Anakɛ, kɛ wa hɔa zi nu fɛlɛ kula talɛ dɛ di ni, nɛ a ba le kɔ̃ wa.


Nɛ 'do nɛ, nɛ wa nɛ, nɛ wa bi Okanana kɛ wa ɔ zi ngɔ kalanɔ, do wanɔ ti nyanga kalanɔ si 'biti gɛ̃a wese, do wanɔ kɔ lenɔ tɛ li gba zɔ̃ Negɛvɛ si ba gɔtɔ ni.


Lean sinn:

Sanasan


Sanasan