Tɔlɔ Mɔ 6:23 - WE NU GALE 1995

²³ “Mɔ tɔ̃ hã Aroni do obenɔ 'da a na, fala kɛ wa nɛ we wele nu wa tɛ obe Israɛlɛ, nɛ wa tɔ̃ sɛ lɛnggɛnɔ gɛ:

Tɔlɔ Mɔ 6:23 Iomraidhean Croise

Ndo Nyanga Dɛ Mɔ 24:60

Dati la mɔ́ wa, nɛ onya Rebɛka wa wila nu wa tɛ̃ a na: “Aa Rebɛka boko nya lɛ, mɔ sɛ a naa Owele koto do koto. Nɛ obe zã mɔ wa kala sɛ lenɔ 'da Owi sɛnɛ wa.”

Ndo Nyanga Dɛ Mɔ 47:10

Nɛ Yakɔbɔ wele 'bɔ mbé nu a tɛ nwa, nɛ a hɔ nza kɔ tɔa 'da a, nɛ a la.

Ndo Nyanga Dɛ Mɔ 47:7

'Do ki ni, nɛ Yozɛfu nɛa do baa a Yakɔbɔ, nɛ a be a hã nwa. Nɛ Yakɔbɔ wila nu ɛ tɛ nwa.

Ndo Nyanga Dɛ Mɔ 48:20

Do ngba soe ni, nɛ a wila nu a tɛ wa, nɛ a tɔ̃ na: “Obe Israɛlɛ wa sa sɛ li nɛ, 'da fala kɛ wa nɛ wele nu wa tɛ wele ni. Nɛ wa tɔ̃ sɛ na: ‘E kɔ Gale be dia kɔ sila hã mɔ, ɔ nɛ kɛ a bia zi ma hã Efraimɛ do Manase ni.’ ” Na mɛ ni, nɛ Yakɔbɔ ia Efraimɛ na, a hɔ be dati olo li Manase.

1 Onwanɔ 8:55

nɛ a yolo do nyanga a, nɛ a aka Gale na, a wele nu a tɛ obe Israɛlɛ vɛ̃, kɛ wa mba zi li ngba wa dɛ di ni ni. Nɛ a na:

1 Sakonɔ 23:13

Nɛ Amramɛ ko Aroni do Mɔizɛ. Nɛ nwa saka zi Aroni do obenɔ 'da a fala nɛ kpo na, wa ɔ owi dɛ to tɛ fala kɛ ma santo ni fai. Nɛ wa dɔ dɔnggamɔ fũ yɔmbɔ hã ɛ, nɛ wa dɛ to hã ɛ, nɛ wa wele nu wa tɛ winɔ do zu li ɛ NWA.

2 Sakonɔ 30:27

Nɛ do ndɔti nɛ, nɛ onganga levitɛnɔ wa kulu ngɔ, nɛ wa sambala Gale na, a wele nu a tɛ winɔ. Nɛ Gale zila sambala 'da wa tɛ fala dungu 'da a tɛ li nza i, kɛ ma santo ni, nɛ a kɔ̃ gɛnɛ nɛ.

Kulu Tɔa 39:43

Nɛ Mɔizɛ nɛa we zɔ na, obe Israɛlɛ wa dɛa mɛnɔ ɔ nɛ kɛ NWA tɔ̃a ni, nɛ a wila nu a tɛ wa.

Tɔlɔ Mɔ 6:22

NWA tɔ̃a hã Mɔizɛ na:

ROMA 1:7

Ma kɛ mi kɔmɔ mbɛti gɛ hã nɛ, Owi Roma. Mba gɔ, Gale kɔ̃a gɛnɛ nɛ, nɛ a sa mɔ hã nɛ na, nɛ hɔ winɔ 'da ɛ. E kɔ Baa lɛ Gale, do Nwa Yezu Kristo wa be dia zã 'da wa hã nɛ, nɛ wa hã gɛa dungu hã nɛ.

