Tɔlɔ Mɔ 8:8 - WE NU GALE 1995

⁸ Wa tɛ sɛ do wili ngɔmbɔ kpo, mba do fũ dɔnggamɔ kɛ wa zanga do nɔ ni. Nɛ mɔ ba sɛ 'bɔ mbe gele wili ngɔmbɔ we hã do dɔnggamɔ we si olo ku'da 'dã mɛ 'da wa.

Tɔlɔ Mɔ 8:8 Iomraidhean Croise

Kulu Tɔa 29:1

NWA tɔ̃a hã Mɔizɛ na: “Mɔ zélé tɛlɛ tɛ kɛ mɔ e sɛ Aroni do obulu benɔ 'da a na, wa dɛ to nganga hã mi ni. “Mɔ saka sɛ wili ngɔmbɔ kpo, do owili bata bɔa, kɛ wa do kunda tɛ wa bina ni.

Kulu Tɔa 29:3

Mɔ dɛ nyɔngɔmɛnɔ ni do'do, nɛ mɔ a ma kɔ yele, nɛ mɔ nɛ do ma tɛ tɔa Tande 'di, fala nɛ kpo do wili ngɔmbɛ do owili batanɔ bɔa ni.

Ezai 53:10

Nɛ nwa tɔ̃a na: “Mi a mi kɔ̃a zi na, wi dɛa toe 'da mi kpa ngamɔ, nɛ a fe olo 'dã mɛnɔ 'da ogele winɔ we si olo ku'da nɛ zu wa. Nɛ we duzu kɛ a dɛa na mɛ ni, a ɔ sɛ ngɔ nù gɛ wena, nɛ a sɛ do obe zã a boe. Mɛnɔ kɛ mi 'dafa we dɛ ma ni, a dɛ sɛ ma gbaa we hɔ ndɔti nɛ.

Levitɛnɔ 1:3

Fala kɛ wi ni kɔ̃ we gbɛ ngɔmbɔ takɔ a dɔ we dɔnggɔ do NWA, nɛ ma wia na, a nɛ do wili ngɔmbɔ kɛ fo kunda tɛ̃ a bina ni, dɛ nu tɔa Tande i, takɔ NWA kɔ̃ gɛnɛ a.

Levitɛnɔ 16:3

“Nɛ dati kɛ na, a le tɛ Fala kɛ ma santo wena ni, ma wia na, a tɛ do wili ngɔmbɔ kpo, we hã do dɔnggamɔ fo ku'da 'dã mɔ zu a, do wili bata kpo, takɔ a dɔ a we dɔnggɔ do mi NWA.

Levitɛnɔ 2:1

“Fala kɛ wele kɔ we tɛ do fũ we dɔnggɔ do NWA, nɛ ma wia na, a saka dia kɛ, nɛ a zanga ma do nɔ, nɛ a a fũ yɔmbɔ ngɔ nɛ,

Levitɛnɔ 4:14

'Da fala kɛ wa ĩ fala 'dã mɛ wa dɛa ni, nɛ ma wia na, wa tɛ do wili ngɔmbɔ we dɔnggɔ do NWA, takɔ ma fo ku'da 'dã mɛ zu wa. Wa tɛ sɛ do wili ngɔmbɛ ni dɛ dati tɔa Tande ni.

Levitɛnɔ 4:3

“Fala kɛ gã nwa nganga hã a dɛ 'dã mɔ, nɛ 'dã mɛ 'da a ma te sɛ ngo owinɔ vɛ. Nɛ a tɛ sɛ do wili ngɔmbɔ kɛ fo kunda tɛ̃ a bina ni, nɛ a doɛnggɔ do NWA, takɔ ma fo ku'da 'dã mɛ zu a.

Levitɛnɔ 8:2

“Mɔ sá mɔ hã Aroni do obenɔ 'da a dɛ nu tɔa Tande kpa ngba wi do mi NWA. 'Do nɛ, nɛ mɔ tɛ do mɛnɔ gɛ: tulu santonɔ, nɔ a zu wi, wili ngɔmbɔ we gbɛ do dɔnggamɔ we fo ku'da 'dã mɔ, owili bata bɔa, do yele mapa kɛ wa à ina hana mapa tɛ nɛ gɔ ni.

ROMA 8:3

Mbula kɛ Mɔizɛ kɔma ni, ma wè zi tɛ kpasa wele gɔ, we duzu kɛ winɔ wa zi do ngawi we dɛ ma vɛ̃ bina. Nɛ nde Gale dɛa mɔ kɛ mbula wè tɛ dɛ ma gɔ ni. A tumba Be 'da a ngboo dɛ ngɔ nù gɛ, nɛ a ba kifi tɛ wele, kɛ a a wi dɛ 'dã mɔ ni, nɛ a kala 'dã mɛnɔ 'da winɔ dɛ zu a, nɛ a fe we nɛ. Na mɛ ni, a gbɛa ngawi 'da 'dã mɔ kɔ kifi tɛ lɛ.

2 KORINTƐ 5:21

Kristo zi do 'dã mɔ bina, nɛ Gale ia ku'da 'dã mɛ 'da lɛ dɛ zu a, takɔ lɛ mba li ngba lɛ do a, kɔ lɛ hɔ wi bɔlɔ zu li Gale.