Tɔlɔ Mɔ 8:17 - WE NU GALE 1995

¹⁷ Mba gɔ, kuti bulu benɔ 'da obe Israɛlɛ, do kuti be wili sa'denɔ 'da wa vɛ̃, wele wa mɔ́ mi. Yolo ngba soe zi mi gbɛa do kuti bulu benɔ ngɔ nù Ezipeto vɛ̃ ni, mi hɔa wele kuti bulu benɔ 'da obe Israɛlɛ.

Tɔlɔ Mɔ 8:17 Iomraidhean Croise

Zumanɔ 105:36

Nɛ Gale gbɛa okuti bulu benɔ kɔ nu fɛlɛ kula 'da Oezipeto vɛ̃.

Zumanɔ 135:8

Wi 'bɔ a a hã a gbɛa zi Okuti bulu benɔ, do kuti be wili sa'denɔ ngɔ nù Ezipeto.

Zumanɔ 78:51

Nɛ a gbɛa Okuti bulu benɔ, kɔ nu fɛlɛ kula 'da Oezipeto vɛ̃.

Kulu Tɔa 12:29

Ma hɔa gbogbo zã tũi, nɛ NWA Gale gbɛa Okuti bulu benɔ 'da Oezipeto vɛ̃. Okuti bulu benɔ vɛ̃ wa fia, yolo ngɔ be 'da nwa ngɔ nù Ezipeto gbaa we hɔ ngɔ be 'da wi bɔlɔkɔ, mba do kuti be wili sa'denɔ.

Kulu Tɔa 13:2

“Nɛ la sɛ Okuti bulu be Israɛlɛ vɛ̃ hã mi we dɔnggɔ do mi. We kɛ Okuti bulu benɔ 'da nɛ, obe Israɛlɛ, do Okuti be wili sa'denɔ 'da nɛ, wele wa a mɔ́ mi.”

Kulu Tɔa 29:44

Mi dɛ sɛ na, tɔa Tande do gbagala ma hɔ santo li mi, nɛ mi e sɛ Aroni do obulu benɔ 'da a na, wa dɛ to nganga hã mi.

EZEKIƐLƐ 20:12

Mi ia zi kɔ̃ tũ ɔmɔ tɛ wi hã wa, takɔ ma be dɛa na kɛ mi dɛa do wa ni. Nɛ kɔ̃ tũi ni, ma gba sɛ ta zu wa na, mi nwa, mi ia wa do wi tonɔ 'da mi.

Levitɛnɔ 27:26

“Kuti be sa'de kɛ wa kua a, ɔ nɛ be ngɔmbɔ, tabi be dua, tabi be bata, wele nɛ fai a mɔ́ NWA. Na mɛ ni, wele kpo wè tɛ hã kuti sa'denɔ ni do dɔnggamɔ hã NWA do kɔ sila a iko gɔ.

Tɔlɔ Mɔ 3:13

Mba gɔ, ngba soe mi gbɛa zi do kuti bulu benɔ 'da Oezipeto ni, nɛ mi la zi kuti bulu benɔ 'da obe Israɛlɛ, do kuti be wili nadalamɛnɔ 'da wa. Na mɛ ni, wele wa a mɔ́ mi. Mi a NWA!”

Tɔlɔ Mɔ 8:18

Ma kɛ mi ia olevitɛnɔ ni na, wa ɔ olo li kuti bulu benɔ 'da obe Israɛlɛ.

LUKA 2:23

Mba gɔ, wa kɔmɔ kɔ 'buku mbula na: “Nɛ la sɛ Okuti bulu be Israɛlɛ vɛ̃ hã mi we dɔnggɔ do mi.”

YOANƐ 10:36

Kɔ we mi, Gale saka zɛ́ mi, nɛ a tombo mi dɛ ngɔ nù gɛ. Na mɛ ni, kɔdɛ kɛ nɛ tɔ̃ na, mi dã zu li Gale, we kɛ mi tɔ̃a na, mi a Be 'da a ni nɛ nde?

YOANƐ 17:19

Kɔ mi ba tɛ mi vɛ̃ hã mɔ we wa, takɔ wa hɔ owinɔ 'da mɔ ngboo.

OHEBRE 10:29

Kɔ ma ɔ na mɛ ni, nɛ nɛ lengge na ge nde? Wi kɛ a zɔ Be 'da Gale li a yala iko, nɛ a faka gba tɔkɛ kɛ Gale fua do ku'da 'dã mɛnɔ zu a ni na, fo gulu nɛ bina, nɛ a dã 'bɔ zu li Hi Wi Santo kɛ a be dia zã 'da Gale hã lɛ ni, a kpá sɛ zɛlɛ tɛ 'danga nɛ ngɔ wele kɛ sɔ ni gɔ nde?

OHEBRE 11:28

Nɛ we duzu kɔ̃a we 'da a, ma kɛ a ba nu a hã obe Israɛlɛ na, wa dungu ɛngga Hɔ Nza kɔ Ngbá, nɛ wa kpã tɔkɛ tɛ gbangga nu tɔanɔ 'da wa na, da dɛ kɔ anzɛ gbɛ wi gbɛ́ Okuti bulu benɔ 'da wa gɔ.

ZAKE 1:18

A kɔ̃a do sila a, nɛ a hã kpasi hã lɛ do wala 'da we nu a kɛ mɛ a gbãlã we ni. A dɛa ni, takɔ lɛ ɔ Owi dati kɔ mɛnɔ a dɛa ma ni vɛ̃.