1 KORINTƐ 1:3

E kɔ Baa lɛ Gale, do Nwa 'da lɛ Yezu Kristo, wa be dia zã 'da wa hã nɛ, nɛ wa dɛ na, nɛ ɔ do gɛa sila.

Mbulanɔ 10:8

Do 'da fala ni, nɛ NWA hã zi to hã nu kpala Levi. Mɛ zi a to ba tole Sanduku Gba Tɔkɛ 'da NWA, do yolo dati NWA we dɛ to hã a, do wele nu wa tɛ winɔ do zu li a. Nɛ tonɔ ni, ma 'bana do mɔ́ wa fai tia do sɔɛ gɛ.

Mbulanɔ 21:5

Nɛ ma wia na, onganga levitɛnɔ wa ɔ boe. Wa a owi kɛ Gale saka wa na, wa dɛ to hɛ̃ ɛ, nɛ wa wele nu wa tɛ Owele do zu li ɛ. We kɛ wa a wa wia we 'dafa we mɔ̃lã, do we e dani tɛ ngba wi.

Mbulanɔ 33:1

Dati kɛ na, Mɔizɛ wi 'da Gale fe ni, nɛ a wila zi nu a tɛ obe Israɛlɛ. Nɛ zélé wele nunɔ kɛ a wila zi ni. A na:

OHEBRE 7:1

Mɛlkisedɛkɛ zi a nwa ngɔ le Salɛmɛ, nɛ a zi 'bɔ a nganga 'da Gale, kɛ a nɛa ngɔ mɔ vɛ ni. Nɛ 'da fala kɛ Abrahama yula zi tɛ bi bole do ogele nwanɔ, nɛ a nɛa ngɔ wa ni, nɛ a tɛ si nɛ, nɛ Mɛlkisedɛkɛ gɔnɔ dati a, nɛ a wele nu a tɛ̃ a.

OHEBRE 7:7

Nɛ lɛ ĩ na, wi kɛ a wele nu a tɛ ngba a, nɛ nde a gã nɛa ngɔ wele kɛ a wila nu a tɛ́ a ni.

Yozue 8:33

Obe Israɛlɛ do owi gɔnɔ wenɔ, do okpasa winɔ, do okumunɔ 'da wa, wa mba fala nɛ kpo do ogele winɔ, kɛ wa ɔ zi sanga wa ni, nɛ wa vɛ̃ wa fi Sanduku Gba Tɔkɛ 'da Gale dɛ gbogbo, nɛ wa yolo dɛ dati onganga levitɛnɔ kɛ wa ba zi ma ni. Nɛ kpo mbe bɔa kɔ owinɔ, wa siki 'do wa dɛ ngɔ kala Garizimɛ, nɛ tala nɛ wa siki 'do wa dɛ ngɔ kala Ebalɛ. Wa dɛa ni, we kɛ Mɔizɛ, ba zi nu a na, 'da fala onganganɔ wa wele do nu wa tɛ winɔ ni, nɛ wa yolo na mɛ ni.

1 PETRO 1:2

Baa lɛ Gale 'bili zɛ́ do kɔ sila ɛ belee we saka nɛ do owinɔ 'da a, nɛ a hã 'bɔ Hi Wi 'da a hã nɛ, we 'dafa sila nɛ, takɔ nɛ zele we nu Yezu Kristo, nɛ tɔkɔ tɛ Yezu fɔlɔ 'dã mɛnɔ 'da nɛ na, nɛ hɔ sa wi li Gale. E kɔ Gale be dia zã 'da a hã nɛ, nɛ a dɛ na, nɛ ɔ do gɛ̃a sila fai.

2 YOANƐ 1:3

E kɔ Baa lɛ Gale do Be 'da a Yezu Kristo, wa be dia zã hã lɛ do nɛ, nɛ wa ĩ 'bako hã lɛ, nɛ wa dɛ na, lɛ ɔ do gɛ̃a sila. E kɔ ma dɛ tɛ́ ɛ na mɛ ni we lɛ, kɛ lɛ ĩ ti gbãlã we 'da Gale, nɛ lɛ kɔ̃a 'bɔ gɛnɛ ngba lɛ ni.