Tɔlɔ Mɔ 7:1 - WE NU GALE 1995

¹ Ngba soe Mɔizɛ zĩ zi tɔa Tande nɛ ma ia ni, nɛ a kɔ nɔ yɔmbɔ kɛ ma santo tɛ nɛ, do tɛ omɔ kɔ nɛ vɛ̃, nɛ a e ma hã NWA. 'Do nɛ, nɛ a ia 'bɔ gbagala, do osi'bili mɔ to nɛ vɛ̃ hã NWA.

Tɔlɔ Mɔ 7:1 Iomraidhean Croise

Ndo Nyanga Dɛ Mɔ 2:3

Nɛ a wele nu a tɛ kɔ tũi kɛ sambo ni, nɛ a e ma do tũ 'da a, we duzu kɛ do kɔ tũi ni, a kpia zi tɛ a olo tonɔ vɛ a dɛa ni.

1 Onwanɔ 8:64

Do 'da fala ni, nɛ nwa Salɔmɔ ia zi gbogbo fanda vɛ̃ kɛ dati tɔa Tɛmpɛloe ni hã NWA. Nɛ a kala osa'denɔ, do odɔnggamɔ kpalɛnɔ, do Okɛndɔ sa'denɔ kɛ wa gbɛa wa we be dɛa na ni, nɛ a dɔ mɛnɔ ni vɛ̃ dɛ gbogbo fanda ni hã Gale. A dɛa ni, we kɛ gbagala tũ mɔ bole kɛ wa dɔ do sa'denɔ hã Gale ni, ma gà gɔ, nɛ ma wè zi na, wa dɔ odɔnggamɛnɔ ni vɛ̃ ngɔ nɛ gɔ.

Kulu Tɔa 13:2

“Nɛ la sɛ Okuti bulu be Israɛlɛ vɛ̃ hã mi we dɔnggɔ do mi. We kɛ Okuti bulu benɔ 'da nɛ, obe Israɛlɛ, do Okuti be wili sa'denɔ 'da nɛ, wele wa a mɔ́ mi.”

Kulu Tɔa 29:36

“Tũ kpo kpo, mɔ dɔ sɛ wili ngɔmbɔ ngɔ gbagala hã mi, takɔ mi fo ku'da 'dã mɛnɔ zu wa. Mɔ dɛ ni, nɛ wa fɔlɔ sɛ gbagala, nɛ ma hɔ sa li mi. Nɛ mɔ a nɔ ngɔ gbagala, nɛ ma hɔ santo.

Kulu Tɔa 40:11

Mɔ kɔ sɛ 'bɔ nɔɛ ni tɛ gba sani a do lì, do 'dinggili we e sani ngɔ nɛ ni, nɛ mɔ e ma hã mi.

Tɔlɔ Mɔ 17:2

“Mɔ bá nu mɔ hã nganga Elazarɛ, be 'da Aroni na, a tafa omɔ u do wenɔ kɛ wa dɛa do tũ mɔ bolo ni li nyɛa we do'do, nɛ a pɛsɛ sanga kalĩ we, we kɛ omɛnɔ ni ma santo.

Tɔlɔ Mɔ 7:10

Ngba soe ɛngga e gbagala dɔ do sa'de hã NWA Gale, nɛ okpasa wi nu kpala Israɛlɛ wa 'dɔlɔ 'bɔ ombé mɔ hã a.

Tɔlɔ Mɔ 7:84

Mɛnɔ vɛ̃ okpasa wi nu kpala Israɛlɛ wa 'dɔlɔ hã NWA, 'da fala ɛngga e gbagala dɔ do sa'de hã a ni, ma kɛ: kpangbala sani 'bu ngɔ nɛ bɔa, bakulu 'bu ngɔ nɛ bɔa, do kɔpɔ mɔ mbali 'bu ngɔ nɛ bɔa.

Tɔlɔ Mɔ 7:88

Wili ngɔmbɔ 'bu nɛ bɔa ngɔ nɛ nalɛ, wili bata 'bu nɛ gazɛlɛ, wili dua 'bu nɛ gazɛlɛ do obe bata kɛ wa dɛa sabɛlɛ kpo ni, 'bu nɛ gazɛlɛ, takɔ wa gbɛ wa we hã do dɔnggamɔ kɛ ma be dɛa na. Ki ni a omɛnɔ wa 'dɔlɔ 'da fala ɛngga e gbagala hã Gale gɛ a ni.

MATIE 23:19

Nɛ, owi lɔa linɔ gɛ, mɛ ma nɛa ngɔ ngbɛ ɛ ni a ki nge nde? Mɛ a dɔnggamɛnɔ kɛ winɔ wa hã ni, tabi mɛ a gbagala kɛ ma dɛ na, dɔnggamɛnɔ hɔ santo ni nde?