Tɔlɔ Mɔ 7:89 - WE NU GALE 1995

⁸⁹ 'Da fala Mɔizɛ lia kɔ tɔa Tande we wele we do NWA ni, nɛ a zele gɛlɛ a, ma yula do si 'biti fala ohi mɛnɔ bɔa ngɔ mɔ nu Sanduku Gba Tɔkɛ wa do nɛ ni. Ohi mɛnɔ ni ma ɔ nɛ wele ni, nɛ sala 'baka ma boe. Nɛ NWA wila we do a.

Tɔlɔ Mɔ 7:89 Iomraidhean Croise

1 Onwanɔ 6:23

Nɛ wa kala zi ma'baya te olivɛ zamɔ, nɛ wa sɛ ma do ohi mɔ bɔa, kɛ ma ɔ nɛ wele ni, nɛ ma do sala 'baka nɛ boe, nɛ wa e ma kɔ 'bili kɔ tɔa Sanduku Gba Tɔkɛ. 'Da ngala hi mɔ kpo kpo, mɛ zi a mɛtrɛ mɔlɔ. 'Da du 'baka hi mɛ kɛ dati, mɛ zi a mɛtrɛ bɔa do dɔ nɛ, nɛ yolo tɛ nu 'baka hi mɔ kpo we hɔ tɛ nu mbee nɛ, ma mba zi vɛ̃ mɛtrɛ mɔlɔ. Nɛ 'da ngala hi mɔ kɛ bɔa, mɛ zi 'bɔ a mɛtrɛ mɔlɔ. Nɛ a wia zi kɔ̃ do wele kɛ dati ni, do 'da kili tɛ̃ a vɛ̃.

Zumanɔ 80:1

Zuma 'da Asafɛ

Zumanɔ 99:1

Gale 'da lɛ a nwa, a ia kpongbo nwa 'da a ngɔ okerubinɛ. We duzu ma, owinɔ wa tana kili, nɛ nùi ma yaka.

Kulu Tɔa 40:34

Mɔizɛ dɛa tɔa Tande ia do'do, nɛ zɛ̃ we kpia ma kpã kpã, nɛ dɔ̃lɔ̃ li 'da NWA dunu kɔ nɛ ngurr,

Kulu Tɔa 40:35

nɛ Mɔizɛ wè zi 'bɔ we le kɔ tɔa Tande 'di gɔ.

Levitɛnɔ 1:1

NWA sa mɔ hã Mɔizɛ tɛ nu tɔa Tande kpa ngba wi do a, nɛ a ba nu a hã a na,

Tɔlɔ Mɔ 1:1

Do zɛkɛ 'da bɔa, kɔ̃ nɛ kpo, do kɔ bɔa sabɛlɛ 'do kɛ obe Israɛlɛ wa Ia ngɔ nù Ezipeto, kɔ wa hɔa tɛ li gba zɔ̃ Sinai ni, nɛ NWA Gale wila we hã Mɔizɛ tɛ kɔ tɔa Tande kpa ngba wi do a na:

Tɔlɔ Mɔ 11:17

Mi zĩlĩ sɛ we wele we do mɔ dɛ di ni. Nɛ mi dɛ sɛ na, Hi Wi kɛ mi hã ma hã mɔ ni, zĩlĩ tɛ mɛ 'bɔ ngɔ wa. Na mɛ ni, nɛ wa gala sɛ mɔ, nɛ mɔ bá sɛ 'bɔ dĩ tole winɔ gɛ zu mɔ kpo gɔ.

Tɔlɔ Mɔ 12:8

Mi kɔ̃̀ we wele we hã a do gba we gɔ, mi fi li nɛ hã a dɛ nza ngboo. Mi be tɛlɛ tɛ mi hã a, nɛ a zɔ. Kɔ gulu kɛ nɛ dɛ́ kili tɔ̃ tɛ wi toe 'da mi Mɔizɛ gɔ we ge nde?”

Tɔlɔ Mɔ 8:1

NWA tumba Mɔizɛ

OHEBRE 4:16

We duzu ma, lɛ tɛ dɛ̀ kili gɔ, nɛ nde lɛ nɛ́ dɛ dati kpongbo nwa 'da Gale, kɛ a be dia zã 'da a hã owinɔ fai ni. A ĩ sɛ 'bako hã lɛ, nɛ a be sɛ dia zã 'da a hã lɛ we gala lɛ do li zɔlɔ nɛ ngboo.

1 PETRO 1:12

Nɛ Gale bia hã wa na, toe kɛ ɛ tumba wa we tɔ̃ ma ni, ma we duzu wa wele nɛ gɔ, nɛ nde ma we duzu nɛ, winɔ sɔɛ gɛ. Ma kɛ ngangga gɛ, winɔ kɛ wa be Dia Sakoe ni, wa tɔ̃a toe ni hã nɛ ia. Nɛ wa tɔ̃a ma do ngawi 'da Hi Wi Santo kɛ Gale tumba a yolo do li nza i ni. Nɛ anzɛnɔ wa kɔ̃a sɔ 'bɔ we ĩ ti mɛnɔ ni.

1 SAMUƐLƐ 4:4

Wa tɔ̃a ni do'do, nɛ wa tombo Owele tɛ Silo i na, wa tɛ do Sanduku Gba Tɔkɛ 'da NWA Gale, kɛ a do nganda, nɛ a dungu ngɔ Sanduku Gba Tɔkɛ, tɛ sanga ohi mɛnɔ kɛ ma ɔ nɛ wele ni. Wa ba Sanduku Gba Tɔkɛ do'do, nɛ benɔ 'da Heli, Hofni do Pinasi wa nɛa do wa.