Tɔlɔ Mɔ 6:2 - WE NU GALE 1995

² a é mbulanɔ gɛ hã obe Israɛlɛ na: “Fala kɛ wi wili tabi wuko kpo mbulu we hã tɛ̃ a hã mi NWA, nɛ wa sa sɛ li a na Nazire.

Tɔlɔ Mɔ 6:2 Iomraidhean Croise

Kulu Tɔa 33:16

Fala kɛ mɔ kã̀ lɛ gɔ, nɛ wa dɛ sɛ fala ĩ na, mɔ bia dia zã 'da mɔ hã mi do owinɔ 'da mɔ ni nɛ nde? Fala kɛ mɔ sanga lɛ boe, nɛ nde lɛ wé sɛ kɔ̃ do ogele winɔ ngɔ nù gɛ gɔ.”

GBA WENƆ 18:1

Wele kɛ a fa tati a de mɔ mɔ́ a iko ni, a kɔ̃̀ we zele nu wele gɔ. Mɔ tɔ̃ mbula hã a, nɛ zã a nɔ̃lɔ̃ dɛ tɛ mɔ.

Yeremi 35:6

Nɛ wa gese hã mi na: “Lɛ nɔ dɔ̃ gɔ, we duzu kɛ yaa lɛ Yonadabɛ, be 'da Rekabɛ ba zi nu a hã lɛ na, lɛ do obe zã lɛ, lɛ tɛ nɔ dɔ̃ gɔ.

Levitɛnɔ 20:26

Nɛ ɔ́ santo, nɛ nɛ hã́ tɛ nɛ we dɛa toe 'da mi, we kɛ mi NWA, mi santo. Nɛ mi fua zi nɛ sanga ogele nu kɔnggɔnɔ na, nɛ hɔ owinɔ 'da mi.

Levitɛnɔ 27:2

a e mbulanɔ gɛ hã obe Israɛlɛ na: “Fala kɛ wele kpo mbulu we hã wele hã NWA, nɛ wa wia tɛ we mbili fɛ̃a mɔ bolo olo li a, nɛ wi ni futa mbili ni.

Tɔlɔ Mɔ 30:3

“Fala kɛ wele kpo mbulu hã dɔnggamɔ hã NWA, tabi we bɛ̃ mɔ do zu li a nde, nɛ ma wia na, a dɛ olo nu a kɛ a tɔ̃a ni vɛ̃.

Tɔlɔ Mɔ 6:1

NWA tɔ̃a hã Mɔizɛ na,

LUKA 1:15

We duzu kɛ a sɛ a gã wi li Nwa Gale. A nɔ́ sɛ dɔ̃ vinɔ, tabi gele dɔ̃ kpo gɔ. Naa a a ko sɛ a, nɛ nde ngawi 'da Hi Wi Santo dunu kɔ a.

Owi Nɛ Tonɔ 18:18

Nɛ Polo ɔa dɛ Konntɛ ni 'do a nyɛlɛ wena. Nɛ 'do nɛ, nɛ wa do Prisilɛ, do Akilasi, wa kulu ngɔ sanga onya wa wi kɔ̃a wenɔ, we ba masua, we la dɛ Siri. Dati la mɔ́ wa, nɛ Polo nɛa tɛ Sankre, nɛ a kpolo mili zu a do'do, we kɛ a kpua mbulu hã Gale.

ROMA 1:1

Wi a mi Polo, wi dɛa toe 'da Yezu Kristo hã mi kɔmɔ mbɛti gɛ hã nɛ. Gale sa zi mɔ hã mi, nɛ a ia mi do wi nɛ to, nɛ a saka mi we be Dia Sakoe 'da a hã Owele.

2 KORINTƐ 6:16

We mɔ́ kpikima tɛ tɔa 'da Gale boe nde? Tɔa 'da Gale wele kpasi, wi a lɛ, ɔ nɛ kɛ a ngboo a tɔ̃a na: “Mi ɔ sɛ dɛ sanga winɔ 'da mi, nɛ mi yɛnggɛ sɛ fala nɛ kpo do wa. Mi sɛ a Gale 'da wa, nɛ wa sɛ a winɔ 'da mi” ni.

GALATI 1:15

Nɛ nde Gale bia zi dia zã 'da a hã mi, nɛ a saka mi dati kɛ na wa tɛ kò mi gɔ ni, nɛ a ia mi we dɛ to hã a.

OHEBRE 7:27

A ɔ̀ nɛ ogele gã nwa nganganɔ gɔ. Wanɔ ni, wa dɔ zi dɔnggamɔ hã Gale tũ kpo kpo we duzu 'dã mɛnɔ 'da wa, sɛ nɛ wa dɔ 'bɔ we 'dã mɛnɔ 'da tala ogele winɔ de. Nɛ nde kɛ 'da Yezu, a hã zi dɔnggamɔ hã Gale fala kpo ia, nɛ dɔnggamɛ ni, mɛ a kifi tɛ̃ a wele nɛ ngboo.

Owi kpe dati 13:14

A nyɔngɔ sɛ mɔ kɛ ma yula kɔ wala te vinɔ ni gɔ. Nɛ a nɔ̀ sɛ dɔ̀ vinɔ do ogele nga dɔnɔ vɛ̃ gɔ. A nyɔ́ngɔ́ sɛ 'bɔ mɔ kɛ mɛ a mɔ ndi li Gale ni gɔ. Nɛ ma wia na, wuke 'da mɔ dɛ mɛnɔ mi tɔ́a we nɛ hã a ni vɛ̃.”

Owi kpe dati 13:4

Ní a yolo do sɔɛ gɛ, mɔ tɛ nɔ dɔ̃ vinɔ do ogele nga dɔ̃nɔ vɛ̃ gɔ, nɛ mɔ tɛ nyɔ̀ngò 'bɔ mɔ kɛ mɛ a mɔ ndi li Gale ni gɔ.

Owi kpe dati 13:5

Mba gɔ, mɔ ba sɛ zã, nɛ mɔ ko bulu be. Nɛ wa hã sɛ be ni hã Gale. Nɛ mɔ kɛ́lɛ́ sɛ zu a gɔ, we be na, wa ia a hã Gale. Kɔ 'da fala a gã, nɛ a fo sɛ obe Israɛlɛ ti kɔ̃ Ofilisti.”

Owi kpe dati 16:17

Nɛ a be wá gulu fala kɛ gã ngawi 'da a yolo nɛ ni vɛ̃ hã Dalila na: “Kɛ gbaa gɛ, wa kɛ̀lɛ̀ mbe mili zu mi fala kpo gɔ. We kɛ, dati kɛ na wa ko mi ni, nɛ wa hã zi mi hã Gale na, mi ɔ wi 'da a. Kɔ fala kɛ nɛ kɛlɛ mili zu mi, nɛ ngawi 'da mi ma e nɛ, nɛ mi ɔ sɛ nɛ tala winɔ vɛ̃ ni.”

1 SAMUƐLƐ 1:28

Ma kɛ mi kɔ̃a tɛ mɛ 'bɔ we hã a hã NWA. Nɛ li dungi 'da a vɛ̃, wele a sɛ a mɔ́ a.” 'Do nɛ, nɛ wa vɛ̃ wa gu gba zugolo, nɛ wa dɔnggɔ NWA.