Tɔlɔ Mɔ 6:26 - WE NU GALE 1995

²⁶ E kɔ NWA be dia zã 'da a hã nɛ, nɛ a hã dungu fio hã nɛ!’ ”

Tɔlɔ Mɔ 6:26 Iomraidhean Croise

Zumanɔ 29:11

Nwa a hã sɛ ngawi hã owinɔ 'da a. A wele sɛ nu a tɛ wa, nɛ a hã dia dungu hã wa.

Zumanɔ 37:37

Mɔ ká mɔ hã mɔ zɔ dia wi, mɔ sókó wi bɔlɔ zu kɛ a do gɛ̃a sila, wi ni, a ko obe zã a, nɛ wa nɛ ngɔ.

Zumanɔ 4:6

Nɛ ha dɔnggamɛ kɛ ma wia ni hã NWA, nɛ nɛ gbíní zã nɛ do a.

Zumanɔ 42:5

Nɛ ta zu mi gba ngɔ mɛnɔ mi dɛa zi dati ni, nɛ sila mi dunu do 'bako. Mi lingga tɛlɛ tɛ kɛ mi kpia zi dati ogba dɔa winɔ, nɛ mi kã zi wa do yangga dɛ nu tɔa 'da mɔ Gale, nɛ lɛ dungu ɛngga, nɛ lɛ ga zuma we dɔnggɔ do mɔ ni.

Zumanɔ 44:3

Mɔ ndaka ogele winɔ ngɔ nùi 'da wa, nɛ mɔ ba ma hã lɛ, owinɔ 'da mɔ na, lɛ ɔ dɛ di ni. Mɔ hã ngamɔ hã ogele winɔ, takɔ lɛ, owinɔ 'da mɔ, lɛ kpa nù.

Zumanɔ 89:15

Gbãlã we do de dɛa mɛ 'da mɔ, ma nganda dɛa to nwa 'da mɔ. Nɛ bɔlɔ zu do kɔ̃a zã be tɛ̃ ɛ nza kɔ toe mɔ dɛ ni.

Ezai 26:12

NWA, lɛ ĩ na, mɔ hã sɛ dungu fio hã lɛ, nɛ mɛnɔ vɛ̃ kɛ lɛ dɛ sɛ ma ni, ma be sɛ na mɔ do dia zã we lɛ boe.

Ezai 26:3

NWA, mɔ a mɔ hã dungu fio ngboo hã owinɔ kɛ wa kpóló nu wa gɔ, nɛ wa gbini zã wa do mɔ fai ni.

Ezai 57:19

Mi hã sɛ yangga do dungu fio hã owinɔ vɛ̃, wanɔ kɛ wa nyɛlɛ wena, do wanɔ kɛ wa nyɛ̀lɛ̀ gɔ ni. Mɛ a gbãlã we, mi kpasa sɛ owinɔ 'da mi.

Mike 5:5

Nɛ owinɔ 'da lɛ wa ba sɛ nù Asiri do ngawi 'da omɔ bi bolonɔ 'da wa, nɛ wa e sɛ mbula ngɔ owinɔ ngɔ nùi ni. Do 'da fala kɛ wa tɛ, hã wa kũ ngɔ ngbala nùi, takɔ wa le we ba le 'da lɛ ni, nɛ onwa bolonɔ 'da lɛ wa kpasa sɛ lɛ ti kɔ wa.

LUKA 2:14

“Dɔngga wi hã Gale tɛ li nza i, nɛ dungu fio ɔ do winɔ kɛ a kɔ̃a gɛnɛ wa ngɔ nù gɛ ni!”

YOANƐ 14:27

“Mi hã gɛ̃a sila hã nɛ, mi la gɛ̃a sila kɛ mi do ma ni hã nɛ. Mi hã̀ ma ɔ nɛ kɛ winɔ nù gɛ wa hã ma ni gɔ. Kɔ dɔ sila nɛ ɔ́ ngɔ gɔ, nɛ kili tɛ bà nɛ gɔ.

YOANƐ 16:33

Mi tɔ̃a zi wenɔ ni hã nɛ, takɔ nɛ mba do mi kpo, hã sila nɛ gɛ̃. Nɛ kpa sɛ zɛlɛ tɛ ngɔ nù gɛ, nɛ nde nɛ ɔ́ do kpã sila! Mba gɔ, ngawi 'da mi nɛa ngɔ mɛnɔ nù gɛ vɛ̃ ia.”

YOANƐ 20:21

Nɛ Yezu tɔ̃ 'bɔ hã wa na: “Nɛ ɔ́ do gɛ̃a sila! Nɛ́ kɛ Baa mi tumba mi ngɔ nù gɛ ni, mi tumba tɛ mɛ 'bɔ nɛ.”

YOANƐ 20:26

Ma la 'bɔ pɔsɔ kpo 'do ki ni, nɛ owi yambala mɛnɔ 'da Yezu wa mba 'bɔ li ngba wa dɛ kɔ tɔa ni, nɛ wa kpia 'bɔ nu tɔa dɛ ngɔ wa, nɛ wa kã ma. Ki ni nɛ nde Toma zi boe. Nɛ Yezu hɔa, nɛ a yolo dɛ sanga wa ni, nɛ a tɔ̃ hã wa na: “Nɛ ɔ́ do gɛ̃a sila!”

Owi Nɛ Tonɔ 10:36

Gale tumba zi Dia Sako hã obe Israɛlɛ, nɛ Dia Sakoe ni, ma hã dungu fio do wala 'da Yezu Kristo, kɛ a a Nwa 'da winɔ vɛ ni.

Owi Nɛ Tonɔ 2:28

Mɔ bia wala kpasi hã mi, nɛ sila mi dunu do yangga, we kɛ mɔ do mi boe.’ ”

ROMA 15:13

E kɔ Gale kɛ a dɛ na, lɛ gbini zã lɛ do a ni, a dɛ 'bɔ na, sila nɛ dunu do yangga, nɛ nɛ ɔ do gɛa sila, we duzu kɔ̃a we nɛ kɔ̃a do a ni. Na mɛ ni, nɛ Hi Wi Santo hã ngawi hã nɛ na, nɛ gbini zã nɛ do Gale dɛ dati fai.

ROMA 15:33

E kɔ Gale wele gɛ̃a sila, a ɔ do nɛ vɛ́! Amɛ.

ROMA 5:1

Nɛ ɔ nɛ kɛ lɛ hɔa wi bɔlɔ zu li Gale, we duzu kɔ̃a we 'da lɛ ni, Gale dɛa na do lɛ, do wala 'da Nwa 'da lɛ Yezu Kristo.

EFƐZƐ 6:23

E kɔ Baa lɛ Gale, do Nwa 'da lɛ Yezu Kristo, wa hã gɛ̃a sila do kɔ̃ ngba wi, do kɔ̃a we hã onya lɛ wi kɔ̃a wenɔ vɛ.

FILIPƐ 4:7

Nɛ a dɛ sɛ na, nɛ ɔ do gɛ̃a sila kɛ ma nɛa ngɔ hã zã 'da wele vɛ̃ ni, nɛ ma 'dafa sɛ sila nɛ, do linggamɛnɔ 'da nɛ, we duzu kɛ nɛ mba kpo do Yezu Kristo.

2 TƐSALONIKƐ 3:16

E kɔ Nwa, wele gɛa sila, a hã gɛa sila hã nɛ 'da fala fai, do walanɔ vɛ. E kɔ Nwa 'bana do nɛ vɛ.