Tɔlɔ Mɔ 8:12 - WE NU GALE 1995

¹² 'Do nɛ, nɛ olevitɛnɔ wa a sɛ kɔ̃ wa dɛ ngɔ wili ngɔmbɛnɔ bɔa ni. Nɛ Aroni gbɛ mbe kpo hã mi, we si olo ku'da 'dã mɔ. Nɛ a dɔ sɛ mbe kpo we dɔnggɔ do mi. Nɛ mɛ a dɛa ni, ma fɔlɔ sɛ olevitɛnɔ na, wa hɔ sa wi li mi.

Tɔlɔ Mɔ 8:12 Iomraidhean Croise

Kulu Tɔa 29:10

“Mɔ tɛ sɛ do wili ngɔmbɛ dɛ dati tɔa Tande, nɛ Aroni do obulu benɔ 'da a, wa e kɔ̃ wa zu a,

Levitɛnɔ 1:4

A hɔ do wili ngɔmbɛ ni i mɔ, nɛ a e kɔ a dɛ zu a, nɛ ma ɔ sɛ nɛ dɔnggamɔ we fo ku'da 'dã mɛ zu a ni.

Levitɛnɔ 14:22

Nɛ a kala 'bɔ ogbakulĩ bɔa, tabi pizɔ̃ bɔa, ɔ nɛ kɛ a wia we kpa ma ni. Nɛ mbe nɔɛ kpo sɛ we hã a do dɔnggamɔ fo ku'da 'dã mɔ, nɛ mbee nɛ we dɔ we dɔnggɔ do NWA.

Levitɛnɔ 16:11

“Nɛ Aroni a ba sɛ wili ngɔmbɛ, nɛ a 'bili gɛlɛ a, nɛ a hã a do dɔnggamɔ hã mi NWA na, ma fo ku'da 'dã mɔ zu a do owi nu fɛlɛ a.

Levitɛnɔ 16:21

Nɛ a a kɔ a bɔa nɛ dɛ zu sa'de ni, nɛ a gbala 'dã mɛnɔ do dɛa mɔ nga zui 'da obe Israɛlɛ dɛ zu dua ni. Nɛ 'dã mɛnɔ ni, ma la dɛ zu sa'de ni. 'Do nɛ, nɛ a saka sɛ wele kpo, nɛ a nɛ, nɛ a la dua ni dɛ li gba zɔ́ i.

Levitɛnɔ 16:6

Nɛ Aroni a ba sɛ wili ngɔ mbe ni, nɛ a hã a do dɔnggamɔ hã mi NWA, takɔ mi fo ku'da 'dã mɛ zu a do owi nu fɛlɛ a.

Levitɛnɔ 4:15

Okumunɔ 'da obe Israɛlɛ wa e sɛ kɔ̃ wa zu sa'de ni, nɛ mbe kpo kɔ wa ni, a 'bili gɛlɛ sa'de dɛ dati NWA.

Levitɛnɔ 4:20

Nganga a dɛ sɛ do wili ngɔmbɛ ni kpasaa ɔ nɛ tɛlɛ tɛ kɛ a dɛa do wili ngɔmbɛ, kɛ a hã ma do dɔnggamɛ we 'dã mɛ 'da a wele nɛ ni. Nɛ dɔnggamɛ ni, ma dɛ sɛ na, Gale fo ku'da 'dã mɛ zu obe Israɛlɛ.

Levitɛnɔ 4:35

'Do nɛ, nɛ a fo sɛ okɛndɔnɔ te sa'de ni, ɔ nɛ kɛ wa fo do okɛndɔnɔ tɛ bata kɛ wa hã do dɔnggamɔ kɛ ma be dɛa na ni. Nɛ nganga a dɔ sɛ ma mba do gele dɔnggamɛ wa dɔ hã NWA ni. Nɛ dɔnggamɛ ni, ma dɛ sɛ na, Gale fo ku'da 'dã mɛ zu wi ni.

Levitɛnɔ 4:4

A nɛ sɛ do wili ngɔmbɛ dɛ nu tɔa Tande kpa ngba wi do NWA. Nɛ a e kɔ̃ a zu sa'de ni, nɛ a 'bili gɛlɛ a dɛ dati NWA.

