Tɔlɔ Mɔ 6:9 - WE NU GALE 1995

⁹ Fala kɛ fio gbanga wele dɛ kɛ zã a nde, nɛ mbuli a kpua we hã tɛ̃ a hã mi NWA ni, ma yolo sɛ nù. We kɛ fie ni dɛa na, a hɔ wi ndi li mi NWA. Nɛ a 'bɔ sɛ 'do tũ sambo, sɛ nɛ a hɔ 'bɔ sa wi li mi NWA, nɛ a kɛlɛ wá zu a de.

Tɔlɔ Mɔ 6:9 Iomraidhean Croise

EZEKIƐLƐ 44:27

Do ngba soe a nɛ kpolo tɛ̃ a dɛ li fanda kɛ nu tɔa Tɛmpɛloe i ni, nɛ a gbɛ sɛ sa'de do dɔnggamɔ hã mi, we fo ku'da 'dã mɔ zu a. Mi NWA Gale, mi tɔ̃a ni.

Levitɛnɔ 14:8

Nɛ wi ni a fɔlɔ sɛ tulu tɛ̃ a, nɛ a kɛlɛ sala tɛ̃ a vɛ̃, nɛ a fɔlɔ tɛ̃ a, takɔ a hɔ sa wi li Gale. 'Do nɛ, nɛ a kpolo sɛ tɛ̃ a dɛ kɔ ngbo ɔi i. Nɛ nde a 'bana sɛ dɛ 'do nu tɔa tande 'da a dɛ nza gɛ we tũ sambo.

Levitɛnɔ 14:9

Ma hɔ tɛ tũi kɛ sambo, nɛ a kɛlɛ sɛ 'bɔ zu a, do nzɛlɛ a, do sala ngɔ li a, do gele tala salanɔ tɛ̃ a ni vɛ̃. Nɛ a fɔlɔ tulu tɛ̃ a, nɛ a fɔlɔ 'bɔ tɛ̃ a, nɛ a hɔ sa wi li Gale.

Tɔlɔ Mɔ 6:18

Do 'da fala ni, nɛ wi a hã tɛ̃ a hã mi NWA ni, a kɛlɛ sɛ zu a dɛ nu tɔa Tande ni. Nɛ a a sɛ mili zu a li we fala wa dɔ do wili bata we be dɛa na ni.

Tɔlɔ Mɔ 6:8

“Do zɔlɔ mbuli ni vɛ̃, wi ni a sɛ a wi mɔ́ mi NWA.

Owi Nɛ Tonɔ 18:18

Nɛ Polo ɔa dɛ Konntɛ ni 'do a nyɛlɛ wena. Nɛ 'do nɛ, nɛ wa do Prisilɛ, do Akilasi, wa kulu ngɔ sanga onya wa wi kɔ̃a wenɔ, we ba masua, we la dɛ Siri. Dati la mɔ́ wa, nɛ Polo nɛa tɛ Sankre, nɛ a kpolo mili zu a do'do, we kɛ a kpua mbulu hã Gale.

Owi Nɛ Tonɔ 21:27

Tũi sambo ni nɛa we e nɛ, nɛ Oyudanɔ kɛ wa yula ngɔ nù Azi ni, wa zɔa Polo kɔ Tɛmpɛlo i, nɛ wa tɔndɔ go'do gili winɔ dɛ tɛ a, nɛ wa ba a.

Mbulanɔ 21:12

Ma ɔ na mɛ ni, nɛ a we sɛ we ba wuke ni si do a. Nɛ wuke ni a kɛ́lɛ́ zu a, nɛ a 'bílí ɛ̃lɛ̃ kɔ a,