Tɔlɔ Mɔ 9:15 - WE NU GALE 1995

¹⁵ Do ngba soe wa zĩ tɔa Tande ia do'do ni, nɛ zɛ̃ we kpia ma tɛ si fala Ta Gba Tɔkɛ do ma ni. Do gɛ̃a wese, nɛ zɛ̃ we ni ma yele ngɔ tɔa Tande ɔ nɛ we ni gbaa we hɔ titole.

Tɔlɔ Mɔ 9:15 Iomraidhean Croise

NEHEMIE 9:12

Do gba wese, mɔ kã zi winɔ 'da mɔ do lɔnggɔ zɛ̃ we, nɛ do tũi, mɔ kpe dati wa do lɔnggɔ nyɛa we, nɛ ma be wala hã wa.

NEHEMIE 9:19

Gɛnɛ kɔ na mɛ ni, nɛ nde kɔ̃a zã 'da mɔ dɛ tɛ 'da wa, gã la li, nɛ tɛ li gba zɔ̃ i, mɔ dà zi kɔ̃ mɔ tɛ wa gɔ. Lɔnggɔ zɛ̃ we, kɛ ma be zi wala hã wa do gba wese ni, ma yù wa gɔ, nɛ lɔnggɔ nyɛa we, kɛ ma be zi wala hã wa do tũi ni, ma bì 'bɔ gɔ.

Zumanɔ 105:39

Nɛ Gale fi zɛ̃ we ngɔ owinɔ 'da a we kele do zu wa, nɛ a dɛ 'bɔ na, nyɛa we yele kɛ zã wa do tũ.

Zumanɔ 78:14

Do gba wese, nɛ a kpe zi dati wa do gba kutu, nɛ do tũi vɛ̃, a kã zi wa do nyɛa we.

Kulu Tɔa 13:21

Do gba wese, nɛ NWA kpia zi dati owinɔ 'da a dɛ kɔ lɔnggɔ zɛ̃ we. Nɛ do tũi, nɛ a kpe dati wa dɛ kɔ lɔnggɔ nyɛa we, takɔ ma yele kɛ zã wa. Na mɛ ni, obe Israɛlɛ wa wia zi tɛ la nɛ do gba wese, tabi do tũ.

Kulu Tɔa 13:22

Nɛ lɔnggɔ zɛ̃ we ni, ma zi dati wa do gba wese pii boe. Nɛ do tũi, mɛ kpe zi dati wa pii a lɔnggɔ nyɛa we.

Kulu Tɔa 14:24

Ma nɛa we hɔ sanga zɛ, nɛ NWA Gale, kɛ a zi dɛ kɔ lɔnggɔ nyɛa we do zɛ̃ we ni zɔ osoda Ezipeto, nɛ a vĩ zu wa.

Kulu Tɔa 40:2

“Do zɛkɛ 'da kpo, kɔ nɛ kpo, nɛ mɔ zĩ sɛ tɔa Tande kpa ngba wi do mi Gale.

Kulu Tɔa 40:34

Mɔizɛ dɛa tɔa Tande ia do'do, nɛ zɛ̃ we kpia ma kpã kpã, nɛ dɔ̃lɔ̃ li 'da NWA dunu kɔ nɛ ngurr,

Kulu Tɔa 40:35

nɛ Mɔizɛ wè zi 'bɔ we le kɔ tɔa Tande 'di gɔ.

Kulu Tɔa 40:38

Do gba wese, nɛ NWA be zi tɛ̃ a hã obe Israɛlɛ do zɛ̃ we kɛ ma kpe tɔa Tande ni, nɛ do tũi, a be tɛ̃ a hã wa kɔ lɔnggɔ nyɛa we kɛ ma yele zi ngɔ ma ni. A dɛa zi do wa ni tɛ li wala gɛnɛ 'da wa vɛ̃.

Ezai 4:5

Nɛ 'do nɛ, nɛ dɔ̃lɔ̃ li 'da NWA ma kele sɛ ngɔ kala Sioni, do ngɔ owinɔ vɛ̃ kɛ wa mba ngba wa i mɔ ni. Do gba wese, nɛ ma be sɛ tɛ̃ ɛ ɔ nɛ lɔnggɔ zɛ̃ we, nɛ do tũi, nɛ ma be tɛ̃ ɛ ɔ nɛ lɔnggɔ nyɛa we. Na mɛ ni, dɔ̃lɔ̃ li 'da a ma kele sɛ zu winɔ vɛ̃.

Tɔlɔ Mɔ 10:34

Do gba wese, nɛ zɛ̃ we 'da NWA ma kã zi wa fai.

Tɔlɔ Mɔ 14:14

Nɛ wa tɔ̃a we nɛ hã owinɔ ngɔ nùi gɛ, nɛ owinɔ ni wa zila na, mɔ nwa hã mɔ kã lɛ owinɔ 'da mɔ, nɛ mɔ be tɛ mɔ hã lɛ, nɛ lɛ zɔ mɔ zɔa. Nɛ wa zila 'bɔ na, mɔ a mɔ fɔmɔ lɛ owinɔ 'da mɔ, we kɛ do gba wese, nɛ mɔ kpe ti lɛ kɔ lɔnggɔ zɛ̃ we, nɛ do tũi, nɛ mɔ la do kɔ lɔnggɔ nyɛa we.

Tɔlɔ Mɔ 17:7

Ĩ na, 'da fala obe Israɛlɛ wa wele do 'dã we hã Mɔizɛ do Aroni ni, nɛ wa ka mɔ si ngɔ tɔa Tande 'da NWA i, nɛ wa zɔ zɛ̃ we gã dɔlɔ li 'da NWA, nɛ nde ma gulu ngɔ tɔa.

1 KORINTƐ 10:1

Onyae, mi kɔ̃a na, ta zu nɛ tɛ èlè ngɔ mɛ kɛ ma dɛa zi oyaa lɛ, 'da fala wa nɛ zi 'do Mɔizɛ ni gɔ. Gale tumba zi gba kutu we fɔmɔ wa vɛ, nɛ wa vɛ wa kũ zi gba lì Sala Tɔ̃ do lɔa tɛ wa.

Mbulanɔ 1:33

Ĩ na, wi la zi dati tɛ li wala gɛnɛ we kpa dia fala ɔi hã nɛ wi a a. Do tũi, nɛ a kpe dati nɛ kɔ lɔnggɔ nyɛa we, nɛ do gba wese, nɛ a kpe dati nɛ kɔ lɔnggɔ zɛ̃ we.”