Tɔlɔ Mɔ 8:21 - WE NU GALE 1995

²¹ Olevitɛnɔ wa ɔlɔ tɛ wa we hɔ sa wi li Gale, nɛ ya fɔlɔ 'bɔ tulu tɛ wa. 'Do nɛ, nɛ Aroni hã dɔnggamɔ we si olo ku'da 'dã mɛ 'da wa, takɔ wa hɔ sa wi li Gale. Nɛ a ia wa na, wa dɛ to hã NWA.

Tɔlɔ Mɔ 8:21 Iomraidhean Croise

Kulu Tɔa 19:10

Nɛ NWA tɔ̃ 'bɔ hã Mɔizɛ na: “Mɔ kpóló tɛ mɔ, nɛ mɔ tɔ̃ hã obe Israɛlɛ na, sɔɛ gɛ do bindɛ, wa fɔlɔ tɛ wa, takɔ wa hɔ sa wi li mi Gale. Nɛ wa fɔ́lɔ́ 'bɔ tulunɔ 'da wa.

Levitɛnɔ 14:11

Nɛ nganga wele kɛ a fɔlɔ wi ni, a e sɛ wi ni do dɔnggamɛnɔ 'da a vɛ̃ dati NWA, dɛ nu tɔa Tande kpa ngba wi do a ni.

Tɔlɔ Mɔ 19:12

Nɛ tũ kɛ talɛ do tũ kɛ sambo, nɛ wa kpã sɛ lì fɔlɔ wi tɛ̃ a na, a hɔ sa wi. Nɛ nde do tũi talɛ do sambo ni, kɔ fala wa kpã̀ tɛ̃ a gɔ, nɛ a 'bana sɛ wi ndi.

Tɔlɔ Mɔ 19:19

Wi kɛ a a sa wi ni, a kpã sɛ lì tɛ wi ndi ni, do tũi kɛ talɛ do tũi kɛ sambo. Do sambo tũi ni, nɛ wi ndi ni a fɔlɔ sɛ tulu tɛ̃ a, nɛ a fɔlɔ 'bɔ tɛ̃ a. Nɛ do gɛ̃a wese ni, nɛ a hɔ sɛ sa wi li mi Gale.

Tɔlɔ Mɔ 3:12

“Wi a mi hã mi saka levitɛnɔ kɔ tala gele obe Israɛlɛ vɛ̃. Wa dɛ sɛ to hã mi olo li kuti benɔ 'da obe Israɛlɛ.

Tɔlɔ Mɔ 8:15

Nɛ yolo do 'da fala ni, olevitɛnɔ wa wia sɛ we dɛ toe 'da wa kɔ tɔa Tande. Mɔ fɔlɔ sɛ olevitɛnɔ na mɛ ni na, wa hɔ sa wi li mi, nɛ mɔ e wa hã mi.

Tɔlɔ Mɔ 8:20

Mɔizɛ, Aroni do obe Israɛlɛ vɛ̃ wa dɛa mbula ngɔ olevitɛnɔ, kɛ NWA hã zi ma hã Mɔizɛ ni, do wala olo nɛ ngboo.

Tɔlɔ Mɔ 8:22

'Do nɛ, nɛ olevitɛnɔ wa ndua dɛa toe 'da wa kɔ Tɔa Tande dɛ ti Aroni do obenɔ 'da a. Na mɛ ni, wa dɛa mbula ngɔ levitɛnɔ, kɛ nwa hã ma hã Mɔizɛ ni.

Tɔlɔ Mɔ 8:7

Fala fɔlɔ wa, nɛ mɔ dɛ sɛ na mɛ gɛ: Mɔ kpã sɛ lì fɔlɔ wi tɛ wa. 'Do nɛ, nɛ wa kɛlɛ sala tɛ wa vɛ̃, nɛ wa fɔlɔ tulu tɛ wa. Na mɛ ni, nɛ wa hɔ sɛ sa wi li mi.