Owi kpe dati 1:1 - WE NU GALE 1995

¹ 'Do kɛ Yozue fia ni, nɛ obe Israɛlɛ wa aka nwa na, a saka nu kpala winɔ sanga wa, kɛ wa kulu sɛ ngɔ dati, nɛ wa nɛ we bi Okanana ni.

Owi kpe dati 1:1 Iomraidhean Croise

1 Onwanɔ 22:5

Nɛ nde ma wia na, mɔ aka nwa dati sɛ.”

Kulu Tɔa 18:15

Nɛ Mɔizɛ na: “Owinɔ wa tɛ dati mi, takɔ mi gɔnɔ wenɔ 'da wa ɔ nɛ kɛ Gale kɔ̃a ni.

Kulu Tɔa 28:30

Nɛ mɔ Mɔizɛ, mɔ kala sɛ Urimɛ do Tumimɛ, mɛnɔ kɛ wa aka do mi Gale ni, nɛ mɔ a ma kɔ koe tuli, takɔ Aroni he'de dɛ ngɔ ngu'du a, sɛ nɛ a tɛ dati mi de. Nɛ ma wia na, Aroni dungu do omɛnɔ ni, we aka do mi 'da fala kɛ a kɔ̃ we ĩ ti linggamɔ zu mi dɛ ngɔ obe Israɛlɛ ni.

Tɔlɔ Mɔ 27:21

A dɛ sɛ toe 'da a ti nganga Elazarɛ, kɛ a aka sɛ linggamɛ 'da mi do wala 'da omɛnɔ kɛ ma santo ni. Yozue do obe Israɛlɛ vɛ̃, wa dɛ sɛ mbulanɔ 'da Elazarɛ 'da falanɔ vɛ̃.”

Owi kpe dati 1:27

Obe zã Manase wa wè zi we ndaka winɔ kɛ wa ɔ tɛ Bɛtɛ-Seanɛ, do Tanakɛ do Dɔrɛ ni gɔ. Nɛ wa wè zi 'bɔ we ndaka wanɔ tɛ Ibleamɛ do Megido, fala nɛ kpo do wanɔ kɔ lenɔ kɛ zã nɛ ni gɔ. Nɛ Okanana wa 'bana tɛ ɔ dɛ di ni.

Owi kpe dati 2:21

We duzu ki ni, owinɔ kɛ Yozue fia, nɛ nde a ndàkà wa gɔ ni, mi ndáká sɛ tɛ mɛ 'bɔ wa gɔ.

Owi kpe dati 2:8

Yozue be 'da Nunɛ, kɛ a a wi dɛa toe 'da NWA ni fia. A nɛa we fe nɛ, nɛ nde a zi do sabɛlɛ kama do ngɔ nɛ 'bu.

Owi kpe dati 2:9

Nɛ wa mi a ngɔ nùi kɛ wa ba zi hã a tɛ Timnatɛ-Herɛsɛ, kɛ ma ngɔ kalanɔ tɛ Efraimɛ ni. Mɔ yolo ngɔ kala Gasɛ, nɛ nde Timnatɛ-Herɛsɛ do si gbãlã ngɔ.

Owi kpe dati 20:18

Obe Israɛlɛ wa nɛa Betɛlɛ i, nɛ wa aka Gale na, a sa li nu kpala kɛ a nɛ sɛ dati we bi do Obɛnzamɛ ni hã lo. Nɛ NWA bia kɔ̃ ɛ tɛ nu kpala Yuda.

Owi kpe dati 20:27

Do 'da fala ni, nɛ nde Sanduku Gba Tɔkɛ zi a tɛ Betɛlɛ. Nɛ Pinasi, be yaa Aroni, be 'da Elazarɛ zi a wi zɔ mɔ tɛ nɛ. Obe Israɛlɛ wa aka NWA, we ĩ tabi ma wia na, wa nɛ we bi onya wa Obɛnzamɛ 'bɔ mbé nɛ, tabi wa la wa ni iko nde. Nɛ NWA gese hã wa na: “Nɛ nɛ́! Bindɛ, nɛ mi dɛ sɛ na, nɛ nɛ ngɔ wa.”

1 SAMUƐLƐ 10:22

Nɛ wa aka nwa na: “A tɛa i nga tɛa nde?” Nɛ NWA gese hã wa na: “Nɛ nɛ́, nɛ kpa sɛ a sanga otolenɔ. A usu tɛ a dɛ kɔ nɛ ni.”