Levitɛnɔ 5:7

“Fala kɛ wele do wala we hã bata tabi dua, we si olo ku'da 'dã mɛ a dɛa ni bina, nɛ ma wia na, a tɛ do gbakulĩ bɔa, tabi opizɔ̃ bɔa we si do olo ku'da 'dã mɛ 'da a dati NWA. Mbe nɔɛ kpo sɛ we hã do dɔnggamɔ we fo ku'da 'dã mɔ, nɛ wa dɔ sɛ mbe nɛ vɛ̃ we dɔnggɔ do Gale.

Levitɛnɔ 8:14

'Do nɛ, nɛ a tɛa do wili ngɔmbɔ we gbɛ a do dɔnggamɔ we fo ku'da 'dã mɔ. Nɛ Aroni do obenɔ 'da a, wa a kɔ̃ wa dɛ zu sa'de ni.

Levitɛnɔ 8:15

Mɔizɛ 'bili gɛlɛ a, nɛ a kpɔ tɔkɛ, nɛ a fi zu kɔ̃ a 'dɔ nɛ, nɛ a kɔ tɛ 'bɛ̃lɛ̃ zu gbagala, takɔ ma hɔ sa li Gale. 'Do nɛ, nɛ a tɛnɛ tala tɔkɛ ni dɛ tɛ nyanga gbagala, we e ma hã Gale, takɔ a dɔ do sa'de fo ku'da 'dã mɔ zu winɔ. Ki ni a tɛlɛ tɛ kɛ Mɔizɛ dɛa do gbagala we e ma hã NWA gɛ a ni.

Levitɛnɔ 8:18

'Do nɛ, nɛ a tɛa do wili bata we dɔ a do dɔnggamɔ. Nɛ Aroni do obenɔ 'da a, wa a kɔ wa dɛ zu sa'de ni.

Levitɛnɔ 8:34

NWA ba nu a na, wa dɛ kpasaa ɔ nɛ kɛ lɛ dɛa sɔɛ gɛ ni, takɔ a fo ku'da 'dã mɛ zu nɛ.

Levitɛnɔ 9:7

Nɛ a tɔ̃ hã Aroni na: “Mɔ tɛ́, kɔ mɔ kɔlɔ do gbagala, kɔ mɔ hã dɔnggamɛ 'da mɔ, we fo ku'da 'dã mɛ 'da mɔ, nɛ mɔ dɔ 'bɔ mbee nɛ, we dɔnggɔ do NWA. Dɔnggamɛ ni ma dɛ sɛ na, NWA fo ku'da 'dã mɛ 'da mɔ, do kɛ 'da owinɔ. 'Do nɛ, nɛ mɔ hã dɔnggamɛ kɛ owinɔ wa tɛa nɛ ni hã NWA. Nɛ ma fo ku'da 'dã mɛnɔ zu owinɔ, ɔ nɛ kɛ NWA ba do nu a ni.”

Tɔlɔ Mɔ 6:14

Nɛ a tɛ sɛ do osa'de talɛ kɛ fo kunda tɛ wa bina ni hã mi NWA. Mɛ a be wili bata, kɛ a dɛa sabɛlɛ kpo ni na, wa dɔ a we dɔnggɔ do mi, nɛ be naa bata, we si olo ku'da 'dã mɔ zu a, do wili bata we dɔnggamɔ kɛ ma be dɛa na.

Tɔlɔ Mɔ 6:16

“Nɛ nganga a hã sɛ dɔnggamɛnɔ ni hã mi NWA, 'do nɛ, nɛ a gbɛ sɛ 'bɔ sa'de dɔnggamɔ we si olo ku'da 'dã mɔ, nɛ a dɔ sa'de we dɔnggɔ do mi NWA.

Tɔlɔ Mɔ 8:13

“Mɔ e sɛ olevitɛnɔ dɛ dati Aroni do obenɔ 'da a, nɛ mɔ a nɔ zu wa dɛ li winɔ, nɛ mɔ e wa hã mi.

Tɔlɔ Mɔ 8:8

Wa tɛ sɛ do wili ngɔmbɔ kpo, mba do fũ dɔnggamɔ kɛ wa zanga do nɔ ni. Nɛ mɔ ba sɛ 'bɔ mbe gele wili ngɔmbɔ we hã do dɔnggamɔ we si olo ku'da 'dã mɛ 'da wa.

OHEBRE 9:22

We zɔ mbula ni, nɛ nde wa wia we fɔlɔ gba gili mɛnɔ do tɔkɔ, nɛ ma hɔ sa mɔ li Gale. Nɛ takɔ Gale fo ku'da 'dã mɔ zu wele, nɛ nde ma wia na, tɔkɔ a nù.