Tɔlɔ Mɔ 6:5 - WE NU GALE 1995

⁵ Nɛ ma wè 'bɔ na, a kɛlɛ zu a, tabi nzɛlɛ a gɔ. A hã tɛ̃ a hã mi NWA, nɛ ma wia na, a la mili zu a do nzɛlɛ a, nɛ ma dulu gbaa we hɔ Sɔkpɔ mbuli kɛ a kpua ni.

Tɔlɔ Mɔ 6:5 Iomraidhean Croise

EZEKIƐLƐ 44:20

“Onganganɔ wa kpóló sɛ mili zu wa ngɔ nɛ gɔ. Nɛ nde zu wa hɛ̃, nɛ wa kɛlɛ sɛ ngɔ nɛ, nɛ ma 'bana do bɔlɔ nɛ.

Tɔlɔ Mɔ 6:4

'Da fala kɛ a 'bana dɛ mbuli a kpua ni, nɛ a nyɔngɔ sɛ mɔ kpo kɛ wa dɛa do wala te vinɔ ni gɔ. Gɛnɛ kɔ gbãlã wala nɛ tabi kɔa tɛ nɛ 'bɔ gɔ.

Owi Nɛ Tonɔ 18:18

Nɛ Polo ɔa dɛ Konntɛ ni 'do a nyɛlɛ wena. Nɛ 'do nɛ, nɛ wa do Prisilɛ, do Akilasi, wa kulu ngɔ sanga onya wa wi kɔ̃a wenɔ, we ba masua, we la dɛ Siri. Dati la mɔ́ wa, nɛ Polo nɛa tɛ Sankre, nɛ a kpolo mili zu a do'do, we kɛ a kpua mbulu hã Gale.

Owi kpe dati 13:5

Mba gɔ, mɔ ba sɛ zã, nɛ mɔ ko bulu be. Nɛ wa hã sɛ be ni hã Gale. Nɛ mɔ kɛ́lɛ́ sɛ zu a gɔ, we be na, wa ia a hã Gale. Kɔ 'da fala a gã, nɛ a fo sɛ obe Israɛlɛ ti kɔ̃ Ofilisti.”

Owi kpe dati 16:17

Nɛ a be wá gulu fala kɛ gã ngawi 'da a yolo nɛ ni vɛ̃ hã Dalila na: “Kɛ gbaa gɛ, wa kɛ̀lɛ̀ mbe mili zu mi fala kpo gɔ. We kɛ, dati kɛ na wa ko mi ni, nɛ wa hã zi mi hã Gale na, mi ɔ wi 'da a. Kɔ fala kɛ nɛ kɛlɛ mili zu mi, nɛ ngawi 'da mi ma e nɛ, nɛ mi ɔ sɛ nɛ tala winɔ vɛ̃ ni.”

Owi kpe dati 16:19

Nɛ Dalila ɔkɔlɔ Samsoni, nɛ a ɔ yala dɛ ngɔ ku a. Nɛ Dalila sa mɔ hã wi wili kpo, nɛ a tɛ, nɛ a 'bili dɛa zu a sambo ni. Wa 'bili ma do'do, nɛ ngawi 'da Samsoni e.

1 SAMUƐLƐ 1:11

“Aa NWA Gale 'da lɛ obe Israɛlɛ, mɔ zɔ̀ 'bakoe 'da mi wi toe 'da mɔ, nɛ mɔ tɛ èlè mi gɔ. Mɔ ĩ́ bako hã mi, kɔ mɔ hã be hã mi. Mi kpo mbulu hã mɔ na, fala kɛ mɔ hã a hã mi, nɛ mi ba sɛ a hã mɔ na, a dɛ toe 'da mɔ fai. Nɛ we be na, a dɛ sɛ toe 'da mɔ fai ni, wa kɛ́lɛ́ sɛ zu a gɔ.”