Tɔlɔ Mɔ 9:12 - WE NU GALE 1995

¹² Nɛ wa é sɛ tala nyɔngɔmɔ kpo ngɔ gɔ. Kɔ wa ma ngɔ nyɔngɔ sa'de, nɛ nde wa ó sɛ gbãlã nɛ gɔ. Wa dungu sɛ ɛngga ni, ɔ nɛ kɛ mbula ngɔ nɛ tɔ̃ ngboo ni.

Tɔlɔ Mɔ 9:12 Iomraidhean Croise

Kulu Tɔa 12:10

Wa é sɛ tala sa'de ni ngɔ gɔ. Fala kɛ tala nɛ ɔ ngɔ, kɔ fala sa do titole, nɛ wa dɔ ma do'do.

Kulu Tɔa 12:43

NWA tɔ̃a 'bɔ hã Mɔizɛ do Aroni na: “Nɛ zélé ombula ngɔ ɛngga Hɔ Nza kɔ Ngbá. Ma wè na, fala ɛngga ni, nɛ gele wi kpo nyɔngɔ mɔ mɔ nɛ gɔ.

Kulu Tɔa 12:46

Ma wia na, wa nyɔngɔ mulu sa'de do kɔ tɔa. Wa tɛ hɔ nɛ nza gɔ, nɛ wa tɛ ò gbãlã nɛ gɔ.

Kulu Tɔa 12:8

Nɛ wa dɔ sɛ mulu sa'de nyɔɔ, hã tũi tũ, nɛ wa nyɔngɔ ma do onwá Sanggo kɛ ma a fã, do mapa kɛ wa à ina hana mapa tɛ nɛ gɔ ni.

Kulu Tɔa 40:38

Do gba wese, nɛ NWA be zi tɛ̃ a hã obe Israɛlɛ do zɛ̃ we kɛ ma kpe tɔa Tande ni, nɛ do tũi, a be tɛ̃ a hã wa kɔ lɔnggɔ nyɛa we kɛ ma yele zi ngɔ ma ni. A dɛa zi do wa ni tɛ li wala gɛnɛ 'da wa vɛ̃.

Tɔlɔ Mɔ 9:3

Wa ndo sɛ dungu ma do kɔ zɛkɛ 'bu ngɔ nɛ nalɛ, zɛkɛ 'da kpo, do 'da fala wese le nù ni, ɔ nɛ kɛ ombula ngɔ nɛ ma tɔ̃a ni.”

YOANƐ 19:36

Mɛ ni la ní, takɔ we wa kɔma kɔ 'Buki 'da Gale na: “Wa gbíní sɛ gbãlã tɛ̃ a kpo gɔ” ni, ma dɛ tɛ̃ ɛ.