Tɔlɔ Mɔ 7:10 - WE NU GALE 1995

¹⁰ Ngba soe ɛngga e gbagala dɔ do sa'de hã NWA Gale, nɛ okpasa wi nu kpala Israɛlɛ wa 'dɔlɔ 'bɔ ombé mɔ hã a.

Tɔlɔ Mɔ 7:10 Iomraidhean Croise

1 Onwanɔ 8:63

Wa gbɛa zi ongɔmbɔ koto 'bu nɛ bɔa ngɔ nɛ bɔa, do obata, do odua koto kama kpo do 'bu nɛ bɔa, we be dɛa na. Wa dɛa ni we e tɔa Tɛmpɛloe hã NWA.

2 Sakonɔ 7:5

Wa gbɛa zi ongɔmbɛ koto 'bu nɛ bɔa ngɔ nɛ bɔa, do obata do odua koto kama kpo do 'bu nɛ bɔa, we be dɛa na. Wa dɛa ni we e tɔa Tɛmpɛloe hã NWA.

2 Sakonɔ 7:9

Ma nɛa we hɔ tɛ ngbɛ'dɛ'dɛ kɔ̃ tũ ɛngga, nɛ ngɔ gili Owele wa mba li ngba wa, nɛ wa dɛ ɛngga mbé gbagala kɛ wa zĩ ma ni 'do tũ sambo. 'Do nɛ, nɛ wa dɛ 'bɔ tũ sambo, we dungu ɛngga Ɔ ti Da ngboo ni.

NEHEMIE 12:27

'Da fala dɛa to zĩ ngbo nu le Yeruzalɛmɛ dɛ olo nɛ ia do'do, nɛ wa sa mɔ hã olevitɛnɔ tɛ falanɔ vɛ̃ kɛ wa ɔ nɛ ni na, wa tɛ Yeruzalɛmɛ, hã wa dɛ yangga, nɛ wa dungu ɛngga e ngbo nu le dɛ kɔ̃ Gale, nɛ wa ga ozuma dɔnggɔ do Gale, nɛ wa zɛ ombala mɔ bolo, do ogã kundu, do obe kundu.

NEHEMIE 12:43

Kɔ̃ tũi ni, mɛ zi a kɔ̃ tũ ɛngga, nɛ winɔ wa hã zi dɔnggamɛnɔ hã Gale wena. Nɛ Gale hã yangga hã owinɔ 'da a wena. Wukonɔ do benɔ tɛ Yeruzalɛmɛ, wa dunu do yangga, nɛ wá zɛ kaliã. Nɛ hiamɔ yangganɔ ni ma dɔ̃lɔ̃ nyɛlɛ wena.

Zumanɔ 30:1

Zuma 'da Davidi

Tɔlɔ Mɔ 7:1

Ngba soe Mɔizɛ zĩ zi tɔa Tande nɛ ma ia ni, nɛ a kɔ nɔ yɔmbɔ kɛ ma santo tɛ nɛ, do tɛ omɔ kɔ nɛ vɛ̃, nɛ a e ma hã NWA. 'Do nɛ, nɛ a ia 'bɔ gbagala, do osi'bili mɔ to nɛ vɛ̃ hã NWA.

Tɔlɔ Mɔ 7:11

Nɛ NWA tɔ̃ hã Mɔizɛ na: “Ma wia na, tũ kpo, nɛ kpasa wi kpo tɛ do mɛ a tɛa nɛ we 'dɔlɔ hã mi 'da fala ɛngga e tɔa Tande hã mi ni.”

Tɔlɔ Mɔ 7:84

Mɛnɔ vɛ̃ okpasa wi nu kpala Israɛlɛ wa 'dɔlɔ hã NWA, 'da fala ɛngga e gbagala dɔ do sa'de hã a ni, ma kɛ: kpangbala sani 'bu ngɔ nɛ bɔa, bakulu 'bu ngɔ nɛ bɔa, do kɔpɔ mɔ mbali 'bu ngɔ nɛ bɔa.

Tɔlɔ Mɔ 7:88

Wili ngɔmbɔ 'bu nɛ bɔa ngɔ nɛ nalɛ, wili bata 'bu nɛ gazɛlɛ, wili dua 'bu nɛ gazɛlɛ do obe bata kɛ wa dɛa sabɛlɛ kpo ni, 'bu nɛ gazɛlɛ, takɔ wa gbɛ wa we hã do dɔnggamɔ kɛ ma be dɛa na. Ki ni a omɛnɔ wa 'dɔlɔ 'da fala ɛngga e gbagala hã Gale gɛ a ni.

Mbulanɔ 20:5

“'Do nɛ, nɛ ogã wi ngɔ sodanɔ, wa tɔ̃ sɛ hã sodanɔ na: ‘Sanga nɛ gɛ, wi kɛ a dɛa mbé tɔa, kɔ a tɛ sì kɔ nɛ gɔ ni boe nde? Kɔ fala kɛ wele ɔ ni boe, nɛ a wia we si dɛ nu tɔa 'da a. Ní gɔ, kɔ a fe li bole, nɛ gele wele a ɔ sɛ kɔ tɔa ni olo a.